Pushpa 2: ಮತ್ತಷ್ಟು ಏರಿಕೆಯಾಗಿದೆ ಪುಷ್ಪ ಸಿನಿಮಾ ಬಜೆಟ್! ಒಟ್ಟು ಮೊತ್ತ ಎಷ್ಟು ಗೊತ್ತಾ?

ಅಲ್ಲು ಅರ್ಜುನ್-ರಶ್ಮಿಕಾ ಮಂದಣ್ಣ ಅಭಿನಯದ ಪುಷ್ಪ: ದಿ ರೂಲ್ ಟಾಲಿವುಡ್‌ನ ಬಹು ನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾಗಿದೆ. ಪುಷ್ಪ ದಿ ರೈಸ್ ಪ್ಯಾನ್ ಇಂಡಿಯಾ ಹಿಟ್ ಸೀಕ್ವೆಲ್‌ಗಾಗಿ ಕಾತರದಿಂದ ಕಾಯುತ್ತಿದ್ದಾರೆ ಅಭಿಮಾನಿಗಳು.

'ಪುಷ್ಪ ದಿ ರೈಸ್' ಚಿತ್ರ ಸೃಷ್ಟಿಸಿದ ಸಂಚಲನದ ಹಿನ್ನೆಲೆಯಲ್ಲಿ ನಿರ್ದೇಶಕ ಸುಕುಮಾರ್ ಅವರು 'ಪುಷ್ಪ ದಿ ರೂಲ್' ಚಿತ್ರಕ್ಕಾಗಿ ಹೆಚ್ಚಿನ ತಯಾರಿ ಮಾಡಲಿದ್ದಾರೆ.

ಪುಷ್ಪ 2 ಚಿತ್ರಕ್ಕಾಗಿ ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ. ಈ ಸಿನಿಮಾ ಸೆಟ್ಟೇರಿದೆ. ಈ ಸಿನಿಮಾ 2023ರ ಬೇಸಿಗೆಯಲ್ಲಿ ಬಿಡುಗಡೆಯಾಗಲಿದೆಯಂತೆ.

ಪುಷ್ಪಾ ಈಗಾಗಲೇ ಹೇಳಿದಂತೆ ಬಿಗ್ ಬಜೆಟ್ ಸಿನಿಮಾ. ಸ್ಟಾರ್ ನಟರು, ಗೆಸ್ಟ್ ರೋಲ್ ಎಂದು ಬಹಳಷ್ಟು ಬಜೆಟ್​ನಲ್ಲಿ ಸ್ಟಾರ್ ಬಳಗ ಕೂಡಾ ಈ ಸಿನಿಮಾದಲ್ಲಿರಲಿದೆ.

ಪುಷ್ಪ ಮೊದಲ ಭಾಗಕ್ಕೆ ಅಲ್ಲು ಅರ್ಜುನ್ ರು.45 ಕೋಟಿ ತೆಗೆದುಕೊಂಡಿದ್ದಾರೆ. ಎರಡನೇ ಭಾಗಕ್ಕೆ 120 ಕೋಟಿ ತೆಗೆದುಕೊಳ್ಳಲಿದ್ದಾರೆ ಎನ್ನಲಾಗಿದೆ. ಮೊದಲ ಭಾಗಕ್ಕೆ ನಿರ್ದೇಶಕ ಸುಕುಮಾರ್ ತೆಗೆದುಕೊಂಡಿದ್ದು 18 ಕೋಟಿ ರೂಪಾಯಿ. ಇದರೊಂದಿಗೆ ಎರಡನೇ ಭಾಗಕ್ಕೆ ರು.45 ಕೋಟಿ ತೆಗೆದುಕೊಳ್ಳಲಿದ್ದಾರಂತೆ ನಿರ್ದೇಶಕ.

ಈ ಸಿನಿಮಾದಲ್ಲಿ ಇತರ ನಟರು ಮತ್ತು ತಂತ್ರಜ್ಞರಿಗೆ ರೂ.75 ಕೋಟಿ ವರೆಗೆ ನೀಡಲಾಗುವುದು ಎನ್ನಲಾಘಿದೆ. ಚಿತ್ರದ ಒಟ್ಟು ಬಜೆಟ್ ರು.400 ಕೋಟಿಗೂ ಹೆಚ್ಚು ಎಂದು ಹೇಳಲಾಗುತ್ತಿದೆ. ಸದ್ಯ ಪುಷ್ಪ 2 ಚಿತ್ರದ ಪ್ರಿ-ಪ್ರೊಡಕ್ಷನ್ ಕೆಲಸ ನಡೆಯುತ್ತಿದೆ.

ಪುಷ್ಪ ಬಿಡುಗಡೆಯಾಗಿ ವರ್ಷ ಕಳೆದರೂ ಈ ಸಿನಿಮಾದ ಕ್ರೇಜ್ ಕಡಿಮೆಯಾಗಿಲ್ಲ. ಇತ್ತೀಚೆಗಷ್ಟೇ ರಷ್ಯಾದಲ್ಲಿ ಪುಷ್ಪ ಚಿತ್ರ ಬಿಡುಗಡೆಯಾಗಿ ಉತ್ತಮ ಪ್ರತಿಕ್ರಿಯೆ ಪಡೆದಿತ್ತು.