'ನಟಭಯಂಕರ' ಪ್ರಥಮ್ ಚಿತ್ರಕ್ಕೆ ಯಂಗ್ ರೆಬೆಲ್​ ಸ್ಟಾರ್ ಅಭಿಷೇಕ್ ನಿರ್ದೇಶನ..!

ಈ ಮೊದಲು 'ಅಮರ್' ಚಿತ್ರ, ಬಳಿಕ ಮಂಡ್ಯ ಎಲೆಕ್ಷನ್ ಎಂದು ಬ್ಯುಸಿಯಾಗಿದ್ದ ಅಭಿ ಇದೀಗ ಸ್ಪಲ್ಪ ಬಿಡುವು ಮಾಡಿಕೊಂಡಿದ್ದಾರೆ.

ಅದರಂತೆ ಇತ್ತೀಚೆಗೆ 'ನಟಭಯಂಕರ' ಪ್ರಥಮ್ ಚಿತ್ರದ ಸೆಟ್​ಗೆ ಜೂನಿಯರ್ ರೆಬೆಲ್ ಭೇಟಿ ಕೊಟ್ಟಿದ್ದರು.

ಈ ವೇಳೆ 'ಒಳ್ಳೆಯ ಹುಡುಗ'ನೊಂದಿಗೆ ಹರಟೆಯಲ್ಲಿ ಮಂಡ್ಯದ ಗಂಡು ಪಾಲ್ಗೊಂಡರು.

ಪ್ರಥಮ್ ಜೊತೆ ಹರಟೆಗೆ ಕೂತ ಅಭಿಷೇಕ್ ಬಳಿಕ ಚಿತ್ರದ ನಿರ್ದೇಶನಕ್ಕೂ ಕೈ ಹಾಕಿದರು. 'ನಟಭಯಂಕರ' ಚಿತ್ರದಲ್ಲಿನ ಪ್ರಥಮ್ ಅಭಿನಯ ಕೆಲ ದೃಶ್ಯಗಳಿಗೆ ಅಭಿ ಆ್ಯಕ್ಷನ್ ಕಟ್ ಸಹ ಹೇಳಿದರು.

ನಮಗೆ ಅಭಿಷೇಕ್​ರನ್ನು ಕಳಿಸೋಕೆ ಇಷ್ಟ ಇರಲಿಲ್ಲ. ಆದರೆ ಮಂಡ್ಯದಲ್ಲಿ ಒಪ್ಪಿಕೊಂಡಿರೋ ಕೆಲಸ ಬೇರೆ. ಏನ್ ಹೇಳೋದು ಈ ಪ್ರೀತಿಗೆ? 4 ಗಂಟೆಗೂ ಹೆಚ್ಚು ನನ್ನ ಜೊತೆ ಇದ್ದು 'ನಟಭಯಂಕರ' ಸಿನಿಮಾ ಬಗ್ಗೆ ಮಾತಾಡಿ ಕೆಲವು ದೃಶ್ಯಗಳಿಗೆ ನಿರ್ದೇಶನವನ್ನು ಮಾಡಿದ್ದಾರೆ ಎಂದು ಪ್ರಥಮ್ ಹೇಳಿದ್ದಾರೆ.

ನಟಭಯಂಕರ ಚಿತ್ರತಂಡದೊಂದಿಗೆ ಯಂಗ್ ರೆಬೆಲ್ ಸ್ಟಾರ್ ಅಭಿಷೇಕ್

ನಾಯಕ-ನಾಯಕಿಯೊಂದಿಗೆ ಅಭಿಯ ಸೆಲ್ಫಿ

ನಟನೆಗೂ ಸೈ- ಆ್ಯಕ್ಷನ್ ಕಟ್​ಗೂ ಜೈ ಎಂದ ರೆಬೆಲ್ ಸ್ಟಾರ್

ನಿರ್ಮಾಪಕ ಉದಯ್ ಮೆಹ್ತಾ ಅವರ 'ನಟಭಯಂಕರ' ಕಥೆಯ ಚಿತ್ರದಲ್ಲಿ ನಟನೆಯೊಂದಿಗೆ ನಿರ್ದೇಶನದ ಜವಾಬ್ದಾರಿಯನ್ನು ಪ್ರಥಮ್ ವಹಿಸಿಕೊಂಡಿದ್ದಾರೆ.

ಪ್ರಥಮ್ ಜೊತೆಗಿನ ಪರಸ್ಪರ ಕಾಲೆಳೆಯುವ ಮಾತುಕತೆಯಲ್ಲಿ..ಅರ್ಥ ಮಾಡ್ಕೊಳಪ್ಪ...! ಅಮ್ಮ ಡೆಲ್ಲಿಲಿ ಇದ್ದಾಗ,ನಾನ್ ಬೆಂಗಳೂರಲ್ಲಿ ಇರಬೇಕು...ಅಮ್ಮ ಬೆಂಗಳೂರಲ್ಲಿ ಇದ್ದಾಗ ನಾನ್ ಮಂಡ್ಯದಲ್ಲಿ ಇರಬೇಕು...! ನೀನ್ ನಿರ್ದೇಶನ ಮಾಡುತ್ತಿದ್ದೀಯಾ, ಹಾಗೆ ನೋಡೋಣ ಅಂತ ಬಂದೆ. ಮಂಡ್ಯದಲ್ಲಿ ತುಂಬಾ ಕೆಲಸ ಇದೆ ಎನ್ನುವ ಮೂಲಕ ಇನ್ನೂ ತಮ್ಮ ಬ್ಯುಸಿ ಶೆಡ್ಯೂಲ್​ ಅನ್ನು ಹೇಳಿಕೊಂಡು ಮಂಡ್ಯ ಕಡೆ ಹೊರಟರು.