Anushka Shetty: ‘ಸಿನಿಮಾ ಬೇಕಾದ್ರೆ ಬಿಡ್ತೀನಿ, ಪ್ರಭಾಸ್​​​​ ಜತೆ ಗೆಳೆತನ ಮಾತ್ರ ಬಿಡಲ್ಲ’ - ಅನುಷ್ಕಾ ಶೆಟ್ಟಿ

ಬಾಹುಬಲಿ ಜೋಡಿ ಪ್ರಭಾಸ್-ಅನುಷ್ಕಾ ನಡುವಿನ ಪ್ರೀತಿ ಪ್ರೇಮಕಥೆಗಳಿಗೆ ಕೊನೆ ಬೀಳುವಂತೆ ಕಾಣುತ್ತಿಲ್ಲ. ಕಳೆದೆರೆಡು ವರ್ಷಗಳಿಂದ ರೆಬೆಲ್ ಸ್ಟಾರ್ ಕರಾವಳಿ ಸುಂದರಿಯನ್ನು ವರಿಸಲಿದ್ದಾರೆ ಎಂಬ ಸುದ್ದಿಗಳು ಹರಿದಾಡುತ್ತಲೇ ಇದೆ. ಆದರೆ ಅದಕ್ಕೆ ಕೊನೆಯಂತು ಸಿಕ್ಕಿಲ್ಲ.

ವರ್ಷಾರಂಭದಲ್ಲಿ ಲಂಡನ್​ನಲ್ಲಿ ನಡೆದ 'ಬಾಹುಬಲಿ' ಚಿತ್ರದ ಸ್ಪೆಷಲ್ ಸ್ಕ್ರೀನಿಂಗ್​ನಲ್ಲಿ ಪ್ರಭಾಸ್-ಅನುಷ್ಕಾ ಜೊತೆಯಾಗಿ ಕಾಣಿಸಿಕೊಂಡಿದ್ದರು. ಲಂಡನ್ ಬೀದಿಯಲ್ಲಿನ ತಾರಾ ಜೋಡಿಯ ಫೋಟೋಗಳು ಭಾರೀ ವೈರಲ್ ಆಗಿತ್ತು.

ಈ ಹಿನ್ನೆಲೆಯಲ್ಲಿ ಮತ್ತೊಮ್ಮೆ ಅನುಷ್ಕಾ ಹಾಗೂ ಪ್ರಭಾಸ್ ಡೇಟಿಂಗ್​ನಲ್ಲಿದ್ದಾರೆ ಎಂಬ ಸುದ್ದಿಗಳು ಹರಿದಾಡಿದ್ದವು. ಆದರೆ ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಸಾಹೋ ನಟ ಇಂತಹ ಗಾಸಿಪ್​ಗಳ ಬಗ್ಗೆ ತಲೆಕೆಡಿಸಿಕೊಳ್ಳದಿರಲು ನಾನು ಮತ್ತು ಅನುಷ್ಕಾ ನಿರ್ಧರಿಸಿದ್ದೇವೆ. ಹಾಗಾಗಿ ಹರಿದಾಡುತ್ತಿರುವ ಸುದ್ದಿಗಳ ಬಗ್ಗೆ ಹೇಳಿಕೆಗಳನ್ನು ನೀಡುತ್ತಿಲ್ಲ ಎಂದಿದ್ದರು.

ಹಾಗೆಯೇ ಕಾಫಿ ವಿತ್ ಕರಣ್ ಕಾರ್ಯಕ್ರಮದಲ್ಲೂ ಅನುಷ್ಕಾ ನಡುವಿನ ಡೇಟಿಂಗ್ ವಿಷಯವನ್ನು ಮುಂದಿಡಲಾಗಿತ್ತು. ಇದೇ ವೇಳೆ ಕೂಡ 'ಅನುಷ್ಕಾ ಮತ್ತು ನಾನು ಉತ್ತಮ ಸ್ನೇಹಿತರು ಎಂದಿದ್ದರು ಟಾಲಿವುಡ್ ರೆಬೆಲ್ ಸ್ಟಾರ್.

ಹೀಗಿರುವಾಗಲೇ ಈ ಹಿಂದೆ ಖಾಸಗಿ ಕಾರ್ಯಕ್ರಮವೊಂದರಲ್ಲಿ ತುಂಬಾ ತಮಾಷೆಯಾಗಿ ಅನುಷ್ಕಾಗೆ ಪ್ರಶ್ನೆಯೊಂದು ಎದುರಾಯಿತು. ನಿರೂಪಕಿ ನೀವು ಪ್ರಭಾಸ್ ಜೊತೆಗಿನ ಗೆಳೆತನ ಕಳೆದುಕೊಳ್ಳುತ್ತೀರಾ? ಅಥವಾ ಸಿನಿಮಾಗಳಿಗೆ ಗುಡ್ ಬೈ ಹೇಳುತ್ತೀರಾ? ಎಂದು ಪ್ರಶ್ನೆ ಕೇಳಿದ್ದರು.

ಆಗ ನಿರೂಪಕಿ ಪ್ರಶ್ನೆಗೆ ಅನುಷ್ಕಾ, ಖಂಡಿತ ಸಿನಿಮಾ ಬೇಕಾದರೆ ಬಿಡುತ್ತೀನಿ ಆದರೆ ಪ್ರಭಾಸ್ ಜೊತೆಗಿನ ಗೆಳೆತನವನ್ನು ಮಾತ್ರ ಬಿಡಲ್ಲ ಎಂದಿದ್ದಾರೆ.

ಪ್ರಭಾಸ್ ಜೊತೆಗಿನ ರಿಲೇಷನ್ ಬಗ್ಗೆ ಅನುಷ್ಕಾ ನೀಡಿರುವ ಉತ್ತರ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ಚರ್ಚೆಯ ವಿಷಯವಾಗಿದೆ.

ಪ್ರಭಾಸ್ - ಅನುಷ್ಕಾ

ಪ್ರಭಾಸ್ - ಅನುಷ್ಕಾ