Arjun Sarja Hanuman Temple: ಆಂಜನೇಯ ಸ್ವಾಮಿ ದೇವಾಯಲ ನಿರ್ಮಿಸಿದ ನಟ ಅರ್ಜುನ್​ ಸರ್ಜಾ: ಕುಂಭಾಭಿಷೇಕ ವೀಕ್ಷಿಸಲು ಇಲ್ಲಿದೆ ಅವಕಾಶ..!

ಆ್ಯಕ್ಷನ್ ಕಿಂಗ್​ ಅರ್ಜುನ್​ ಸರ್ಜಾ ಅವರ ಕುಟುಂಬ ನಿರ್ಮಿಸುತ್ತಿರುವ ಆಂಜನೇಯ ಸ್ವಾಮಿದೇವಾಲಯ ಈಗ ಪೂರ್ಣಗೊಂಡಿದೆ.

ಈ ಸಿಹಿ ಸುದ್ದಿಯನ್ನು ಅರ್ಜುನ್ ಸರ್ಜಾ ಅವರು ಒಂದು ವಿಡಿಯೋ ಮೂಲಕ ನೀಡಿದ್ದಾರೆ.

ಚೆನ್ನೈನಲ್ಲಿ ನಿರ್ಮಿಸಿರುವ ಆಂಜನೇಯ ದೇವಾಲಯದ ಕೆಲಸ ಪೂರ್ಣವಾಗಿದ್ದು, ಅದರ ಕುಂಭಾಭಿಷೇಕ ಸದ್ಯಲ್ಲೇ ನಡೆಯಲಿದೆಯಂತೆ.

ಹೌದು, ದೇವಾಲಯದ ಉದ್ಘಾಟನೆ ಹಾಗೂ ಕುಂಭಾಭಿಷೇಕಕ್ಕೆ ದಿನಾಂಕ ನಿಗದಿ ಮಾಡಲಾಗಿದೆ.

ಅರ್ಜುನ್ ಸರ್ಜಾ ಅವರು ಖುದ್ದು ದೇವಾಲಯದ ನಿರ್ಮಾಣದಲ್ಲಿ ತೊಡಗಿದ್ದ ವಿಡಿಯೋಗಳು ಈ ಹಿಂದೆ ವೈರಲ್ ಆಗಿದ್ದವು.

ದೇವಾಲಯದ ನಿರ್ಮಾಣ ಕೆಲಸ ಪೂರ್ಣಗೊಂಡಿದ್ದು, ಜುಲೈ 1 ಮತ್ತು 2ರಂದು ಉದ್ಘಾಟನೆ ಹಾಗೂ ಕುಂಭಾಭಿಷೇಕ ನಡೆಯಲಿದೆ.

ದೇವಾಲಯ ಚೆನ್ನೈನಲ್ಲಿದ್ದು, ಅಲ್ಲೇ ಈ ಕಾರ್ಯಕ್ರಮಗಳು ನಡೆಯಲಿವೆ.

ಕೊರೋನಾ ಕಾರಣದಿಂದಾಗಿ ಈ ಕಾರ್ಯಕ್ರಮಕ್ಕೆ ಯಾರನ್ನೂ ಆಹ್ವಾನಿಸಲಾಗುತ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ ಅರ್ಜುನ್ ಸರ್ಜಾ.

ಅದಕ್ಕೆ ಕುಂಭಾಭಿಷೇಕ ನಡೆಯುವಾಗ ಅದನ್ನು ಯೂಟ್ಯೂಬ್​ನಲ್ಲಿ ಲೈವ್​ ಸ್ಟ್ರೀಮ್ ಮಾಡಲಾಗುವುದು ಎಂದು ಅರ್ಜುನ್ ಸರ್ಜಾ ತಿಳಿಸಿದ್ದಾರೆ.

ಇರುವಲ್ಲಿಯೇ ಕುಳಿತು ಈ ಕಾರ್ಯಕ್ರಮವನ್ನು ವೀಕ್ಷಿಸಬಹುದಾಗಿದೆ.

ಅರ್ಜುನ್ ಸರ್ಜಾ ಅವರ ಈ ಯೂಟ್ಯೂಬ್​ ಚಾನಲ್​ನಲ್ಲಿ ಲೈವ್​ ಪ್ರಸಾರಗೊಳ್ಳಲಿದೆ. https://www.youtube.com/channel/UCvrodPUhIkTCfo0YdjcfUcg

ಅರ್ಜುನ್ ಸರ್ಜಾ ಮಲಯಾಳಂ ಹಾಗೂ ತಮಿಳು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.

ತಮಿಳಿನ ಫ್ರೆಂಡ್ಸ್​ ಹಾಗೂ ಮಲಯಾಳಂನ ಮರಕ್ಕರ್​ ಸಿನಿಮಾ ಕೆಲಸಗಳಲ್ಲಿ ನಿರತರಾಗಿದ್ದಾರೆ ಅರ್ಜುನ್​ ಸರ್ಜಾ.