Anushree Meet Ramya: ಯಾಕೆ ಇಷ್ಟು ಚೆಂದ ನೀನು? ರಮ್ಯಾ ನೋಡಿ ಕವಯಿತ್ರಿಯಾದ ಆ್ಯಂಕರ್ ಅನುಶ್ರೀ!

ಆ್ಯಂಕರ್ ಅನುಶ್ರೀ ಸಾಕಷ್ಟು ಸಿನಿ ತಾರೆಯರನ್ನು, ಸೆಲಬ್ರಿಟಿಗಳನ್ನು ಭೇಟಿಯಾಗಿದ್ದಾರೆ. ಅವರ ಇಂಟರ್ವ್ಯೂ ಮಾಡಿದ್ದಾರೆ. ಆದರೆ ಈ ಒಬ್ಬ ಸಿನಿತಾರೆಯನ್ನು ಅವರು ಭೇಟಿಯಾಗೇ ಇರಲಿಲ್ವಂತೆ. ತುಂಬಾ ವರ್ಷಗಳಿಂದ ಅವರನ್ನು ಭೇಟಿ ಮಾಡಬೇಕು, ಅವರ ಜೊತೆ ಮಾತನಾಡಬೇಕು, ಅವರೊಟ್ಟಿಗೆ ಫೋಟೋ ತೆಗೆಸಿಕೊಳ್ಳಬೇಕು ಅನ್ನೋ ಕನಸಿತ್ತಂತೆ. ಆದರೆ ಇದೀಗ ಅವರ ಬಹುದಿನಗಳ ಕನಸು ನನನಾಗಿದ್ಯಂತೆ. ಅಂದಹಾಗೆ ಅವರು ಭೇಟಿಯಾಗಲು ಬಯಸಿದ್ದ ವ್ಯಕ್ತಿ ಅಂದರೆ ಅದು ನಟಿ, ಮೋಹಕ ತಾರೆ ರಮ್ಯಾ! (ಕೃಪೆ: Instagram)

ಹೌದು ಅನುಶ್ರೀ ಅವರು ನಟಿ ರಮ್ಯಾ ಅವ್ರನ್ನ ಮೀಟ್ ಮಾಡಿದ್ದಾರೆ. ಕಾವ್ಯ ಶಾ ಹಾಗೂ ನಿರ್ಮಾಪಕ ವರುಣ್ ಮದುವೆಯಲ್ಲಿ ಅನುಶ್ರೀ ರಮ್ಯಾ ಭೇಟಿಯಾಗಿದೆ. ಅದೇ ಖುಷಿಯಲ್ಲಿ ರಮ್ಯಾ ಜೊತೆ ಫೋಟೋ ತೆಗೆಸಿಕೊಂಡಿರುವ ಅನುಶ್ರೀ, ಅದನ್ನು ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. (ಕೃಪೆ: Instagram)

ರಮ್ಯಾ ನೋಡುತ್ತಿದ್ದಂತೆ ಅನುಶ್ರೀ ಕವಯಿತ್ರಿಯಂತೆ ಆಗಿದ್ದಾರೆ. mam u soo humble… ನೀವು ತೋರಿದ ಪ್ರೀತಿ ... ನನ್ನ ಬೆಳವಣಿಗೆ ಬಗ್ಗೆ ಹೇಳಿದ ರೀತಿ ಅತ್ಯಂತ ಖುಷಿ ಕೊಡ್ತು ... How how how do u manage to luk soo Beautifull everytime.. ಅಂತ ಪ್ರೀತಿಯಿಂದ ಬರೆದುಕೊಂಡಿದ್ದಾರೆ. (ಕೃಪೆ: Instagram)

ನಿಮ್ಮನ್ನು ಭೇಟಿ ಮಾಡಿದಾಗ ನೆನಪಾದ ಹಾಡು ಅಂತ ಬರೆದಿರೋ ಅನು, ಯಾಕೆ ಇಷ್ಟು ಚಂದ ನೀನು.. ದೃಷ್ಟಿ ಬೊಟ್ಟನಿಡಲೇನು.. ಮಲ್ಗೆ ಹೂವಿನಂಥ ಬಣ್ಣ... ಹೊತ್ತು ಹೊಳಿತಿರೋ ಚಿನ್ನಾ... ಬೆಳದಿಂಗಳ ಕುಡಿದವಳೇ ಚಂದಿರನ ಕಿರಿಮಗಳೆ... ಈ ಸಾಲುಗಳಿಗೆ ಹೇಳಿಮಾಡಿಸಿದ ಚಂದ, ಅದಕ್ಕೂ ಮೀರಿ ನಿಮ್ಮ ಪ್ರೀತಿಯ ಮಾತು ಅಂದವೋ ಅಂದ ಅಂತ ಹಾಡಿ ಹೊಗಳಿದ್ದಾರೆ. (ಕೃಪೆ: Instagram)

ಇನ್ನು ನಟಿ ರಮ್ಯಾ ಆಗಮನಕ್ಕಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ. ಇತ್ತೀಚಿಗೆ ಅವಾರ್ಡ್ ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದ ರಮ್ಯಾ, ಶೀಘ್ರವೇ ನಾನು ಸಿನಿಮಾಕ್ಕೆ ಕಮ್ ಬ್ಯಾಕ್ ಮಾಡ್ತೀನಿ ಅಂತ ಹೇಳಿದ್ದಾರೆ. (ಕೃಪೆ: Instagram)

ಇತ್ತ ಅನುಶ್ರೀ ಟಿವಿ ಶೋ, ಸ್ಟೇಜ್ ಶೋ ಜೊತೆಗೆ ಆ್ಯಂಕರ್ ಅನುಶ್ರೀ ಅನ್ನೋ ಯೂಟ್ಯೂಬ್ ಚಾನೆಲ್ ನಡೆಸುತ್ತಿದ್ದಾರೆ. ಸಿನಿರಂಗದ ಘಟಾನುಘಟಿಗಳ ಇಂಟರ್ವ್ಯೂ ಮಾಡ್ತಿದ್ದಾರೆ. ಇತ್ತೀಚಿಗಷ್ಟೇ ಕ್ರೇಜಿಸ್ಟಾರ್ ರವಿಚಂದ್ರನ್ ಹಾಗೂ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿಯವರ ಜೊತೆ ಅಪೂರ್ವ ಸಂಗಮ ಅಂತ ಇಂಟರ್ವ್ಯೂ ಮಾಡಿ, ಅದು ಭಾರೀ ಮೆಚ್ಚುಗೆ ಪಡೆದಿದೆ. (ಕೃಪೆ: Instagram)

ಇದಕ್ಕೂ ಮುನ್ನ ಅನುಶ್ರೀ ಕೆಜಿಎಫ್ ಖ್ಯಾತಿಯ ನಿರ್ದೇಶಕ ಪ್ರಶಾಂತ್ ನೀಲ್ ಅವರ ಇಂಟರ್ ವ್ಯೂ ಮಾಡಿದ್ದರು. ಈ ವೇಳೆ ಮನಬಿಚ್ಚಿ ಮಾತನಾಡಿದ್ದ ಪ್ರಶಾಂತ್ ನೀಲ್, ತಮ್ಮ ಮುಂದಿನ ಕನಸಿನ ಬಗ್ಗೆ ಹೇಳಿದ್ದರು. (ಕೃಪೆ: Instagram)