Ananya Panday: ಕಸಿನ್ ಮದುವೆಯಲ್ಲಿ ಸಿಗರೇಟ್ ಸೇದೋದ್ರಲ್ಲಿ ಬ್ಯುಸಿಯಾದ ಬಾಲಿವುಡ್ ನಟಿ! ನೆಟ್ಟಿಗರು ಶಾಕ್

ಅನನ್ಯಾ ಪಾಂಡೆ ಅವರು ಕಸಿನ್ ಮದುವೆ ಖುಷಿಯಲ್ಲಿದ್ದಾರೆ. ಆದರೆ ಅವರು ಮದುವೆ ಮನೆಯಲ್ಲಿ ಸ್ಮೋಕ್ ಮಾಡುತ್ತಿರುವ ಫೋಟೋ ವೈರಲ್ ಆಗಿದ್ದು ಅರೆ ಇದು ನಿಜಕ್ಕೂ ಅನನ್ಯಾ ಪಾಂಡೆಯಾ ಎನ್ನುತ್ತಿದ್ದಾರೆ ಜನ.

ಮದುವೆಗೆ ಬಂದ ವ್ಯಕ್ತಿಗಳಲ್ಲಿ ಒಬ್ಬರು ಅಲ್ಲಿಂದ ಇನ್​ಸ್ಟಾಗ್ರಾಮ್ ಸ್ಟೋರಿ ಶೇರ್ ಮಾಡಿದ್ದಾರೆ. ಇದರಲ್ಲಿ ಗುಂಪಿನ ಮಧ್ಯೆ ಅನನ್ಯಾ ಪಾಂಡೆಯೂ ಕಾಣಿಸಿದ್ದಾರೆ. ನಟಿ ಜಾಲಿಯಾಗಿ ಮದುವೆ ಮನೆಯಲ್ಲಿ ಸಿಗರೇಟ್ ಸೇದುವುದನ್ನು ಕಾಣಬಹುದು.

ಅನನ್ಯಾ ಸ್ಮೋಕರ್ ಆಗಿರಬಹುದೆಂದು ಎಂದೂ ಊಹಿಸಿರಲಿಲ್ಲ ಎಂದಿದ್ದಾರೆ ನೆಟ್ಟಿಗರು. ಕಾರ್ನರ್​ನಲ್ಲಿ ನಿಂತು ನಟಿ ಸಿಗರೇಟ್ ಸೇದುವುದನ್ನು ಕಾಣಬಹುದು. ಫೋಟೋ ವೈರಲ್ ಆಗಿದ್ದು ಎಲ್ಲರೂ ನಟಿಯನ್ನು ನೋಡಿ ಶಾಕ್ ಆಗಿದ್ದಾರೆ.

ನನ್ನ ಅನನ್ಯಾ ಹೀಗಿರಲು ಸಾಧ್ಯವಿಲ್ಲ ಎಂದಿದ್ದಾರೆ ಒಬ್ಬರು. ಇನ್ನೊಬ್ಬರು ಈ ಜನರಿಗೆ ತಲೆಯಲ್ಲಿ ಬುದ್ಧಿ ಇಲ್ಲ ಎಂದಿದ್ದಾರೆ. ಅಯ್ಯೋ ಅವಳಷ್ಟು ಕ್ಯೂಟ್ ಇದ್ದಾಳೆ. ಸುಂದರವಾದ ತುಟಿಗಳಿವೆ. ಆದರೆ ಸ್ಮೋಕರ್ ಎಂದರೆ ನಂಬಲು ಸಾಧ್ಯವಾಗುತ್ತಿಲ್ಲ ಎಂದಿದ್ದಾರೆ ಇನ್ನೊಬ್ಬರು.

ಯಾವುದೂ ಕಾಣುವಂತೆ ಇರುವುದಿಲ್ಲ ಎನ್ನುವುದಕ್ಕೆ ಇದು ಸ್ಪಷ್ಟ ಉದಾಹರಣೆ ಎಂದಿದ್ದಾರೆ ಇನ್ನೊಬ್ಬರು. ಅನನ್ಯಾ ಆರೋಗ್ಯ ಬಗ್ಗೆ ಕಾಳಜಿ ಹೊಂದಿದ್ದಾರೆ. ಆದ ಕಾರಣ ಅವರು ಹೀಗೆ ಮಾಡಲು ಸಾಧ್ಯವಿಲ್ಲ. ಪಾರ್ಟಿಗಳಲ್ಲಿ ಮಾತ್ರ ಸಿಗರೇಟ್ ಸೇದಿರಬಹುದು ಎಂದಿದ್ದಾರೆ ಮತ್ತೊಬ್ಬರು.

ನಾನು ಸ್ಮೋಕ್ ಮಾಡುವವರನ್ನು ದ್ವೇಷಿಸುತ್ತೇನೆ. ಇದು ಪುರುಷ ಅಥವಾ ಮಹಿಳೆ ಎಂಬ ಪ್ರಶ್ನೆ ಅಲ್ಲ. ಇದು ಆರೋಗ್ಯದ ಪ್ರಶ್ನೆ. ಸಿಗರೇಟ್ ಸೇದುವವರಷ್ಟೇ ಅಲ್ಲ, ಅವರ ಸುತ್ತಲಿದ್ದವರ ಆರೋಗ್ಯವೂ ಹಾಳು. ಈ ಸ್ಟಾರ್​ಗಳ ಬಳಿ ಟ್ರೀಟ್ಮೆಂಟ್ ಪಡೆಯಲು ದುಡ್ಡಿರಬಹುದು. ಆದರೆ ಸಾಮಾನ್ಯ ಜನರಿಗೆ ಅಷ್ಟು ವ್ಯವಸ್ಥೆ ಇಲ್ಲ ಎಂದಿದ್ದಾರೆ.

ಇನ್ನು ಕೆಲವರು ಪುರುಷರು ಸಿಗರೇಟ್ ಸೇದುತ್ತಾರೆ. ಮಹಿಳೆಯರು ಸೇದಿದರೆ ಏನು ತಪ್ಪು? ಅನನ್ಯಾರನ್ನು ತಮಾಷೆ ಮಾಡೋದನ್ನು ನಿಲ್ಲಿಸಿ ಎಂದಿದ್ದಾರೆ.

ಅನನ್ಯಾ ಪಾಂಡೆ ಬಾಲಿವುಡ್ ಸ್ಟಾರ್ ಕಿಡ್ ಆಗಿದ್ದರೂ ನಟನೆಯಲ್ಲಿ ಅವರಿಗೆ ಅದೃಷ್ಟ ಒಲಿಯುತ್ತಿಲ್ಲ. ಅವರ ಸಿನಿಮಾಗಳು ಬಹುತೇಕ ಫ್ಲಾಪ್ ಆಗಿವೆ.

ವಿಜಯ್ ದೇವರಕೊಂಡ ಜೊತೆ ಲೈಗರ್ ಸಿನಿಮಾದಲ್ಲಿ ನಟಿ ಹೈಲೈಟ್ ಆಗಿದ್ದರೂ ಸಿನಿಮಾ ರಿಲೀಸ್ ಆದಾಗ ಎಲ್ಲರಿಗೂ ನಿರಾಸೆಯಾಗಿದೆ. ಸಿನಿಮಾ ಫ್ಲಾಪ್ ಆಯಿತು.