Anushka Sharma: ಗಂಡನಿಗೆ ಮುತ್ತಿಟ್ಟ ಅನುಷ್ಕಾ ಶರ್ಮಾ: ಫೋಟೋ ನೋಡಿ ಕಣ್ಣೀರಿಟ್ಟ ಪ್ರಿಯಾಂಕಾ ಚೋಪ್ರಾ..!

ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸದ್ದು ಮಾಡುತ್ತಿದ್ದಾರೆ. ಅವರ ಜೊತೆಗೆ ಈಗ ಪ್ರಿಯಾಂಕಾ ಚೋಪ್ರಾ ಸಹ ಸೇರಿಕೊಂಡಿದ್ದಾರೆ.

ಕೊಹ್ಲಿ ನಿನ್ನೆಯಷ್ಟೆ 32ನೇ ವಸಂತಕ್ಕೆ ಕಾಲಿಟ್ಟಿದ್ದು, ಯುಎಇಯಲ್ಲಿ ಪತ್ನಿ ಹಾಗೂ ತಮ್ಮ ಐಪಿಎಲ್​ ತಂಡದೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ.

ಗಂಡನ ಹುಟ್ಟುಹಬ್ಬದಂದು ಅನುಷ್ಕಾ ಶರ್ಮಾ ಸಹ ಸಖತ್​ ಮುದ್ದಾಗಿರುವ ಫೋಟೋಗಳನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿದ್ದಾರೆ.

ಕೊಹ್ಲಿ ಹಾಗೂ ಅನುಷ್ಕಾರ ಈ ಲೆಟೆಸ್ಟ್​ ಇನ್​ಸ್ಟಾಗ್ರಾಂ ಪೋಸ್ಟ್​ ಸಖತ್​ ಸದ್ದು ಮಾಡುತ್ತಿದೆ. ಜೊತೆಗೆ ಅಭಿಮಾನಿಗಳಿಂದ ಮೆಚ್ಚುಗೆಗೆ ಪಾತ್ರವಾಗುತ್ತಿದೆ.

ಇನ್ನು ಅನುಷ್ಕಾರ ಫೋಟೋ ನೋಡಿದ ಸೆಲೆಬ್ರಿಟಿಗಳೂ ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಇದಕ್ಕೆ ಪ್ರಿಯಾಂಕಾ ಚೋಪ್ರಾ ಸಹ ಹೊರತಾಗಿಲ್ಲ.

ಅನುಷ್ಕಾ ಹಾಗೂ ಕೊಹ್ಲಿ ಅವರ ಈ ಫೋಟೋ ನೋಡಿ ಅಳುವ ಇಮೋಜಿ ಜೊತೆಗೆ ಹಾರ್ಟ್​ ಸಿಂಬಲ್​ ಇರುವ ಇಮೋಜಿಯನ್ನು ಪೋಸ್ಟ್​ ಮಾಡಿದ್ದಾರೆ ಪ್ರಿಯಾಂಕಾ ಚೋಪ್ರಾ. ಮುದ್ದಾದ ಜೋಡಿ ನೋಡಿ ಆನಂದ ಹೆಚ್ಚಾಗಿ ಅಳುತ್ತಿದ್ದಾರೆ ಅಂತ ಕೆಲವರು ಕಾಲೆಳೆದರೆ, ಮತ್ತೆ ಕೆಲವರು ನಮ್ಮ ಪರಿಸ್ಥಿತಿಯೂ ಹೀಗೆ ಇದೆ ಅಂತ ತಮಾಷೆ ಮಾಡುತ್ತಿದ್ದಾರೆ.

ಕೊಹ್ಲಿ ಅವರ 32ನೇ ಹುಟ್ಟುಹಬ್ಬದ ಆಚರಣೆ ವೇಳೆ ತೆಗೆದ ಚಿತ್ರ.