Ashika Ranganath Photos: ಸೀರೆಯಲ್ಲಿ ಕಂಗೊಳಿಸಿದ ಚುಟು ಚುಟು ಬೆಡಗಿ, ಆಶಿಕಾ ಟ್ರೆಡಿಷನಲ್ ಲುಕ್​​ಗೆ ಫ್ಯಾನ್ಸ್ ಕ್ಲೀನ್‌ ಬೋಲ್ಡ್!

ಸ್ಯಾಂಡಲ್ವುಡ್ ಕ್ಯೂಟ್ ನಟಿಯರಲ್ಲಿ ಆಶಿಕಾ ರಂಗನಾಥ್ ಕೂಡಾ ಒಬ್ಬರು. ಚಂದನವನದ ಟಾಪ್ ನಟಿಯರ ಲಿಸ್ಟ್​ನತ್ತ ಕಣ್ಣು ಹಾಯಿಸಿದರೆ, ಆ ಸಾಲಿನಲ್ಲಿ ಆಶಿಕಾ ರಂಗನಾಥ್ ಕೂಡ ಕಾಣಿಸ್ತಾರೆ. ಕ್ರೇಜಿ ಬಾಯ್ ಸಿನಿಮಾದ ಮೂಲಕ ನಟಿಯಾಗಿ ಸಿನಿ ಜರ್ನಿ ಆರಂಭಿಸಿದ ಆಶಿಕಾಗೆ ಬ್ರೇಕ್ ಸಿಕ್ಕಿದ್ದು, ಮುಗುಳು ನಗೆ ಸಿನಿಮಾದಲ್ಲಿ.

ನಂತರ ಕನ್ನಡ ಸ್ಟಾರ್ ನಟರ ಜೊತೆಗೆ ಸಾಲು ಸಾಲು ಸಿನಿಮಾದಲ್ಲಿ ನಟಿಸುತ್ತಿರುವ ಆಶಿಕಾ ಸದ್ಯ ಫುಲ್ ಬ್ಯುಸಿಯಾಗಿದ್ದಾರೆ. ಹೀಗಿದ್ದರೂ ಆಶಿಕಾ ತಮ್ಮ ಅಭಿಮಾನಿಗಳಿಗೆ ಟೈಂ ಕೊಡುವುದನ್ನು ಮಾತ್ರ ಮರೆತಿಲ್ಲ. ಆಗಾಗಾ ಸೋಶಿಯಲ್ ಮೀಡಿಯಾದಲ್ಲಿ ಲೈವ್ ಬರುವ ಮೂಲಕ ಅಭಿಮಾನಿಗಳ ಜೊತೆ ಸಂಭಾಷಣೆ ನಡೆಸುತ್ತಿರುತ್ತಾರೆ.

ಇಷ್ಟೇ ಅಲ್ಲದೇ ತಮ್ಮ ಬ್ಯುಸಿ ಶೆಡ್ಯೂಲ್ ಮಧ್ಯೆ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟಿವ್ ಆಗಿರುವ ಆಶಿಕಾ ಆಗಾಗ ಕೆಲವು ಫೋಟೋ ಹಾಗೂ ವಿಡಿಯೋಗಳನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ.

ಇದೀಗ ಹೊಸ ವರ್ಷದ ಆರಂಭದಲ್ಲಿಯೇ ಹೊಸ ಫೋಟೋ ಶೂಟ್ ಮಾಡಿಸಿರುವ ನಟಿ, ಸದ್ಯ ತಮ್ಮ ಫೋಟೋಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಹೊಸ ವರ್ಷದ ಶುಭಾಶಯ ತಿಳಿಸಿದ್ದಾರೆ.

ಸಂಪ್ರದಾಯಿಕವಾಗಿ ಸೀರೆಯಲ್ಲಿ ಕಾಣಿಸಿಕೊಂಡಿರುವ ಆಶಿಕಾ ಲುಕ್ ಎಲ್ಲರ ಗಮನ ಸೆಳೆಯುತ್ತಿದ್ದು, ಅಭಿಮಾನಿಗಳ ನಿದ್ದೆಗೆಡಿಸುವಂತಿದೆ. ಫೋಟೋದಲ್ಲಿ ಆಶಿಕಾ ಹಳದಿ ಬಣ್ಣದ ಸೀರೆ ತೊಟ್ಟು, ಬ್ಲೂ ಕಲರ್ ಡಿಸೈನರ್ ಬ್ಲೌಸ್​ ಧರಿಸಿರುವುದನ್ನು ಕಾಣಬಹುದಾಗಿದೆ.

ಇನ್ನೂ ಈ ಸಂಪ್ರದಾಯಿಕ ಉಡುಗೆಗೆ ಆಶಿಕಾ ಧರಿಸಿರುವ ಇಯರ್ ರಿಂಗ್ ಎದ್ದು ಕಾಣಿಸುವಂತಿದ್ದು, ಜೊತೆಗೆ ಬ್ಯಾಂಗಲ್ ಕೂಡ ಎಲ್ಲರ ಗಮನ ಸೆಳೆಯುವಂತಿದೆ. ಇದರ ಜೊತೆಗೆ ಆಶಿಕಾ ಹೇರ್ ಸ್ಟೈಲ್, ಮುಡಿಗೆ ತೊಟ್ಟಿರುವ ಬಿಳಿ ಬಣ್ಣದ ಆರ್ಟಿಫಿಶಿಯಲ್ ಹೂ ಕೂಡ ಎಲ್ಲರ ಕಣ್ಮನ ಸೆಳೆಯುವಂತಿದೆ. ತಮ್ಮ ನೆಚ್ಚಿನ ನಟಿಯ ಗೆಟಪ್ಗೆ ಫ್ಯಾನ್ಸ್ ಕ್ಲೀನ್ ಬೋಲ್ಡ್​​ ಆಗಿದ್ದಾರೆ.

ಅದರಲ್ಲಿಯೂ ಒಂದೊಂದು ಫೋಟೋಗೂ ಆಶಿಕಾ ನೀಡಿರುವ ಪೋಸ್ ಸಖತ್ ಕ್ಯೂಟ್ ಆಗಿದೆ. ಒಟ್ಟಾರೆ ಹೊಸ ವರ್ಷದಂದೇ ಅಭಿಮಾನಿಗಳ ಮುಂದೆ ಸೀರೆಯಲ್ಲಿ ಕಾಣಿಸಿಕೊಂಡಿರುವ ಆಶಿಕಾಗೆ ಈ ವರ್ಷ ಶುಭವಾಗಲಿ ಎಂದು ಆಶಿಸೋಣ.