Anushka Sharma Qala Cameo: ರೆಟ್ರೋ ಸ್ಟೈಲ್​​ನಲ್ಲಿ ಅನುಷ್ಕಾ ಶರ್ಮಾ! ಖಾಲಾ ಲುಕ್ ಈಗ ವೈರಲ್

ಅನ್ವಿತಾ ದತ್ ಅವರ ಖಾಲಾ ಸಿನಿಮಾದಲ್ಲಿ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಅವರು ಅತಿಥಿ ಪಾತ್ರವವನ್ನು ಮಾಡುತ್ತಿದ್ದಾರೆ. ನಟಿಯ ಈ ಖಾಲಾ ಪಾತ್ರದ ಲುಕ್ ವೈರಲ್ ಆಗಿದೆ.

ನಟಿಯ ರೆಟ್ರೋ ಲುಕ್ ನಟಿಯ ಅಭಿಮಾನಿಗಳಿಗೆ ಆಶ್ಚರ್ಯವನ್ನುಂಟು ಮಾಡಿದೆ. ಅನುಷ್ಕಾ ಅವರು ಘೋಡೆ ಪೆ ಸವಾರ್ ಟ್ರ್ಯಾಕ್‌ನ ಗ್ರೇಸ್ಕೇಲ್ ಮಾಂಟೇಜ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದರಲ್ಲಿ ಅವರು ಸಿನಿಮಾದಲ್ಲಿ ಖಾಲಾ (ಟ್ರಿಪ್ಟಿ ಡಿಮ್ರಿ) ಹಾಡಿರುವ ಟ್ರ್ಯಾಕ್ ಅನ್ನು ಲಿಪ್ ಸಿಂಕ್ ಮಾಡುವ ನಟಿಯಾಗಿ ನಟಿಸಿದ್ದಾರೆ. ಅನುಷ್ಕಾ ಶರ್ಮಾ ಅವರು ತಮ್ಮ ಅತಿಥಿ ಪಾತ್ರದಿಂದ ಕೆಲವು ಬಿಟಿಎಸ್ ಶೇರ್ ಮಾಡಿದ್ದಾರೆ.

ಈ ಫೋಟೋಗಳು ಅಕ್ಷರಶಃ ಇಂಟರ್​​ನೆಟ್ ಸೆನ್ಸೇಷನ್ ಆಗಿಬಿಟ್ಟಿದೆ. ಅನುಷ್ಕಾ ಅವರ ಹೊಸ ಫೋಟೋಗಳನ್ನು ಅಚ್ಚರಿಯಿಂದ ನೋಡುತ್ತಿದ್ದಾರೆ ಜನ.

ನಟಿ ತನ್ನ ಪೋಸ್ಟ್​ನ ಕ್ಯಾಪ್ಶನ್​ನಲ್ಲಿ ಹಾಡಿನ ಕೆಲವು ಸಾಲುಗಳನ್ನು ಬರೆದುಕೊಂಡಿದ್ದಾರೆ. ಯಾರಾದರೂ ಹೇಗೆ ತಾನೇ ಇದನ್ನು ಅವರಿಗೆ ಅರ್ಥ ಮಾಡಿಸಲು ಸಾಧ್ಯ? ಅನ್ವಿತಾ ದತ್ ನೀವು ಮಾತ್ರ ಹೇಳುತ್ತೀರಿ ಎಂದು ಬರೆದಿದ್ದಾರೆ.

4 ವರ್ಷಗಳ ನಂತರ ಅನುಷ್ಕಾ ಶರ್ಮಾ ಅವರ ಆನ್​ಸ್ಕ್ರೀನ್ ಲುಕ್ ನೋಡಿ ಥ್ರಿಲ್ ಆಗಿದೆ. ಅನೇಕ ಟ್ವೀಟ್‌ಗಳು ಅದನ್ನು ಸಾಬೀತುಪಡಿಸಿವೆ.

ವಿಶೇಷವಾಗಿ ನಟಿ ಮಗುವಿನ ಜನನದ ನಂತರ ಮತ್ತೆ ಬ್ಯಾಕ್ ಟು ಟ್ರ್ಯಾಕ್​​ಗೆ ಬರಲು ತಯಾರಾಗಿದ್ದಾರೆ. ಜಾಹೀರಾತು, ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಅವರ ಇತ್ತೀಚಿನ ಈ ಬಿಟಿಎಸ್ ಫೋಟೊಸ್ ಸೆನ್ಸೇಷನ್ ಕ್ರಿಯೇಟ್ ಮಾಡಿದೆ.