Anushka Shetty: ವಿಚಿತ್ರ ಸಮಸ್ಯೆಗೆ ಒಳಗಾಗಿದ್ದಾರೆ ಅನುಷ್ಕಾ ಶೆಟ್ಟಿ! ಸ್ವೀಟಿಗೆ ಏನಾಯ್ತು ಅಂತಿದ್ದಾರೆ ಫ್ಯಾನ್ಸ್

ನಟ-ನಟಿಯರು ಸಾಮಾನ್ಯವಾಗಿ ಫಿಟ್ ಅಂಡ್ ಫೈನ್ ಆಗಿರಲು ತುಂಬಾ ವರ್ಕೌಟ್ ಮಾಡ್ತಾರೆ. ಜೊತೆ ಡಯೆಟ್ ಅಂತ ಬ್ಯೂಟಿ ಕಾಪಾಡಿಕೊಳ್ಳು ಏನೇನು ಬೇಕೋ ಎಲ್ಲವನ್ನೂ ಮಾಡ್ತಾರೆ. ಆದ್ರೂ ಕೆಲವೊಮ್ಮೆ ಆರೋಗ್ಯ ಹದಗೇಡುತ್ತೆ ಕೆಲ ಸಮಸ್ಯೆಗಳು ಕಾಡುತ್ತೆ.

ಸ್ಟಾರ್ ಹೀರೋಯಿನ್ ಅನುಷ್ಕಾ ಶೆಟ್ಟಿ ವಿಚಿತ್ರ ಸಮಸ್ಯೆಯಿಂ ಬಳಲುತ್ತಿದ್ದಾರೆ. ನಗುವೆ ಇವರ ಪಾಲಿಗೆ ವಿಚಿತ್ರ ಸಮಸ್ಯೆಯಾಗಿದೆ. ತಡೆಯಲಾರದ ನಗು ಆಕೆಯನ್ನು ಕಾಡುತ್ತಿದೆ. ಒಮ್ಮೆ ನಗುವುದಕ್ಕೆ ಶುರು ಮಾಡಿದ್ರೆ ಕನಿಷ್ಠ 10 ರಿಂದ 15 ನಿಮಿಷ ನಗುತ್ತಲೇ ಇರುತ್ತಾರಂತೆ. ಈ ವಿಷಯವನ್ನು ಅವರೇ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ.

ಯಾವುದೇ ಹಾಸ್ಯ ದೃಶ್ಯದಲ್ಲಿ ನಟಿಸಬೇಕಾದ್ರೂ ಸುಮಾರು 15 ನಿಮಿಷ ನಗುತ್ತಲೇ ಇರುತ್ತೇನೆ ಎಂದು ಅನುಷ್ಕಾ ಹೇಳಿದ್ದಾರೆ. ಅಸಲಿಗೆ ಇದು ಆರೋಗ್ಯದ ಸಮಸ್ಯೆಯಲ್ಲ ಆದರೆ ಈ ವಿಚಿತ್ರ ಸಮಸ್ಯೆಯನ್ನು ಕೇಳಿ ಎಲ್ಲರೂ ಶಾಕ್ ಆಗಿದ್ದಾರೆ. ಅನುಷ್ಕಾ ನಗಲು ಶುರು ಮಾಡಿದರೆ ಶೂಟಿಂಗ್ ಗೆ ಬ್ರೇಕ್ ಕೊಡಲೇಬೇಕು.

ಅನುಷ್ಕಾ ಟಾಲಿವುಡ್ನ ಟಾಪ್ ಹೀರೋಯಿನ್ಗಳಲ್ಲಿ ಒಬ್ಬರಾಗಿದ್ರು. ಎಲ್ಲಾ ಟಾಪ್ ಹೀರೋಗಳ ಜೊತೆ ನಟಿಸಿ ದಕ್ಷಿಣ ಭಾರತದಲ್ಲಿ ಭಾರೀ ಕ್ರೇಜ್ ಹುಟ್ಟು ಹಾಕಿದ್ದಾರೆ. ಸ್ವೀಟಿ ಅಪಾರ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ.

ಯೋಗ ಟೀಚರ್ ಆಗಿದ್ದ ಅನುಷ್ಕಾ ಅವರನ್ನು ತೆಲುಗು ಸಿನಿಮಾಗೆ ನಾಗಾರ್ಜುನ ಪರಿಚಯಿಸಿದ್ರು. ಸೂಪರ್ ಸಿನಿಮಾ ಮೂಲಕ ಅನುಷ್ಕಾ ಶೆಟ್ಟಿ ಕ್ಯಾಮರಾ ಮುಂದೆ ಬಂದಿತ್ತು. ಆ ನಂತರ ವಿಕ್ರಮಾರ್ಕು, ಚಿಂತಕಾಯಲ ರವಿ ಮತ್ತು ಅರುಂಧತಿ ಚಿತ್ರಗಳ ಮೂಲಕ ಹೆಸರು ಮತ್ತು ಖ್ಯಾತಿಯನ್ನು ಗಳಿಸಿದರು.

ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿಯನ್ನು ಮಹಾ ಸಾಧನೆ ಮಾಡಿದ ಸಾಧಕರಿಗೆ ವರ್ಷಕ್ಕೊಮ್ಮೆ ನೀಡಲಾಗುತ್ತದೆ. ಈ ದಾದಾ ಸಾಹೇಬ್ ಇಂಟರ್ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ ಅವಾರ್ಡ್ ಅನ್ನು ಅಕಾಡೆಮಿ ಆಯಾ ವರ್ಷದಲ್ಲಿ ಗುರುತಿಸಿಕೊಂಡ ಉತ್ತಮ ಸಿನಿಮಾ ಹಾಗೂ ಕಲಾವಿದರಿಗೆ ನೀಡುವ ಪ್ರಶಸ್ತಿಯಾಗಿದೆ.

ರಾಜಮೌಳಿ ನಿರ್ದೇಶನದ ಬಾಹುಬಲಿ ಸಿನಿಮಾ ಅನುಷ್ಕಾ ಅವರನ್ನು ಪ್ಯಾನ್ ಇಂಡಿಯಾ ಸ್ಟಾರ್ ಮಾಡಿದೆ. ಬಾಹುಬಲಿ ಸರಣಿಯ ಯಶಸ್ಸಿನಲ್ಲಿ ಪ್ರಭಾಸ್ ಎದುರು ಅನುಷ್ಕಾ ಶೆಟ್ಟಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಈ ಸಿನಿಮಾದ ನಂತರ ದೇಶಾದ್ಯಂತ ಅವರ ಫಾಲೋವರ್ಸ್ ಹೆಚ್ಚಾದ್ರು

ಬಾಹುಬಲಿ 2 ಚಿತ್ರದ ನಂತರ ಅನುಷ್ಕಾ 2 ಸಿನಿಮಾ ಮಾಡಿದ್ದಾರೆ. ಅದರಲ್ಲಿ ಒಂದು ಭಾಗಮತಿ ಮತ್ತು ಇನ್ನೊಂದು ಇತ್ತೀಚೆಗೆ ತೆರೆಕಂಡ ಟಿಶಿವಂ ಸಿನಿಮಾ. ಈ ಎರಡು ಸಿನಿಮಾಗಳ ನಂತರ ಅನುಷ್ಕಾ ಕಾಣಿಸಿಕೊಂಡಿಲ್ಲ.

ಅನುಷ್ಕಾ ತೂಕ ಹೆಚ್ಚಾದ ಕಾರಣ ಸಿನಿಮಾಗಳಿಗೆ ಗ್ಯಾಪ್ ನೀಡಿದ್ದಾರಂತೆ. ಸಿನಿಮಾದಿಂದ ದೂರ ಉಳಿದು ಮದುವೆಯಾಗಲಿದ್ದಾರೆ ಎಂಬ ಊಹಾಪೋಹಗಳು ಶುರುವಾಗಿವೆ. ಇದೇ ವೇಳೆ ಕ್ರೇಜಿ ಚಿತ್ರವೊಂದಕ್ಕೆ ಅನುಷ್ಕಾ ಸಹಿ ಹಾಕಿದ್ದಾರೆ ಎನ್ನಲಾಗ್ತಿದೆ.