ಈಗ ನಿಮ್ಮ ಬೆನ್ನುಮೂಳೆ ಎಲ್ಲೋಯ್ತು?; ದೀಪಿಕಾಗೆ ಬೆಂಬಲ ನೀಡದ್ದಕ್ಕೆ ಟ್ರೋಲ್​ ಆದ ಅಮಿತಾಭ್ ಬಚ್ಚನ್​

‘ಚಪಾಕ್’ ಸಿನಿಮಾ ಪ್ರಚಾರಕ್ಕಾಗಿ ದೆಹಲಿಯಲ್ಲಿರುವ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಅವರು ಮಂಗಳವಾರ ಸಂಜೆ ಜೆಎನ್ಯು ಕ್ಯಾಂಪಸ್ಗೆ ತೆರಳಿ, ವಿದ್ಯಾರ್ಥಿಗಳ ಹೋರಾಟಕ್ಕೆ ಬೆಂಬಲ ಸೂಚಿಸಿದ್ದರು.

ಇದಾದ ಬೆನ್ನಲ್ಲೇ ದೀಪಿಕಾ ಹಾಗೂ ಚಪಾಕ್ ಸಿನಿಮಾ ಬಹಿಷ್ಕಾರ ಮಾಡಿ ಎನ್ನುವ ಕೂಗು ಟ್ವಿಟ್ಟರ್​ನಲ್ಲಿ ಜೋರಾಗಿತ್ತು.

ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯದ ಸಬರಮತಿ ಟಿ ಪಾಯಿಂಟ್​ನಲ್ಲಿ ವಿದ್ಯಾರ್ಥಿಗಳು ನಡೆಸುತ್ತಿರುವ ಪ್ರತಿಭಟನಾ ಸ್ಥಳಕ್ಕೆ ದೀಪಿಕಾ ಆಗಮಿಸಿದ್ದರು. ಈ ಮೂಲಕ ವಿದ್ಯಾರ್ಥಿಗಳಿಗೆ ಬೆಂಬಲ ನೀಡಿದ್ದರು. ಪ್ರತಿಭಟನಾ ಸ್ಥಳದಲ್ಲಿ ಅವರು ಸ್ವಲ್ಪ ಸಮಯ ಇದ್ದಿದ್ದರು. ಇದು ಅನೇಕರ ಕೆಂಗಣ್ಣಿಗೆ ಗುರಿಯಾಗಿದೆ.

#boycottchhapaak ಹಾಗೂ #boycottdeepika ಹೆಸರಿನ ಹ್ಯಾಶ್​ಟ್ಯಾಗ್ ಟ್ವಿಟ್ಟರ್​ನಲ್ಲಿ ಟ್ರೆಂಡ್ ಆಗಿತ್ತು.

ಚಿತ್ರರಂಗದ ಕೆಲವೇ ಕೆಲವು ಮಂದಿ ಮಾತ್ರ ದೀಪಿಕಾ ಬೆಂಬಲಕ್ಕೆ ನಿಂತಿದ್ದರು.

ಈ ವಿಚಾರದಲ್ಲಿ ನಟ ಅಮಿತಾಭ್ ಬಚ್ಚನ್ ಮೌನ ಕಾಯ್ದುಕೊಂಡಿರುವುದು ಅನೇಕರ ಕೋಪಕ್ಕೆ ಕಾರಣವಾಗಿದೆ.

ಇಂಥ ಸಮಯದಲ್ಲಿ ದೀಪಿಕಾ ಬೆನ್ನಿಗೆ ನಿಲ್ಲಬೇಕಾಗಿದ್ದು ಅಮಿತಾಭ್ ಬಚ್ಚನ್ ಕರ್ತವ್ಯ ಆಗಿತ್ತು ಎನ್ನುವುದು ಕೆಲವರ ಅಭಿಪ್ರಾಯ.

ಐಶ್ವರ್ಯ ರೈ- ಅಮಿತಾಭ್​ ಬಚ್ಚನ್

ದೀಪಿಕಾ ಬೆಂಬಲಕ್ಕೆ ಅಭಿಮಾನಿಗಳು ನಿಲ್ಲಬೇಕು ಎಂದು ಹೇಳಲೂ ಒಂದು ಕಾರಣವಿದೆ.

ಅಮಿತಾಭ್ ಕಾಂಗ್ರೆಸ್ ಸರ್ಕಾರ ಇದ್ದ ಸಮಯದಲ್ಲಿ ಟ್ವೀಟ್ ಒಂದನ್ನು ಮಾಡಿದ್ದರು.

ಅಮಿತಾಭ್​ ಮಾಡಿರುವ ಟ್ವೀಟ್​

ನನಗೆ ನನ್ನ ತಂದೆ ಹೇಳಿದ ಮಾತು ನೆನಪಿಗೆ ಬರುತ್ತಿದೆ. ಯಾರ ಬೆನ್ನುಮೂಳೆ ನೇರವಾಗಿದೆಯೋ ನಾನು ಅಂಥವರ ಬೆಂಬಲಕ್ಕೆ ಇದ್ದೇನೆ ಎಂದು ಹೇಳಿದ್ದರು.

ಅಲ್ಲದೆ, ಅಮಿತಾಭ್​ ಬಾಲಿವುಡ್​ನ ಹಿರಿಯ ಕಲಾವಿದ.

ಆದಾಗ್ಯೂ ದೀಪಿಕಾ ವಿಚಾದಲ್ಲಿ ಅವರು ಒಂದು ಮಾತನ್ನೂ ಹೇಳದೆ ಇರುವುದು ಅನೇಕರ ಕೆಂಗಣ್ಣಿಗೆ ಗುರಿಯಾಗಿದೆ.

ಅಮಿತಾಭ್ ಎಲ್ಲಿ ಹೋಯ್ತು ನಿಮ್ಮ ಬೆನ್ನು ಮೂಳೆ ಎಂದು ಅನೇಕರು ಪ್ರಶ್ನೆ ಮಾಡಿದ್ದಾರೆ.

ಟ್ರೋಲ್​