Anushree-Sangeetha Sringeri: ಆ್ಯಂಕರ್ ಅನುಶ್ರೀ ಜೊತೆ ದೈವ ದರ್ಶನ ಪಡೆದ ಸಂಗೀತಾ ಶೃಂಗೇರಿ! ಕೊರಗಜ್ಜನಿಗೆ ಕೋಲ ಸೇವೆ

ನಟಿ ಸಂಗೀತಾ ಶೃಂಗೇರಿ ಜೊತೆ ನಿರೂಪಕಿ ಅನುಶ್ರೀ ಸಹ ದೈವ ದರ್ಶನ ಪಡೆದಿದ್ದಾರೆ. ಈ ಫೋಟೋಗಳನ್ನು ನಟಿ ಸಂಗೀತಾ ಶೃಂಗೇರಿ ಹಂಚಿಕೊಂಡಿದ್ದಾರೆ.

 ನಟಿ ಸಂಗೀತಾ ಶೃಂಗೇರಿ ಶೇರ್​ ಮಾಡಿದ ಫೋಟೋದಲ್ಲಿ ಅನುಶ್ರೀ ಸಹ ಇದ್ದು ದೈವದ ಮುಂದೆ ಕೈ ಮುಗಿದು ನಿಂತು ಬೇಡಿಕೊಂಡಿದ್ದಾರೆ.

ಸೋಶಿಯಲ್ ಮೀಡಿಯಾದಲ್ಲಿ ಫೋಟೋಗಳನ್ನು ಹಂಚಿಕೊಂಡ ನಟಿ ಸಂಗೀತಾ ಶೃಂಗೇರಿ, ದೈವ ದರ್ಶನದ ಅನುಭವ ಕುರಿತು ಬರೆದುಕೊಂಡಿದ್ದಾರೆ.

ನನಗೆ ಕಳೆದೆರಡು ದಿನಗಳು ನನಗೆ ದಿವ್ಯ ಅನುಭವ ನೀಡಿದೆ. ಆ ಭಾವನೆಗಳನ್ನು ಪದಗಳಲ್ಲಿ ಹೇಳುವುದಕ್ಕೆ ಸಾಧ್ಯವಿಲ್ಲ ಎಂದಿದ್ದಾರೆ.

ತುಳುನಾಡು ದೈವ ಕೋಲ ಹಾಗೂ ಕೇರಳ ತೆಯ್ಯಂಗೆ ನಾನು ಸಾಕ್ಷಿಯಾಗಿದ್ದೇನೆ. ಇದು ನನ್ನ ಪುಣ್ಯ. ಇದಕ್ಕೆ ಕಾರಣರಾದ ನಿರ್ದೇಶಕರಾದ ಕಿರಣ್ ರಾಜ್ ಮತ್ತು ಭರತ್ ರಾಜ್ ಕೆ ಯಾದವ್ ಹಾಗೂ ಅವರ ಕುಟುಂಬಕ್ಕೆ ಕೃತಜ್ಞತೆಗಳು ಎಂದು ಸಂಗೀತಾ ಶೃಂಗೇರಿ ಬರೆದುಕೊಂಡಿದ್ದಾರೆ.

ಇತ್ತೀಚಿಗಷ್ಟೇ ನಟಿ ಶ್ರುತಿ ಕೂಡ ಮಗಳ ಜೊತೆ ಇದೇ ಕೊರಗಜ್ಜನಿಗೆ ಕೋಲ ನೀಡಿದ್ದರು. ನಟಿ ಪ್ರೇಮಾ ಕೂಡ ದರ್ಶನ ಪಡೆದುಕೊಂಡಿದ್ದರು.

ಈಗ ನಿರೂಪಕಿ ಅನುಶ್ರೀ (Anushree) ಜೊತೆ ನಟಿ ಸಂಗೀತಾ ಶೃಂಗೇರಿ ಸಹ ದೈವದ ದರ್ಶನ ಪಡೆದು ಕೊರಗಜ್ಜನಿಗೆ ಕೋಲ ನೀಡಿದ್ದಾರೆ.

ಕನ್ನಡ ಕಿರುತೆರೆಯಿಂದ ಬೆಳ್ಳಿತೆರೆಗೆ ಎಂಟ್ರಿ ಕೊಟ್ಟ ನಟಿ ಸಂಗೀತಾ ಶೆಟ್ಟಿ, ರಕ್ಷಿತ್ ಶೆಟ್ಟಿ ಸಿನಿಮಾ 777 ಚಾರ್ಲಿ ಹಾಗೂ ಡಾರ್ಲಿಂಗ್ ಕೃಷ್ಣ ಮತ್ತು ಪುನೀತ್ ನಟನೆಯ ಲಕ್ಕಿಮ್ಯಾನ್ ಸಿನಿಮಾ ಮೂಲಕ ಹೆಚ್ಚು ಜನಪ್ರಿಯತೆ ಪಡೆದಿದ್ದಾರೆ.