Mahakal Darshan: ಉಜ್ಜಯಿನಿ ದೇಗುಲದಲ್ಲಿ ವಿರಾಟ್- ಅನುಷ್ಕಾ ಶರ್ಮಾ; ಮಹಾಕಾಳೇಶ್ವರನಿಗೆ ವಿಶೇಷ ಪೂಜೆ ಸಲ್ಲಿಸಿದ ದಂಪತಿ

ದೇಗುಲಕ್ಕೆ ಭೇಟಿ ನೀಡಿದ ವೇಳೆ ವಿರಾಟ್ ಕೊಹ್ಲಿ ಧೋತಿ ಧರಿಸಿದ್ದರು. ಹಣೆಯ ಮೇಲೆ ಶ್ರೀಗಂಧದ ದೊಡ್ಡ ತ್ರಿಪುಣ್ಯವನ್ನು ಲೇಪಿಸಿದರು ಜೊತೆಗೆ ಕೊರಳಲ್ಲಿ ರುದ್ರಾಕ್ಷದ ಜಪಮಾಲೆಯನ್ನು ಧರಿಸಿದ್ರು. ಇತ್ತ ಅನುಷ್ಕಾ ಕೂಡ ಸಿಂಪಲ್ ಸೀರೆಯುಟ್ಟು ಮಹಾಕಾಲ್ಗೆ ಭೇಟಿ ನೀಡಿದ್ದರು.

ದೇಗುಕ್ಕೆ ಭೇಟಿ ನೀಡಿದ ಸ್ಟಾರ್ ದಂಪತಿ, ಉಜ್ಜಯಿನಿ ಭಸ್ಮ ಆರತಿಯ ನಂತರ, ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಬಾಬಾ ಮಹಾಕಾಳೇಶ್ವರನ ಗರ್ಭಗುಡಿಗೆ ತೆರಳಿ ಪೂಜೆ ಅಭಿಷೇಕ ಮಾಡಿದರು. ದೇವಸ್ಥಾನದಿಂದ ಹೊರಡುವಾಗ ಮಾಧ್ಯಮದವರು ಅವರೊಂದಿಗೆ ಮಾತಾಡಿದ ಜೋಡಿ ಜಯಶ್ರೀ ಮಹಾಕಾಲ್ ಎಂದು ಹೇಳಿದರು.

ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಅವರಿಗೆ ದೇವಸ್ಥಾನಕ್ಕೆ ಭೇಟಿ ನೀಡಿದ ವೇಳೆ ಅರ್ಚಕ ಪ್ರದೀಪ್ ಪೂಜೆ ದೇವರಿಗೆ ಸಲ್ಲಿಸಿದರು. ಇದಕ್ಕೂ ಮುನ್ನ ಭಾರತೀಯ ಕ್ರಿಕೆಟ್ ಆಟಗಾರ ಹಾಗೂ ಬಾಲಿವುಡ್ ನಟ ಸುನಿಲ್ ಶೆಟ್ಟಿ ಅವರ ಅಳಿಯ ಕೆಎಲ್ ರಾಹುಲ್ ಅವರು ತಮ್ಮ ಪತ್ನಿ ಅಥಿಯಾ ಶೆಟ್ಟಿ ಅವರೊಂದಿಗೆ ಬಾಬಾ ಮಹಾಕಾಳೇಶ್ವರ ದೇಗುಲಕ್ಕೆ ಭೇಟಿ ನೀಡಿದ್ದರು.

ಕೆ.ಎಲ್.ರಾಹುಲ್-ಅಥಿಯಾ ಶೆಟ್ಟಿ ಬಹಳ ಹೊತ್ತು ನಂದಿ ಹಾಲ್ನಲ್ಲಿ ಕುಳಿತು ಮಹಾಕಾಳನ ಬಳಿ ಪ್ರಾರ್ಥನೆ ಸಲ್ಲಿಸಿದ್ರು. ಇಬ್ಬರೂ ಇಡೀ ದೇವಾಲಯದ ಆವರಣ ಪ್ರದಕ್ಷಿಣೆ ಹಾಕಿದ್ರು. ಆಶಿಶ್ ಪೂಜಾರಿ ಮತ್ತು ಸನ್ಯಾಜ್ ಪೂಜಾರಿ ದೇವರಿಗೆ ಪೂಜೆ ಸಲ್ಲಿಸಿದ್ರು. ಇಬ್ಬರೂ ಮಹಾಕಾಲ್ ನೋಡಲು ಮೊದಲ ಬಾರಿಗೆ ಉಜ್ಜಯಿನಿಗೆ ಬಂದಿದ್ದರು.

ಶನಿವಾರ ದೇವಾಲಯಕ್ಕೆ ಭಕ್ತರ ದಂಡೇ ನೆರೆದಿತ್ತು ಬಂದಿತ್ತು. ಮುಂಜಾನೆ 4 ಗಂಟೆಗೆ ಭಸ್ಮ ಆರತಿ ಸಮಯದಲ್ಲಿ ದೇವಾಲಯದ ಬಾಗಿಲು ತೆರೆದಿದ್ರು. ಬಾಬಾ ಮಹಾಕಾಲ್​ಗೆ ಜಲಾಭಿಷೇಕ ಮಾಡಿದ ನಂತರ ಅರ್ಚಕರು ಹಾಲು, ಮೊಸರು, ತುಪ್ಪ, ಸಕ್ಕರೆ ಮತ್ತು ತಾಜಾ ಹಣ್ಣುಗಳ ರಸದಿಂದ ಮಾಡಿದ ಪಂಚಾಮೃತದಿಂದ ಪೂಜಿಸಿದರು.

ಮಹಾ ನಿರ್ವಾಣಿ ಅಖಾರವು ಬಾಬಾ ಮಹಾಕಾಲ್​​ಗೆ ಚಿತಾಭಸ್ಮವನ್ನು ಅರ್ಪಿಸಿದ್ರು. ಭಸ್ಮವನ್ನು ಅರ್ಪಿಸಿದ ನಂತರ, ದೇವರು ದೈಹಿಕ ರೂಪದಲ್ಲಿ ಕಾಣಿಸಿಕೊಳ್ಳುತ್ತಾನೆ ಎಂದು ನಂಬಲಾಗಿದೆ.

ಕೆಲ ದಿನಗಳ ಹಿಂದಷ್ಟೇ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಹಾಗೂ ಮಗಳೊಂದಿಗೆ ನೇರವಾಗಿ ವೃಂದಾವನಕ್ಕೆ ಆಗಮಿಸಿದ್ದರು. ಇಲ್ಲಿ ಬಾಬಾ ನೀಮ್ ಕರೌಲಿಯ ಸಮಾಧಿಗೆ ಭೇಟಿ ನೀಡಿ ಪೂಜೆ ಸಲ್ಲಿಸಿದರು. ಒಂದು ಗಂಟೆ ಧ್ಯಾನವನ್ನೂ ಮಾಡಿದ್ದರು. ಈ ದಂಪತಿ ಬಾಬಾ ನೀಮ್ ಕರೌಲಿಯ ಅನುಯಾಯಿಗಳು. ಈ ಹಿಂದೆ ವಿರಾಟ್-ಅನುಷ್ಕಾ ಕೂಡ ನೈನಿತಾಲ್‌ನಲ್ಲಿರುವ ಬಾಬಾ ನೀಮ್ ಕರೌಲಿಯ ಕೈಂಚಿ ಧಾಮಕ್ಕೆ ಪೂಜೆ ಸಲ್ಲಿಸಲು ತೆರಳಿದ್ದರು.