Anushka Sharma: 3 ತಿಂಗಳ ಇಂಗ್ಲೆಂಡ್​ ಪ್ರವಾಸದ ಬಳಿಕ ಮತ್ತೆ ಶೂಟಿಂಗ್​ಗೆ ಮರಳಿದ ಅನುಷ್ಕಾ ಶರ್ಮಾ; ಫೋಟೋಗಳು ವೈರಲ್​

ಇಂಗ್ಲೆಂಡ್​ -ಭಾರತ ಕ್ರಿಕೆಟ್​​ ಟೂರ್ನಮೆಂಟ್​ಗಾಗಿ ಮಗಳು ವಮಿಕಾ ಜೊತೆ ನಟಿ ಅನುಷ್ಕಾ ಕೂಡ ಪತಿ ಜೊತೆ ಇಂಗ್ಲೆಡ್​ ಪ್ರವಾಸ ನಡೆಸಿದ್ದರು. ಇದೀಗ ತಮ್ಮ ದೈನಂದಿನ ಜೀವನಕ್ಕೆ ಮರಳಿರುವ ಅವರು ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದಾರೆ.

ಇಂಗ್ಲೆಂಡ್​ ಪ್ರವಾಸದ ವೇಳೆ ಕೂಡ ಅವರು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಆಗ್ಗಿಂದಾಗೆ ಪತಿ ಮತ್ತು ಮಗಳು ಸೇರಿದಂತೆ ಅನೇಕ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಅಪ್ಡೇಟ್​ ನೀಡುತ್ತಿದ್ದರು.

ಇನ್ನು ಇಂಗ್ಲೆಂಡ್​ ಪ್ರವಾಸದ ವೇಳೆ ನಟಿ ಅನುಷ್ಕಾ ನಟಿ ಸೋನಂ ಕಪೂರ್​ ಸಲಹೆಯಂತೆ ಹೊಸ ಹೇರ್​ಸ್ಟೈಲ್​ ಮಾಡಿಸಿ ಎಲ್ಲರ ಗಮನ ಸೆಳೆದಿದ್ದರು. ಈ ವಿಚಾರವನ್ನು ಖುದ್ದು ಅನುಷ್ಕಾ ತಿಳಿಸಿದ್ದು, ಈ ಮೂಲಕ ಬಾಣಂತಿ ಕೂದಲ ಸಮಸ್ಯೆಗೆ ಪರಿಹಾರ ಕಂಡುಕೊಂಡೆ ಎಂದಿದ್ದರು.

ಈ ತಿಂಗಳ ಆರಂಭದಲ್ಲಿ ಭಾರತದ ಎಲ್ಲಾ ಕ್ರಿಕೆಟಿಗರು ಸ್ವದೇಶಕ್ಕೆ ಮರಳಿದ್ದರು. ಇದಾದ ಬಳಿಕ ಅವರು ಸದ್ಯ ಐಪಿಎಲ್​ ಮ್ಯಾಚ್​ನಲ್ಲಿ ಬ್ಯುಸಿಯಾಗಿದ್ದಾರೆ. ಅತ್ತ ವಿರಾಟ್​ ಐಪಿಎಲ್​ನಲ್ಲಿ ಮುಳುಗಿದ್ದರೆ, ಇತ್ತ ಅನುಷ್ಕಾ ತಮ್ಮ ಕೆಲಸಕ್ಕೆ ಮರಳಿದ್ದಾರೆ.

ಬಿಳಿ ಬಣ್ಣದ ಟಿಶರ್ಟ್​ ಡಂಗ್ರಿ ಡ್ರೆಸ್​ನಲ್ಲಿ ನಟಿ ಅನುಷ್ಕಾ ಕಂಡಿದ್ದು, ಎಲ್ಲರ ಮನಸೊರೆಗೊಂಡಿದ್ದಾರೆ. ತಾಯ್ತನದ ಹಿನ್ನಲೆ ಅವರು ಚಿತ್ರಗಳಿಂದ ಬ್ರೇಕ್​ ಪಡೆದಿದ್ದರು.

ಇದರ ನಡುವೆ ತಮ್ಮದೇ ಆದ ಅನೇಕ ವೆಬ್​ ಸರಣಿಗಳನ್ನು ನಿರ್ಮಾಣ ಮಾಡಿ ಅನುಷ್ಕಾ ಗಮನಸೆಳೆದಿದ್ದರು. ನಟಿ ಮಾತ್ರವಲ್ಲದೇ ನಿರ್ಮಾಪಕಿಯಾಗಿಯೂ ಅವರು ಬಾಲಿವುಡ್​​ನಲ್ಲಿ ಗುರುತಿಸಿಕೊಂಡಿದ್ದಾರೆ