Actor Rashmi: ನಿನ್ನ ಮೇಲೆ ಆ್ಯಸಿಡ್ ಹಾಕುವೆ, ನಿನಗೆ ಮಾಟ-ಮಂತ್ರ ಮಾಡಿಸುವೆ, ಟಾಲಿವುಡ್ ನಟಿಗೆ ಬೆದರಿಕೆ!

ಸೋಶಿಯಲ್ ಮೀಡಿಯಾದಲ್ಲಿ ನಟ-ನಟಿಯರು ಟ್ರೋಲ್ಗೆ ಒಳಗಾಗುವುದು ಸಾಮಾನ್ಯವಾಗಿದೆ. ಅದರಲ್ಲೂ ಹೆಚ್ಚಾಗಿ ನಟಿಯರು ಟ್ರೋಲ್ಗೆ ಒಳಗಾಗುತ್ತಾರೆ. ಅಷ್ಟೇ ಅಲ್ಲದೇ ಬೆದರಿಕೆ, ಬ್ಲ್ಯಾಕ್ ಮೇಲ್ ಕೂಡ ಮಾಡ್ತಾರೆ. ನಟಿ ರಶ್ಮಿ ಗೌತಮ್ ಈ ವಿಷಯವನ್ನು ಗಂಭೀರವಾಗಿ ತೆಗೆದುಕೊಂಡು ಪೋಸ್ಟ್ ಮಾಡಿದ್ದಾರೆ.

ರಶ್ಮಿ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟಿವ್ ಆಗಿದ್ದಾರೆ. ಅಭಿಮಾನಿಗಳ ಜೊತೆ ಸಂಪರ್ಕದಲ್ಲಿದ್ದಾರೆ. ಯಾರಾದರೂ ಅವರನ್ನು ಟ್ರೋಲ್ ಮಾಡಿದರೆ, ನಟಿ ರಶ್ಮಿ ಕೂಡ ತಮ್ಮದೇ ಆದ ಶೈಲಿಯಲ್ಲಿ ಜಗಳಕ್ಕೆ ಇಳಿದ ಉದಾಹರಣೆ ಇದೆ. ಇದೀಗ ಕೆಲವರು ಆಕೆಗೆ ಬೆದರಿಕೆ ಹಾಕಿದ್ದು ಇದಕ್ಕೆ ನಟಿ ಕೂಡ ಪ್ರತಿಕ್ರಿಯಿಸಿದ್ದಾರೆ.

ಇತ್ತೀಚೆಗಷ್ಟೇ ಹೈದರಾಬಾದ್ನಲ್ಲಿ ಬಾಲಕನ ಮೇಲೆ ನಡೆದ ನಾಯಿ ದಾಳಿ ಎಲ್ಲರನ್ನೂ ಬೆಚ್ಚಿ ಬೀಳಿಸಿತ್ತು. ಬೀದಿನಾಯಿಗಳ ದಾಳಿಗೆ ಬಾಲಕ ಮೃತಪಟ್ಟಿದ್ದಾನೆ. ಆದರೆ ಸ್ವಭಾವತಃ ಪ್ರಾಣಿ ಪ್ರೇಮಿಯಾಗಿರುವ ರಶ್ಮಿ ಈ ಘಟನೆಗೆ ದುಃಖ ವ್ಯಕ್ತಪಡಿಸಿ ಟ್ವೀಟ್ ಮಾಡಿದ್ದಾರೆ. ನಾಯಿಗಳಿಗೆ ಪುನರ್ವಸತಿ ಕಲ್ಪಿಸಿ, ಇಂತಹ ಘಟನೆಗಳು ನಡೆಯದಂತೆ ಕ್ರಮಕೈಗೊಳ್ಳುವಂತೆ ಮನವಿ ಮಾಡಿದ್ದಾರೆ.

ರಶ್ಮಿ ಅವರ ಈ ಟ್ವೀಟ್​ಗೆ ನೆಟ್ಟಿಗರಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಈ ವಿಚಾರವಾಗಿ ಕೆಲವು ನೆಟ್ಟಿಗರು ಆಕೆಯನ್ನು ಕೆಟ್ಟದಾಗಿ ಟ್ರೋಲ್ ಕೂಡ ಮಾಡಿದ್ದಾರೆ. ಇನ್ನೂ ಕೆಲವರು ಆಕೆಗೆ ಬೆದರಿಕೆ ಮೆಸೇಜ್ ಕಳುಹಿಸಿದ್ದಾರೆ. ರಶ್ಮಿ ಬೆದರಿಕೆಯ ಸ್ಕ್ರೀನ್​ ಶಾಟ್ ಅನ್ನು ಪೋಸ್ಟ್ ಮಾಡಿದ್ದಾರೆ.

ನಿಮ್ಮ ಮೇಲೆ ಆ್ಯಸಿಡ್ ಎಸೆಯುತ್ತೇನೆ ಎಂದು ರಶ್ಮಿಗೆ ಬೆದರಿಕೆ ಹಾಕುವ ಪೋಸ್ಟ್ ಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿದ್ದಾರೆ. ಅಷ್ಟೇ ಅಲ್ಲದೇ ಅವರು ಪಾಪಿಸ್ಟ್ ಆಗಿರುವ ಬಗ್ಗೆ ಅನೇಕ ವಿಷಯಗಳನ್ನು ಹೇಳಿದರು. ಮೆಸೇಜ್ ಸ್ಕ್ರೀನ್​ ಶಾಟ್ ಅನ್ನು ಎಲ್ಲರೊಂದಿಗೆ ಹಂಚಿಕೊಂಡ ನಂತರ, ರಶ್ಮಿ ಆ ವ್ಯಕ್ತಿಯ ವಿರುದ್ಧ ದೂರು ದಾಖಲಿಸಬೇಕೆ ಎಂದು ನೆಟ್ಟಿಗರನ್ನೇ ಸಲಹೆ ಕೇಳಿದ್ದಾರೆ.

ಈ ಹಿಂದೆ ಇವರಿಗೆ ನನ್ನ ವಯಸ್ಸು ಮತ್ತು ಮದುವೆಯ ಬಗ್ಗೆ ಸಮಸ್ಯೆ ಇತ್ತು. ಈಗ ನನ್ನನ್ನು ಬ್ಲಾಕ್ ಮೇಲ್ ಮಾಡಿ ಆ್ಯಸಿಡ್ ಹಾಕೋ ಕೆಲಸಕ್ಕೆ ಮುಂದಾಗಿದ್ದಾರೆ. ನಾನು ಪೊಲೀಸ್ ದೂರು ದಾಖಲಿಸಬೇಕೇ? ಎಂದು ರಶ್ಮಿ ಪೋಸ್ಟ್ ಪೋಸ್ಟ್ ಮಾಡಿದ್ದು ಭಾರೀ ವೈರಲ್ ಆಗುತ್ತಿದೆ.

ಆ್ಯಂಕರ್ ರಶ್ಮಿ ಸೋಷಿಯಲ್ ಮೀಡಿಯಾದಲ್ಲಿ ಆ್ಯಕ್ಟಿವ್ ಆಗಿದ್ದಯ. ರಶ್ಮಿ ಗೌತಮ್ ತನ್ನ ಸಿನಿಮಾ, ಕಾರ್ಯಕ್ರಮಗಳ ಪ್ರಚಾರದ ಜೊತೆಗೆ ಸಾಮಾಜಿಕ ವಿಷಯಗಳನ್ನು ಸೋಷಿಯಲ್ ಮೀಡಿಯಾ ವೇದಿಕೆಯಲ್ಲಿ ಹಂಚಿಕೊಳ್ಳುತ್ತಾರೆ. ಅದರಲ್ಲೂ ನಾಯಿ ದತ್ತು ಸ್ವೀಕಾರದ ಕುರಿತು ಅವರ ಪೋಸ್ಟ್​ ಗಳು ವೈರಲ್ ಆಗುತ್ತಿವೆ.

ಜಬರ್ದಸ್ತ್ ವೇದಿಕೆಯಲ್ಲಿ ಕಿರುತೆರೆ ಪ್ರೇಕ್ಷಕರನ್ನು ರಂಜಿಸುತ್ತಿರುವ ರಶ್ಮಿ, ಸುಧೀರ್ ಜೊತೆ ನಟಿಸುವ ಮೂಲಕ ಜನಪ್ರಿಯರಾದರು. ರಶ್ಮಿ-ಸುಧೀರ್ ಜೋಡಿ ತೆರೆಯ ಮೇಲೆ ಭಾರೀ ಬೇಡಿಕೆಯ ಜೋಡಿಯಾಗಿ ಜನಮನ್ನಣೆ ಗಳಿಸಿದೆ. ಪ್ರತಿ ಸ್ಪೆಷಲ್ ಡೇಸ್​ನಲ್ಲಿ ಇವರಿಬ್ಬರ ಸ್ಪೆಷಲ್ ಹಾಡು ಇರಲೇಬೇಕು ಎಂಬ ಟ್ರೆಂಡ್ ಬದಲಾಗಿದೆ.

ಕಿರುತೆರೆ ಕಾರ್ಯಕ್ರಮಗಳಲ್ಲದೆ ಬೆಳ್ಳಿತೆರೆಯಲ್ಲಿಯೂ ರಶ್ಮಿ ಸದ್ದು ಮಾಡಿದ್ದಾರೆ. ಇತ್ತೀಚೆಗಷ್ಟೇ ‘ಬೊಮ್ಮ ಬ್ಲಾಕ್ ಬಸ್ಟರ್’ ಸಿನಿಮಾದ ಮೂಲಕ ಪ್ರೇಕ್ಷಕರ ಮುಂದೆ ಬಂದಿದ್ದರು. ಸದ್ಯ, ರಶ್ಮಿಗೆ ಇನ್ನೂ ಕೆಲವು ಆಫರ್​ಗಳಿವೆ ಎಂದು ವರದಿಯಾಗಿದೆ.