HCA Awards 2023: ಅಮೆರಿಕಾದಲ್ಲಿ ರಾಮ್ ಚರಣ್​ಗೆ ಅಪಮಾನ ಮಾಡಿದ್ರಾ? ಹಾಲಿವುಡ್ ನಟಿ ಕ್ಷಮೆ ಕೇಳಿದ್ಯಾಕೆ?

ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಅಮೆರಿಕಾದಲ್ಲಿ ಭರ್ಜರಿಯಾಗಿಯೇ ಸದ್ದು ಮಾಡ್ತಿದ್ದಾರೆ. ಚೆರ್ರಿ ಯುಎಸ್ಗೆ ಹೋಗಿ ಸುಮಾರು 5 ದಿನಗಳಾಗಿವೆ. ಹಾಲಿವುಡ್ ಕ್ರಿಟಿಕ್ಸ್ ಅಸೋಸಿಯೇಷನ್ ಅವಾರ್ಡ್ಸ್ (HCA ಅವಾರ್ಡ್ಸ್) ನಲ್ಲಿ ರಾಮ್ ಚರಣ್ ವಿಶೇಷ ಆಕರ್ಷಣೆಯಾಗಿದ್ದರು. RRR ಸಿನಿಮಾ ತಂಡ ಅಮೆರಿಕಾದಲ್ಲಿ ಮಿಂಚಿದೆ.

ಕ್ಯಾಲಿಫೋರ್ನಿಯಾದಲ್ಲಿ ನಡೆದ ಹಾಲಿವುಡ್ ಕ್ರಿಟಿಕ್ಸ್ ಅಸೋಸಿಯೇಷನ್ ಅವಾರ್ಡ್ಸ್ 2023 ರಲ್ಲಿ, ಟಾಲಿವುಡ್​ನ ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ವೇದಿಕೆ ಮೇಲೆ ಸಂಭ್ರಮಿಸಿದ್ದಾರೆ. ಸಮಾರಂಭದಲ್ಲಿ ಹಾಲಿವುಡ್ ನಿರ್ದೇಶಕ, ನಿರ್ಮಾಪಕರ ಜೊತೆ ರಾಮ್ ಚರಣ್ ಭಾಗವಹಿಸಿದ್ದು ವಿಶೇಷವಾಗಿದೆ.

ಈ ಸಮಾರಂಭದಲ್ಲಿ ಚರಣ್ ಪ್ರಶಸ್ತಿ ನಿರೂಪಕರಾಗಿ ನಿಂತಿದ್ದು ಮತ್ತಷ್ಟು ಹೆಮ್ಮೆಯ ವಿಚಾರವಾಗಿದೆ. ಈ ವೇಳೆ ವೇದಿಕೆಯಲ್ಲಿ ಸ್ವಾರಸ್ಯಕರ ಘಟನೆಯೊಂದು ನಡೆಯಿತು. ಈ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಿರುವ ಅಮೇರಿಕನ್ ಸ್ಟಾರ್ ನಟಿ ಟಿಗ್ ನೋಟಾರೊ ರಾಮ್ ಚರಣ್ ಹೆಸರನ್ನು ಉಚ್ಚರಿಸಲು ತಡವರಿಸಿದ್ದಾರೆ.

ಪ್ರಶಸ್ತಿ ನೀಡಲು ರಾಮ್ ಚರಣ್ ಅವರನ್ನು ವೇದಿಕೆಗೆ ಕರೆದಾಗ, ಅವರು ಚರಣ್ ಎಂಬ ಪದ ಹೇಳಲು ಸಾಧ್ಯವಾಗಲಿಲ್ಲ. ಬಳಿಕ ತಂಡದ ನೆರವಿನಿಂದ ಚರಣ್ ಎಂದು ಬಹಳ ಕಷ್ಟಪಟ್ಟು ಹೇಳಿದ್ದಾರೆ. ನಟಿ ಹೆಸರು ಹೇಳ್ತಿದ್ದಂತೆ ರಾಮ್ ಚರಣ್ ನಗುತ್ತಾ ವೇದಿಕೆ ಮೇಲೆ ಹೋಗಿದ್ದಾರೆ. ಆ ವೇಳೆ ತಿಗ್ ನೋಟಾರೋ ರಾಮ್ ಚರಣ್ ಬಳಿ ಹೋಗಿ ಕ್ಷಮೆ ಕೇಳಿದ್ದಾರೆ.

ಹಾಲಿವುಡ್ ಕ್ರಿಟಿಕ್ಸ್ ಅಸೋಸಿಯೇಷನ್ ಪ್ರಶಸ್ತಿಗಳ ಭಾಗವಾಗಿ ರಾಮ್ ಚರಣ್ 'RRR' ಸಿನಿಮಾಗಾಗಿ ಸ್ಪಾಟ್ ಲೈಟ್ ಪ್ರಶಸ್ತಿಯನ್ನು ಸ್ವೀಕರಿಸಿದರು. RRR ಚಲನಚಿತ್ರವು HCA ಪ್ರಶಸ್ತಿಗಳಲ್ಲಿ 4 ಪ್ರಶಸ್ತಿಗಳನ್ನು ಗೆದ್ದಿದೆ. ಈ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ರಾಮ್ ಚರಣ್ ಅವರಿಗೆ ಅಪರೂಪದ ಗೌರವ ಲಭಿಸಿದೆ.

ಸಮಾರಂಭದ ನಿರೂಪಕರಾಗಿ ರಾಮ್ ಚರಣ್ ಅವರನ್ನು 'ಅತ್ಯುತ್ತಮ ಧ್ವನಿ / ಮೋಷನ್ ಕ್ಯಾಪ್ಚರ್ ಪ್ರದರ್ಶನ' ಎಂದು ಘೋಷಿಸಿದರು. ಈ ಗೌರವ ಪಡೆದ ಮೊದಲ ಭಾರತೀಯ ನಾಯಕ ಎಂಬ ದಾಖಲೆಯನ್ನು ರಾಮ್ ಚರಣ್ ನಿರ್ಮಿಸಿದ್ದಾರೆ. ಅವರ ಪಕ್ಕದಲ್ಲಿ ನಿಲ್ಲುವುದೇ ಪ್ರಶಸ್ತಿ ಎಂದು ನಟಿ ಏಂಜೆಲಾ ಹೇಳಿದ್ದಾರೆ. ರಾಮ್ ಚರಣ್ ಹಾಲಿವುಡ್ ಚಿತ್ರ ಪ್ರಶಸ್ತಿ ಪಡೆದ ಏಕೈಕ ನಾಯಕರಾದರು. ಇದು ತೆಲುಗು ಪ್ರೇಕ್ಷಕರಿಗೆ ಮತ್ತು ಭಾರತೀಯರಿಗೆ ಬಹಳ ಹೆಮ್ಮೆಯ ಕ್ಷಣ ಎಂದು ಹೇಳಬಹುದಾಗಿದೆ.

ರಾಜಮೌಳಿ ಅವರ ತಂಡವು RRR ಚಿತ್ರಕ್ಕಾಗಿ ಅತ್ಯುತ್ತಮ ಆಕ್ಷನ್ ಚಿತ್ರ, ಅತ್ಯುತ್ತಮ ಸ್ಟಂಟ್ಸ್, ಅತ್ಯುತ್ತಮ ಮೂಲ ಹಾಡು, ಅತ್ಯುತ್ತಮ ಅಂತರಾಷ್ಟ್ರೀಯ ಚಲನಚಿತ್ರ ಮತ್ತು ಅತ್ಯುತ್ತಮ ಸ್ಪಾಟ್ ಲೈಟ್ ವಿಭಾಗಗಳಲ್ಲಿ ಪ್ರಶಸ್ತಿಗಳನ್ನು ಗೆದ್ದು ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ತನ್ನ ಶಕ್ತಿಯನ್ನು ಪ್ರದರ್ಶಿಸಿದೆ.