Bollywood: ಒಂದೇ ಸಿನಿಮಾದಲ್ಲಿ ಬಾಲಿವುಡ್​ ತ್ರಿಮೂರ್ತಿಗಳು! ಆ್ಯಕ್ಷನ್​ ಕಟ್​ ಹೇಳ್ತಿದ್ದಾರೆ ಸೌತ್​​ನ​ ಟಾಪ್​ ಡೈರೆಕ್ಟರ್​

ಬಹುತಾರಾಗಣದ ಸಿನಿಮಾಗಳ ಬಗ್ಗೆ ಜನರಿಗೆ ಯಾವಾಗಲೂ ಕ್ರೇಜ್ ಇರುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಮಲ್ಟಿಸ್ಟಾರರ್ ಚಿತ್ರಗಳತ್ತ ಪ್ರೇಕ್ಷಕರ ಆಸಕ್ತಿ ಹೆಚ್ಚಿದೆ. ಪ್ರೇಕ್ಷಕರು ತಮ್ಮ ನೆಚ್ಚಿನ ನಾಯಕರನ್ನು ಒಂದೇ ಪರದೆಯಲ್ಲಿ ನೋಡಲು ಉತ್ಸುಕರಾಗಿದ್ದಾರೆ.

ಈ ಕ್ರಮದಲ್ಲಿ ಮಲ್ಟಿಸ್ಟಾರರ್ ಚಿತ್ರಗಳನ್ನು ಮಾಡಲು ನಿರ್ದೇಶಕರು ಕೂಡ ಮುಂದೆ ಬರುತ್ತಿದ್ದಾರೆ. ಆದರೆ ಲೆಜೆಂಡರಿ ಹೀರೋಗಳೊಂದಿಗೆ ಮಲ್ಟಿಸ್ಟಾರರ್ ಚಿತ್ರ ಮಾಡುವುದು ದೊಡ್ಡ ಕೆಲಸ. ಸ್ಟಾರ್ ಡೈರೆಕ್ಟರ್ ಮುರುಗದಾಸ್ ಇತ್ತೀಚೆಗಷ್ಟೇ ಇಂಥದ್ದೊಂದು ಅದ್ಧೂರಿ ಪ್ರಯೋಗಕ್ಕೆ ತಯಾರಿ ನಡೆಸಿದ್ದಾರೆ. ಅದೂ ದೊಡ್ಡ ಬಾಲಿವುಡ್ ಹೀರೋಗಳೊಂದಿಗೆ.

ಮುರುಗದಾಸ್ ಅವರು ಬಾಲಿವುಡ್ ಹಿರಿಯ ತಾರೆಯರಾದ ಸಲ್ಮಾನ್ ಖಾನ್ ಮತ್ತು ಶಾರುಖ್ ಖಾನ್ ಅವರೊಂದಿಗೆ ಚಿತ್ರ ಮಾಡಲು ಯೋಜಿಸುತ್ತಿದ್ದಾರೆ. ಗಜನಿ ಚಿತ್ರದ ಮೂಲಕ ಬಾಲಿವುಡ್ ನಲ್ಲಿ ವಿಶೇಷ ಮನ್ನಣೆ ಗಳಿಸಿರುವ ಮುರುಗದಾಸ್ ಇದೀಗ ಅದ್ಧೂರಿ ಮಲ್ಟಿಸ್ಟಾರರ್ ಸಿನಿಮಾ ಮಾಡಲು ರೆಡಿಯಾಗಿದ್ದಾರೆ.

ಸಲ್ಮಾನ್ ಖಾನ್ ಮತ್ತು ಶಾರುಖ್ ಖಾನ್ ಅವರನ್ನು ನಾಯಕರನ್ನಾಗಿಸಿ ದೊಡ್ಡ ಸಿನಿಮಾ ಮಾಡಲು ಮುಂದಾಗಿರುವುದಾಗಿ ಮುರುಗದಾಸ್ ಆಮಿರ್​ ಖಾನ್ ಗೆ ತಿಳಿಸಿದ್ದಾರೆ. ಆಮಿರ್​ ಖಾನ್ ಖುದ್ದು ಸಲ್ಮಾನ್ ಮತ್ತು ಶಾರುಖ್ ಅವರನ್ನು ಭೇಟಿ ಮಾಡಲು ವ್ಯವಸ್ಥೆ ಮಾಡಿದರು. ಈ ಹಿಂದೆ ಗಜನಿ ಸಿನಿಮಾ ಮಾಡುವಾಗ ಮುರುಗದಾಸ್ ಮತ್ತು ಆಮಿರ್​​ ಖಾನ್ ಹತ್ತಿರವಾಗಿದ್ದರು.

ಈ ಹಿನ್ನಲೆಯಲ್ಲಿ ಸಲ್ಮಾನ್ ಖಾನ್ ಮತ್ತು ಶಾರುಖ್ ಖಾನ್ ಗೆ ಕಥೆ ಹೇಳಿದ ಮುರುಗದಾಸ್ ಅವರಿಂದ ಗ್ರೀನ್ ಸಿಗ್ನಲ್ ತೆಗೆದುಕೊಂಡಿದ್ದಾರೆ ಎಂದು ವರದಿಯಾಗಿದೆ. ಕಥೆ ಇಷ್ಟವಾಗಿದ್ದು, ಕೂಡಲೇ ಡೆವಲಪ್ ಮಾಡಲು ಹೇಳಿದ್ದಾರೆ ಎಂಬುದು ಬಾಲಿವುಡ್​ನಿಂದ ನಿಂದ ಬಂದಿರುವ ಮಾಹಿತಿ.

1995 ರಲ್ಲಿ, ಕರಣ್ ಅರ್ಜುನ್ ಚಿತ್ರದಲ್ಲಿ ಇಬ್ಬರೂ ಒಟ್ಟಿಗೆ ನಟಿಸಿದರು. ಕೆಲವು ಸಿನಿಮಾಗಳಲ್ಲಿ ಅತಿಥಿ ಪಾತ್ರಗಳಲ್ಲಿ ನಟಿಸಿದ್ದರು. ಆದರೆ ಇದೀಗ ಮತ್ತೆ ಮುರುಗದಾಸ್ ಅವರ ಜೊತೆ ಪೂರ್ಣ ಪ್ರಮಾಣದ ಸಿನಿಮಾ ಮಾಡಲು ಮುಂದಾಗಿರುವುದು ಬಾಲಿವುಡ್ ಪ್ರೇಕ್ಷಕರಲ್ಲಿ ಕುತೂಹಲ ಹೆಚ್ಚಿಸಿದೆ.

ಕರಣ್ ಅರ್ಜುನ್ ಚಿತ್ರದ ನಂತರ ಬಿ-ಟೌನ್ ಪ್ರೇಕ್ಷಕರು ಸಲ್ಮಾನ್ ಖಾನ್ ಮತ್ತು ಶಾರುಖ್ ಖಾನ್ ಒಟ್ಟಿಗೆ ನಟಿಸುವ ಚಿತ್ರಕ್ಕಾಗಿ ಕಾತುರದಿಂದ ಕಾಯುತ್ತಿದ್ದಾರೆ. ಹಲವಾರು ವರ್ಷಗಳಿಂದ ನಡೆಯುತ್ತಿದ್ದ ಈ ನಿರೀಕ್ಷೆಗೆ ಇದೀಗ ದಕ್ಷಿಣ ಭಾರತದ ಸ್ಟಾರ್ ಡೈರೆಕ್ಟರ್ ಮುರುಗದಾಸ್ ರೂಪದಲ್ಲಿ ಫುಲ್ ಸ್ಟಾಪ್ ಬೀಳುತ್ತಿರುವುದು ಗಮನಾರ್ಹ.