Kiara-Sidharth: ಕಿಯಾರಾ-ಸಿದ್ಧಾರ್ಥ್ ಅದ್ಧೂರಿ ಆರತಕ್ಷತೆ; ಆಲಿಯಾ, ಕರೀನಾ ಕಪೂರ್ ಸೇರಿದಂತೆ ಅನೇಕ ಬಾಲಿವುಡ್ ಗಣ್ಯರ ಸಮಾಗಮ

ಫೆಬ್ರವರಿ 7ರಂದು ರಾಜಸ್ಥಾನದಲ್ಲಿ ಕಿಯಾರಾ ಅಡ್ವಾಣಿ, ಸಿದ್ಧಾರ್ಥ್ ಮಲ್ಹೋತ್ರಾ ವೈವಾಹಿಕ ಜೀವನಕ್ಕೆ ಕಾಲಿಟ್ರು. ಕೆಲ ಆಪ್ತರು ಹಾಗೂ ಕುಟುಂಬಸ್ಥರ ಸಮ್ಮುಖದಲ್ಲಿ ಅದ್ಧೂರಿ ವಿವಾಹ ನಡೆಯಿತು.

ಮದುವೆ ಬಳಿಕ ಕಿಯಾರಾ-ಸಿದ್ಧಾರ್ಥ್ ರಿಸೆಪ್ಷನ್ ಮುಂಬೈನಲ್ಲಿ ಅದ್ಧೂರಿಯಾಗಿ ನಡೆದಿದೆ. ಆರತಕ್ಷತೆಯಲ್ಲಿ ಬಾಲಿವುಡ್ ಸೆಲೆಬ್ರಿಟಿಗಳ ಸಮಾಗಮವಾಗಿದೆ.

ಕಿಯಾರಾ ಮತ್ತು ಸಿದ್ಧಾರ್ಥ್ ಕೈ ಹಿಡಿದುಕೊಂಡು ರಿಸೆಪ್ಷನ್ ವೇದಿಕೆಗೆ ಆಗಮಿಸಿ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಸಿದ್ಧಾರ್ಥ್ ಬ್ಲ್ಯಾಕ್ ಸೂಟ್ ಧರಿಸಿದ್ರು. ಕಿಯಾರಾ ಕೂಡ ಬ್ಲ್ಯಾಕ್ ಅಂಡ್ ವೈಟ್ ಗೌನ್ ತೊಟ್ಟು ಮಿಂಚುತ್ತಿದ್ರು.

ನಟಿ ಆಲಿಯಾ ಭಟ್ ಮತ್ತು ಕಾಜೋಲ್- ಅಜಯ್ ದೇವಗನ್ ಸೇರಿದಂತೆ ಅನೇಕ ಬಾಲಿವುಡ್ ತಾರೆಯರು ಆರತಕ್ಷತೆಯಲ್ಲಿ ಭಾಗವಹಿಸಿದರು.

ಕೆಲವು ತಿಂಗಳ ಹಿಂದೆ ಮಗಳು ರಾಹಾಗೆ ಜನ್ಮ ನೀಡಿದ ಆಲಿಯಾ ಭಟ್ ಸೀರೆಯಲ್ಲಿ ಸಖತ್ ಆಗಿ ಕಾಣ್ತಿದ್ರು. ಆಲಿಯಾ ಮತ್ತು ಸಿದ್ಧಾರ್ಥ್ ಕರಣ್ ಜೋಹರ್ ಅವರ 2012ರಲ್ಲಿ ಸ್ಟೂಡೆಂಟ್ ಆಫ್ ದಿ ಇಯರ್ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ರು. ಬಳಿಕ ಕಪೂರ್ ಅಂಡ್ ಸನ್ಸ್ ನಲ್ಲಿ ಸಹ-ನಟಿಸಿದ್ದಾರೆ. ಆಲಿಯಾ ಬ್ರಹ್ಮಾಸ್ತ್ರ ನಿರ್ದೇಶಕ ಅಯಾನ್ ಮುಖರ್ಜಿ ಜೊತೆ ಫೋಟೋಗೆ ಪೋಸ್ ಕೊಟ್ರು.

ಆಲಿಯಾ ಅವರ ಅತ್ತೆ ನೀತು ಕಪೂರ್ ಕೂಡ ಆರತಕ್ಷತೆಗೆ ಆಗಮಿಸಿದ್ರು. ಜಗ್ಗುಗ್ ಜೀಯೋ ಸಿನಿಮಾದಲ್ಲಿ ನೀತು ಕಪೂರ್ ಮತ್ತು ಕಿಯಾರಾ ಅಡ್ವಾಣಿ ಜೊತೆಯಾಗಿ ನಟಿಸಿದ್ದಾರೆ.

ಕರೀನಾ ಕಪೂರ್ ಪಿಂಕ್ ಸೀರೆಯುಟ್ಟು ಕಿಯಾರಾ ರಿಸೆಪ್ಷನ್ನಲ್ಲಿ ಭಾಗವಹಿಸಿದ್ರು. ನಿರ್ಮಾಪಕ ಕರಣ್ ಜೋಹರ್ ಜೊತೆ ಕರೀನಾ ಕಪೂರ್ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ.

ಕಾಜೋಲ್ , ಅಜಯ್ ದೇವಗನ್ ಮತ್ತು ಅಭಿಷೇಕ್ ಬಚ್ಚನ್ ಕೂಡ ನವ ಜೋಡಿಗೆ ಶುಭಕೋರಿದ್ದಾರೆ.

ಕಿಯಾರಾ ಮತ್ತು ಸಿದ್ಧಾರ್ಥ್ ತಮ್ಮ ಕುಟುಂಬದೊಂದಿಗೆ ಫೋಟೋಗೆ ಪೋಸ್ ಕೊಟ್ಟಿದ್ದು. ರಿಸೆಪ್ಷನ್ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.