ಫೋಟೋ

Change Language

ಕನ್ನಡ

ENGLISH हिन्दी বাংলা मराठी ગુજરાતી தமிழ் മലയാളം తెలుగు ਪੰਜਾਬੀ اردو অসমীয়া ଓଡ଼ିଆ

WATCH LIVE TV

Download App

Follow Us on

ಹೋಮ್ » ಫೋಟೋ » ಮನರಂಜನೆ

Anushka Shetty: ಚಿತ್ರರಂಗಕ್ಕೆ ಗುಡ್ಬೈ ಹೇಳ್ತಾರಾ ಕರಾವಳಿ ಚೆಲುವೆ..?

News18 Kannada | July 13, 2020, 7:07 PM IST

ಬಾಹುಬಲಿ ಬ್ಯೂಟಿ, ಅಭಿಮಾನಿಗಳ ಸ್ವೀಟಿ ಅನುಷ್ಕಾ ಶೆಟ್ಟಿ ಚಿತ್ರರಂಗಕ್ಕೆ ಗುಡ್ಬೈ ಹೇಳಲಿದ್ದಾರಾ? ಇಂತಹದೊಂದು ಪ್ರಶ್ನೆ ಇದೀಗ ಟಾಲಿವುಡ್ ಅಂಗಳದಲ್ಲಿದೆ.

ಟಾಲಿವುಡ್ನ ಟಾಪ್ ನಟಿಯರ ನಡುವೆ ಭರ್ಜರಿ ಪೈಪೋಟಿಯನ್ನೇ ನಡೆಸುತ್ತಿರುವ 38ರ ಅನುಷ್ಕಾ, ಈಗಲೂ ಬಹುಬೇಡಿಕೆಯ ನಟಿ ಎಂಬುದರಲ್ಲಿ ನೋ ಡೌಟ್. ಅದರಲ್ಲೂ ಮಹಿಳಾ ಪ್ರಧಾನ ಚಿತ್ರಗಳ ಮೂಲಕ ಕಮಾಲ್ ಮಾಡುವ ಕರಾವಳಿ ಚೆಲುವೆಗೂ ಸರಿಸಾಟಿಯಾಗಿ ಸದ್ಯಕ್ಕಂತು ತೆಲುಗು ಚಿತ್ರರಂಗದಲ್ಲಿ ಮತ್ತೊಬ್ಬರಿಲ್ಲ.

ಇನ್ನು ಗ್ಲಾಮರಸ್ ಪಾತ್ರಕ್ಕೂ ಸೈ, ಐತಿಹಾಸಿಕ ಚಿತ್ರಗಳಿಗೂ ಜೈ ಎಂದು ಅನುಷ್ಕಾ ಶೆಟ್ಟಿ ಈಗಾಗಲೇ ನಿರೂಪಿಸಿದ್ದಾರೆ. ಬಾಹುಬಲಿ ಸರಣಿಯಲ್ಲಿ ಮನೋಜ್ಞ ಅಭಿನಯ ನೀಡಿದ್ದ ನಟಿ ಆ ಬಳಿಕ ಕಾಣಿಸಿಕೊಂಡಿದ್ದು ಬೆರಳಣಿಕೆ ಚಿತ್ರಗಳಲ್ಲಿ ಮಾತ್ರ ಎಂಬುದೇ ಅಚ್ಚರಿ.

ಬಾಹುಬಲಿ-2 ಬಳಿಕ ಭಾಗಮತಿ ಅವತಾರದಲ್ಲಿ ಪ್ರತ್ಯಕ್ಷರಾಗಿದ್ದರು. ಇದರ ಬೆನ್ನಲ್ಲೇ ಬಹು ಬಜೆಟ್ ಚಿತ್ರ ಸೈರಾ ನರಸಿಂಹ ರೆಡ್ಡಿ ಸಿನಿಮಾದಲ್ಲಿ ಝಾನ್ಸಿ ರಾಣಿಯಾಗಿ ವಿಶೇಷ ಪಾತ್ರದಲ್ಲಿ ಕತ್ತಿ ಝಳಪಳಿಸಿದ್ದರು.

ಇನ್ನು ದ್ವಿಭಾಷಾ ಚಿತ್ರ ನಿಶ್ಶಬ್ದಂ ನಲ್ಲಿ ಅನುಷ್ಕಾ ಮೂಗಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರ ಈಗಾಗಲೇ ಭಾರೀ ನಿರೀಕ್ಷೆ ಹುಟ್ಟುಹಾಕಿದ್ದು, ಕೊರೋನಾ ಕಾರಣದಿಂದ ರಿಲೀಸ್ ಡೇಟ್ ಮುಂದಕ್ಕೆ ಹೋಗಿದೆ.

ಇದರ ಹೊರತಾಗಿ ಅನುಷ್ಕಾ ಮತ್ಯಾವ ಸಿನಿಮಾಗೂ ಓಕೆ ಅಂದಿಲ್ವಂತೆ. ಅಂದರೆ ಬಾಹುಬಲಿ ಬ್ಯೂಟಿಗೆ ಅವಕಾಶಗಳು ಸಿಗುತ್ತಿಲ್ಲವೇ ಎಂಬ ಪ್ರಶ್ನೆಗೆ ಕೇಳಿ ಬರುತ್ತಿರುವ ಉತ್ತರ ಹಾಗೇನು ಇಲ್ಲ. ಏಕೆಂದರೆ ಸಕಲ ಕಲಾವಲ್ಲಭ ಕಮಲ್ ಹಾಸನ್ ಚಿತ್ರಕ್ಕೂ ಅನುಷ್ಕಾ ಶರ್ಮಾ ಬುಕ್ ಆಗಿದ್ದಾರೆ.

ಖ್ಯಾತ ನಿರ್ದೇಶಕ ಗೌತಮ್ ವಾಸುದೇವ್ ಮೆನನ್ ಅವರ ವೇಟೆಯಾಡು ವೆಳೆಯಾಡು ಚಿತ್ರದ ಎರಡನೇ ಭಾಗಕ್ಕೆ ಕಮಲ್ಹಾಸನ್ ನಾಯಕಿಯಾಗಿ ಅನುಷ್ಕಾ ಅವರಿಗೆ ಆಫರ್ ನೀಡಲಾಗಿದೆ. ಆದರೆ ಈ ಸಿನಿಮಾ ಲಾಕ್ಡೌನ್ ಕಾರಣದಿಂದ ಸೆಟ್ಟೇರಿಲ್ಲ.

ಇದರ ಹೊರತಾಗಿ ಅನುಷ್ಕಾ ಯಾವ ಸಿನಿಮಾಗಳಲ್ಲಿ ಬಣ್ಣ ಹಚ್ಚಲಿದ್ದಾರೆ ಎಂಬ ಪ್ರಶ್ನೆಗೆ ಸದ್ಯಕ್ಕಂತು ಉತ್ತರವಿಲ್ಲ. ಆದರೆ ಅವರ ಆಪ್ತಮೂಲಗಳ ಪ್ರಕಾರ ಕರಾವಳಿ ಚೆಲುವೆ ತಮ್ಮ ಆಪ್ತ ನಿರ್ದೇಶಕರು ಮತ್ತು ನಿರ್ಮಾಪಕರ ಚಿತ್ರಗಳಿಗೆ ಮಾತ್ರ ಡೇಟ್ಸ್ ನೀಡುತ್ತಿದ್ದಾರಂತೆ.

ಒಂದೆಡೆ ಸೈಲೆನ್ಸ್ (ನಿಶ್ಶಬ್ದಂ) ಚಿತ್ರದ ಬಳಿಕ ಹೊಸ ಸಿನಿಮಾಗಳನ್ನ ಒಪ್ಪಿಕೊಳ್ಳದೇ ಅನುಷ್ಕಾ ಶೆಟ್ಟಿ ಸೈಲೆಂಟಾಗಿದ್ದಾರೆ. ಇದರೊಂದಿಗೆ ನಟಿ ಚಿತ್ರರಂಗಕ್ಕೆ ಗುಡ್ ಬೈ ಹೇಳಲಿದ್ದಾರಾ? ವಿವಾಹಕ್ಕೆ ಸಜ್ಜಾದ್ರಾ ಎಂಬ ಪ್ರಶ್ನೆಗಳೂ ಕೂಡ ಹುಟ್ಟಿಕೊಂಡಿದೆ.