Sudha Murthy-Narayana Murthy Biopic: ಕನ್ನಡ ಸೇರಿದಂತೆ ಮೂರು ಭಾಷೆಗಳಲ್ಲಿ ಸೆಟ್ಟೇರಲಿದೆ ನಾರಾಯಣ ಮೂರ್ತಿ-ಸುಧಾ ಮೂರ್ತಿ ಜೀವನಾಧಾರಿತ ಸಿನಿಮಾ ..!

ಈ ಸಿನಿಮಾವನ್ನು ನಿರ್ದೇಶಕಿ ಅಶ್ವಿನಿ ಐಯ್ಯರ್​ ನಿರ್ದೇಶಿಸಲಿದ್ದಾರಂತೆ.

ಹೀಗೆಂದು ಖುದ್ದು ಅಶ್ವಿನಿ ಅಯ್ಯರ್​ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಸೂಧಾ ಮೂರ್ತಿ ಅವರೊಂದಿಗಿರುವ ಚಿತ್ರವನ್ನು ಹಂಚಿಕೊಳ್ಳುವ ಮೂಲಕ ಪೋಸ್ಟ್​ ಮಾಡಿದ್ದಾರೆ.

ಸುಧಾಮೂರ್ತಿ ಹಾಗೂ ನಾರಾಯಣ ಮೂರ್ತಿ ಅವರ ಜೀವನಾಧಾರಿತ ಈ ಸಿನಿಮಾ ಮೂರು ಭಾಷೆಗಳಲ್ಲಿ ಸೆಟ್ಟೇರಲಿದೆ.

ಕನ್ನಡ, ಹಿಂದಿ ಹಾಗೂ ತಮಿಳಿನಲ್ಲಿ ಈ ಸಿನಿಮಾವನ್ನು ಮಾಡಲಾಗುವುದು ಎಂದು ಅಶ್ವಿನಿ ಬರೆದುಕೊಂಡಿದ್ದಾರೆ.

ಈ ಚಿತ್ರಕ್ಕೆ ನಿತೇಶ್ ತಿವಾರಿ, ಪಿಯೂಶ್​ ಗುಪ್ತಾ ಹಾಗೂ ಶ್ರೇಯಸ್​ ಜೈನ್​ ಕತೆ ಬರೆಯಲಿದ್ದಾರಂತೆ, ಈ ಚಿತ್ರದಲ್ಲಿರುವ ತಂಡವೇ ಈ ಸಿನಿಮಾದಲ್ಲಿ ಕೆಲಸ ಮಾಡಲಿದೆ.

ಇದರಲ್ಲಿ ಸುಧಾ ಹಾಗೂ ನಾರಾಯಣ ಮೂರ್ತಿ ಅವರ ಜೀವನ ಹಾಗೂ ಅವರ ಜೀವನದಲ್ಲಿ ನಡೆದ ಬಹಳ ಮುಖ್ಯ ಮತ್ತು ಮರೆಯಲಾರದ ಘಟನೆಗಳ ಬಗ್ಗೆಯೂ ವಿಷಯಗಳು ಇರಲಿವೆಯಂತೆ. ಇದರಲ್ಲಿ ರತನ್​ ಟಾಟಾ ಅವರ ಉಲ್ಲೇಖ ಬಂದರೂ ಆಶ್ಚರ್ಯ ಪಡಬೇಕಿಲ್ಲ.

ಕಂಗನಾ ಅಭಿನಯದ 'ಪಂಗಾ' ಸಿನಿಮಾವನ್ನೂ ಅಶ್ವಿನಿ ಐಯ್ಯರ್​ ಅವರೇ ನಿರ್ದೇಶಿಸಿದ್ದಾರೆ.

ಅಶ್ವಿನಿ ಐಯ್ಯರ್​ ಈ ಹಿಂದೆ 'ನೀಲ್​ ಬಟೆ ಸನ್ನಾಟ' ಹಾಗೂ 'ಬರೇಲಿ ಕಿ ಬರ್ಫಿ' ಚಿತ್ರಗಳನ್ನು ಅಶ್ವಿನಿ ನಿರ್ದೇಶಿಸಿದ್ದಾರೆ.