Vijay Deverakonda: ಪುಷ್ಪಾ ನಟಿಯನ್ನು ಟ್ರೋಲ್ ಮಾಡೋಕೆ ಹಣ ಕೊಟ್ರಾ ವಿಜಯ್ ದೇವರಕೊಂಡ?

ತೆಲುಗು ಚಿತ್ರರಂಗದಲ್ಲಿ ಅನಸೂಯ ಹಾಗೂ ವಿಜಯ್ ದೇವರಕೊಂಡ ಮಧ್ಯೆ ಕ್ಯಾಟ್ ಫೈಟ್ ಇರೋದು ಎಲ್ಲರಿಗೂ ಗೊತ್ತು. ಇಬ್ಬರೂ ತಮ್ಮದೇ ಆದ ರೀತಿಯಲ್ಲಿ ಚಿತ್ರರಂಗದಲ್ಲಿ ಮಿಂಚುತ್ತಿದ್ದರೂ ಪರಸ್ಪರ ಜಗಳ ಮಾತ್ರ ತಪ್ಪಿಲ್ಲ.

ಬಾಲಿವುಡ್ ನಟಿ ಅನಸೂಯ ಭಾರಧ್ವಾಜ್ ಅವರು ಇತ್ತೀಚಿನ ಸಂದರ್ಶನದಲ್ಲಿ ಶಾಕಿಂಗ್ ಕಮೆಂಟ್ ಮಾಡಿದ್ದಾರೆ. ವಿಜಯ್ ದೇವರಕೊಂಡ ಬಗ್ಗೆ ನಟಿ ಕೊಟ್ಟ ಹೇಳಿಕೆ ಮತ್ತೊಂದು ವಿವಾದಕ್ಕೆ ದಾರಿ ಮಾಡಿಕೊಟ್ಟಿದೆ.

ವಿಜಯ್ ದೇವರಕೊಂಡ ಕಡೆಯ ಜನರು ನನ್ನನ್ನು ಟ್ರೋಲ್ ಮಾಡಲು ಟ್ರೋಲಿಗರಿಗೆ ಹಣ ನೀಡುತ್ತಿದ್ದಾರೆ ಎಂದು ಅನಸೂಯ ಕಮೆಂಟ್ ಮಾಡಿದ್ದು ಭಾರೀ ಚರ್ಚೆಯಾಗುತ್ತಿದೆ. ನಟಿ ಸಂದರ್ಶನದಲ್ಲಿಯೇ ಈ ರೀತಿ ಗಂಭೀರ ಆರೋಪ ಮಾಡಿದ್ದಾರೆ.

ಆ್ಯಂಕರ್ ಹಾಗೂ ನಟಿಯಾಗಿ ಗುರುತಿಸಿಕೊಂಡಿರುವ ಪುಷ್ಪಾ ನಟಿ ಅನಸೂಯಾ ಭಾರಧ್ವಾಜ್ ಅವರು ಅಲ್ಲು ಅರ್ಜುನ್ ಅವರ ಪುಪಷ್ಪಾ: ದಿ ರೈಸ್ ಸಿನಿಮಾದಲ್ಲಿ ನಟಿಸಿದ್ದರು. ನಟಿ ವಿಜಯ್ ಬಗ್ಗೆ ಆರೋಪ ಮಾಡಿದ್ದು ನಟನ ಕಡೆಯ ಜನರು ತಮ್ಮನ್ನು ಹಣ ಕೊಟ್ಟು ಟ್ರೋಲ್ ಮಾಡಿಸುತ್ತಿದ್ದಾರೆ ಎಂದಿದ್ದಾರೆ.

ವಿಜಯ್ ದೇವರಕೊಂಡ ಅವರ ಕಡೆಯ ಜನರು ಹಣ ಕೊಟ್ಟು ನನ್ನನ್ನು ಟ್ರೋಲ್ ಮಾಡಿಸುತ್ತಿರುವುದು ನನಗೆ ಇತ್ತೀಚೆಗೆ ಗೊತ್ತಾಯಿತು. ನನಗೆ ಈ ವಿಚಾರ ಗೊತ್ತಾದಾಗ ಶಾಕ್ ಆಯಿತು ಎಂದಿದ್ದಾರೆ.

ನಾನು ಹಾಗೂ ವಿಜಯ್ ಅವರು ಸ್ನೇಹಿತರಾಗಿದ್ದೆವು. ನಮ್ಮ ಮಧ್ಯೆ ಯಾವ ಸಮಸ್ಯೆಯೂ ಇರಲಿಲ್ಲ. ಅರ್ಜುನ್ ರೆಡ್ಡಿ ಸಿನಿಮಾ 2017ರಲ್ಲಿ ರಿಲೀಸ್ ಆದಾಗ ಕೆಲವು ಪದಗಳನ್ನು ಸಿನಿಮಾದಲ್ಲಿ ಮ್ಯೂಟ್ ಮಾಡಲಾಗಿತ್ತು. ವಿಜಯ್ ಥಿಯೇಟರ್​ಗೆ ಭೇಟಿ ಕೊಟ್ಟಾಗ ಮ್ಯೂಟ್ ಮಾಡಿದ್ದ ಪದಗಳನ್ನು ಅನ್​ಮ್ಯೂಟ್ ಮಾಡಲಾಯಿತು ಎಂದಿದ್ದಾರೆ.

ಆ ಕೆಟ್ಟ ಪದಗಳನ್ನು ಹೇಳುವಂತೆ ನಟ ಅಭಿಮಾನಿಗಳಿಗೆ ಹೇಳಿದಾಗ ಅಲ್ಲಿದ್ದವರೆಲ್ಲ ಅದನ್ನು ಜೋರಾಗಿ ಹೇಳಿದರು. ವಿಜಯ್ ಸಿನಿಮಾದಲ್ಲಿ ಸ್ವಲ್ಪ ಹಿಂಸಾತ್ಮಕ ಪಾತ್ರವನ್ನು ಮಾಡಿದ್ದರು. ಆದರೆ ಇದು ನಿಜ ಜೀವನದಲ್ಲಿ ಫಾಲೋ ಮಾಡೋದು ಸರಿಯೇ ಎಂದು ಅನಸೂಯ ಪ್ರಶ್ನಿಸಿದ್ದಾರೆ.

ಪ್ರೇಕ್ಷಕರು ಕೆಟ್ಟ ಪದಗಳನ್ನು ಬಳಸಲು ಯಾಕೆ ಪ್ರೋತ್ಸಾಹಿಸಬೇಕು? ವಾಸ್ತವದಲ್ಲಿ ನಾನು ಈ ವಿಚಾರವಾಗಿ ವಿಜಯ್ ದೇವರಕೊಂಡ ಜೊತೆ ಮಾತನಾಡಿದೆ. ನಿಜ ಜೀವನದಲ್ಲಿ ಇಂಥಹ ಸಂಗತಿಗಳನ್ನು ಪ್ರೋತ್ಸಾಹಿಸಬೇಡಿ ಎಂದಿದ್ದೆ ಎಂದು ಅನಸೂಯ ನೆನಪಿಸಿಕೊಂಡಿದ್ದಾರೆ.

ಅರ್ಜುನ್ ರೆಡ್ಡಿ ಸಿನಿಮಾ ರಿಲೀಸ್ ನಂತರ ಮಹಿಳೆಯರ ಮೇಲಿನ ದೌರ್ಜನ್ಯ ಹೆಚ್ಚಾಗಿದೆ. ಆನ್​ಲೈನ್ ವಿವಾದಿಂದ ಡಿಪ್ರೆಷನ್​ಗೆ ಹೋಗಿದ್ದೆ. ಆದರೆ ಅದನ್ನು ಮೀರಿ ಹೊರಗೆ ಬಂದೆ ಎಂದು ಅನಸೂಯ ಹೇಳಿದ್ದಾರೆ.

2019ರಲ್ಲಿ ವಿಜಯ್ ದೇವರಕೊಂಡ ಅವರ ತಂದೆ ಮೀಕು ಮಾತ್ರಮೇ ಚೆಪ್ತಾ ಸಿನಿಮಾ ನಿರ್ಮಿಸಿದರು. ನನಗೆ ಒಂದು ರೋಲ್ ಆಫರ್ ಮಾಡಿದರು. ಎಲ್ಲವೂ ಸರಿಯಾಗಿತ್ತು. ಆದರೆ ನಟನ ಕಡೆಯಿಂದ ನನ್ನನ್ನು ಟ್ರೋಲ್ ಮಾಡಲು ಹಣ ನೀಡಲಾಗುತ್ತಿದೆ ಎನ್ನುವುದು ನಂತರ ತಿಳಿಯಿತು. ನನಗೆ ಶಾಕ್ ಆಗಿತ್ತು. ಹಾಗಿದ್ದರೆ ಇದು ವಿಜಯ್​ಗೂ ತಿಳಿದಿರಬಹುದಲ್ಲವೇ? ಎಂದು ಪ್ರಶ್ನಿಸಿದ್ದಾರೆ ನಟಿ.

ವಿಜಯ್ ದೇವರಕೊಂಡ ಖುಷಿ ಪೋಸ್ಟ್ ಹಾಕಿದ ನಂತರ ಅನಸೂಯ ಅವರು ಟಾಂಗ್ ಕೊಟ್ಟು ಪೋಸ್ಟ್ ಶೇರ್ ಮಾಡಿದ್ದರು. ಅನಸೂಯ ಅವರು ವಿಮಾನಂ ಸಿನಿಮಾದಲ್ಲಿ ನಟಿಸಲಿದ್ದಾರೆ. ಪುಷ್ಪಾ2 ಸಿನಿಮಾದಲ್ಲಿ ನಟಿಸಲಿದ್ದಾರೆ.

ವಿಜಯ್ ದೇವರಕೊಂಡ ಹಾಗೂ ಅನಸೂಯ ಅವರ ಜಗಳ ಇಂದು ನಿನ್ನೆಯದಲ್ಲ. ಹಲವು ವರ್ಷಗಳಿಂದ ಇದು ಹೀಗೆಯೇ ಇದೆ. ಇದು ಯಾವಾಗ ಮುಗಿಯುತ್ತೆ ಎಂದು ಕಾದು ನೋಡಬೇಕಾಗಿದೆ.