Shah Rukh Khan: ಶಾರುಖ್​ಗೆ ಮಗನಿಂದಲೇ ಆ್ಯಕ್ಷನ್ ಕಟ್! ಕಿಂಗ್ ಖಾನ್ ಬಿಗ್ ಅಪ್ಡೇಟ್

ಆರ್ಯನ್ ಖಾನ್ ತಂದೆ ಶಾರುಖ್ ಖಾನ್ ಅವರಿಗೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾನೆ. ಬಾಲಿವುಡ್ ಕಿಂಗ್ ಖಾನ್ ಜೊತೆ ಸಿನಿಮಾ ಮಾಡಲು ಖ್ಯಾತ ನಿರ್ದೇಶಕರು ಸಾಲು ಸಾಲು ನಿಂತಿದ್ದಾರೆ. ಹಾಗಿರುವಾಗ ಆರ್ಯನ್​ಗೆ ಅವಕಾಶ ಸಿಗುತ್ತಾ ಅಂತ ಕೇಳ್ತಿದ್ದೀರಾ? ಹೌದು. ಅಂತೂ ಇಂತೂ ಆರ್ಯನ್​ಗೆ ನಿರ್ದೇಶನದ ಅವಕಾಶ ಸಿಕ್ಕಿದೆ.

ಅಂದ ಹಾಗೆ ಆರ್ಯನ್ ಖಾನ್ ನಿರ್ದೇಶನ ಮಾಡುತ್ತಿರುವುದು ಹೌದು. ಆದರೆ ಇದು ಸಿನಿಮಾ ಅಲ್ಲ. ಬದಲಾಗಿ ಜಾಹೀರಾತು. ಅದೂ ಕೂಡಾ ತಮ್ಮದೇ ಬ್ರ್ಯಾಂಡ್​ಗೆ ಆರ್ಯನ್ ತಂದೆಯಿಂದ ಜಾಹೀರಾತು ಮಾಡಿಸ್ತಿದ್ದಾರೆ. ತುಂಬಾ ಕಾಳಜಿಯಿಂದ, ಶ್ರದ್ಧೆ ವಹಿಸಿದ ಈ ಟಾಸ್ಕ್ ಮುಗಿಸಿದ್ದಾರೆ.

ಆರ್ಯನ್ ಖಾನ್ ಅವರ ಸ್ವಂತ ಉದ್ಯಮವಾಗಿರುವ D'yavol X ಬಟ್ಟೆ ಬ್ರ್ಯಾಂಡ್​​ಗೆ ತಂದೆಯನ್ನೇ ಮುಖವಾಗಿ ತೋರಿಸಿ ಅವರಿಂದಲೇ ಪ್ರಚಾರ ಮಾಡಿಸ್ತಿದ್ದಾರೆ. ಸುಹಾನಾ ಖಾನ್ ಅಣ್ಣ ಜಾಹೀರಾತು ನಿರ್ದೇಶನ ಮಾಡುವ ಫೋಟೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.

ಈ ಜಾಹೀರಾತಿನ ಟೀಸರ್​ನಲ್ಲಿ ಪೈಂಟ್ ಬ್ರಶ್ ಕೆಳಗೆ ಬೀಳುವುದನ್ನು ಕಾಣಬಹುದು. ಅದನ್ನು ಶಾರುಖ್ ಖಾನ್ ಎತ್ತಿಕೊಳ್ಳುತ್ತಾರೆ. ಆದರೆ ಮುಖ ರಿವೀಲ್ ಆಗುವ ಮೊದಲೇ ಕ್ಯಾಮೆರಾ ಆ್ಯಂಗಲ್ ಬದಲಾಗುತ್ತದೆ. ಕೆಲವೇ ಸೆಕೆಂಡ್​ಗೆ ಕೊನೆಯಲ್ಲಿ ಶಾರುಖ್ ಮುಖ ಕಾಣುತ್ತದೆ. ಈ ಟೀಸರ್​ನ್ನು ಆರ್ಯನ್ ಶೇರ್ ಮಾಡಿದ್ದಾರೆ.

ಆರ್ಯನ್ ಖಾನ್ ಅವರ ಈ ಹೊಸ ಪ್ರಯತ್ನಕ್ಕೆ ನೆಟ್ಟಿಗರು ಶುಭಾಶಯ ತಿಳಿಸುತ್ತಿದ್ದಾರೆ. ನಿಮ್ಮ ಹೊಸ ಪ್ರಾಜೆಕ್ಟ್ ಸಕ್ಸಸ್ ಆಗಲಿ ಎಂದು ಕಮೆಂಟ್ ಮೂಲಕ ಶುಭ ಹಾರೈಸಿದ್ದಾರೆ.

ಇದಕ್ಕೆ ರಿಯಾಕ್ಟ್ ಮಾಡಿದ ಸುಹಾನಾ ಖಾನ್ ರೆಡ್ ಹಾರ್ಟ್ ಕಮೆಂಟ್ ಮಾಡಿದ್ದಾರೆ. ಗೌರಿ ಖಾನ್ ಅದನ್ನು ತಮ್ಮ ಇನ್​ಸ್ಟಾ ಸ್ಟೊರಿಯಲ್ಲಿ ಶೇರ್ ಮಾಡಿದ್ದಾರೆ.

ಕೆಲವು ತಿಂಗಳ ಹಿಂದೆ ಆರ್ಯನ್ ಖಾನ್ ಇನ್​ಸ್ಟಾಗ್ರಾಮ್ ಮೂಲಕ ತಮ್ಮ ಮೊದಲ ಪ್ರಾಜೆಕ್ಟ್ ಹಾಗೂ ನಿರ್ದೇಶನದ ಬರವಣಿಗೆ ಕೆಲಸ ಮುಗಿಸಿರುವುದಾಗಿ ತಿಳಿಸಿದ್ದರು. 2019ರಲ್ಲಿ ಶಾರುಖ್ ಖಾನ್ ಅವರು ಮಗನ ಕೆರಿಯರ್ ಕನಸುಗಳ ಬಗ್ಗೆ ಮಾತನಾಡಿದ್ದರು.

ಆರ್ಯನ್​ಗೆ ನಟನಾಗುವುದು ಇಷ್ಟವಿಲ್ಲ. ಆದರೆ ಬರೆಯುವುದೆಂದರೆ ಇಷ್ಟ ಎಂದು ಶಾರುಖ್ ಖಾನ್ ಹೇಳಿದ್ದರು. ಅದರಂತೆ ಆರ್ಯನ್ ಖಾನ್ ತನ್ನದೇ ಉದ್ಯಮದಲ್ಲಿ ತೊಡಗಿಸಿಕೊಂಡು ಬ್ಯುಸಿಯಾಗಿದ್ದಾರೆ.

ಮದ್ಯದ ಬ್ರ್ಯಾಂಡ್ ಒಂದನ್ನು ಲಾಂಚ್ ಮಾಡಿದ ಶಾರುಖ್ ಮಗ ಆರ್ಯನ್ ಖಾನ್ ಹಾಗೆಯೇ ಲಿಮಿಟೆಡ್ ಎಡಿಷನ್ ಇರುವಂತಹ ಬಟ್ಟೆಯ ಬ್ರ್ಯಾಂಡ್​ ಕೆಲಸದಲ್ಲಿಯೂ ಬ್ಯುಸಿಯಾಗಿದ್ದಾರೆ.