Allu Arjun-Pushpa 3: ಇನ್ನೂ ಪುಷ್ಪ-2 ಶೂಟಿಂಗ್ ಮುಗಿದಿಲ್ಲ ಆಗಲೇ ಪುಷ್ಪ 3 ಸಿನಿಮಾಗಾಗಿ ನಡೆದಿದೆ ಭರ್ಜರಿ ತಯಾರಿ!

ಪುಷ್ಪ ಚಿತ್ರದ ನಂತರ ಅಲ್ಲು ಅರ್ಜುನ್ ಸದ್ಯ ಪುಷ್ಪ 2 ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಭಾರೀ ನಿರೀಕ್ಷೆಗಳ ನಡುವೆ ಮೂಡಿಬರುತ್ತಿರುವ ಈ ಚಿತ್ರ ಸದ್ಯ ಶೂಟಿಂಗ್ ಹಂತದಲ್ಲಿದೆ. ಅಲ್ಲು ಅರ್ಜುನ್​ಗೆ ಜೋಡಿಯಾಗಿ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ನಟಿಸುತ್ತಿದ್ದಾರೆ. ಇದೀಗ ಪುಷ್ಪ ಪಾರ್ಟ್ 3 ಬರಲಿದೆ ಎನ್ನುವ ಸುದ್ದಿ ಹರಿದಾಡುತ್ತಿದೆ. ಫೋಟೋ: ಟ್ವಿಟರ್

ಪುಷ್ಪರಾಜ್ ಆಳ್ವಿಕೆಯನ್ನು ತೋರಿಸುವ ಒಂದು ದೊಡ್ಡ ಟ್ವಿಸ್ಟ್​​ನೊಂದಿಗೆ ಪುಷ್ಪ 2 ಎಂಡ್ ಆಗಲಿದೆಯಂತೆ. ಈ ಸೀರಿಸ್ ಪುಷ್ಪ 3 ನೊಂದಿಗೆ ಕೊನೆಗೊಳ್ಳಲಿದೆಯಂತೆ. ಇದಕ್ಕೆ ಸಂಬಂಧಿಸಿದ ಕಥೆ ಈಗಾಗಲೇ ಸಿದ್ಧವಾಗಿದೆ. ಈ ಮೂರನೇ ಭಾಗವು 2025ರಲ್ಲಿ ಪ್ರಾರಂಭವಾಗಲಿದೆಯಂತೆ. ಸಂದೀಪ್ ರೆಡ್ಡಿ ಅವರ ವಂಗ ಚಿತ್ರದ ನಂತರ ಪುಷ್ಪ 3 ಬರಲಿದೆ. ಫೋಟೋ: ಟ್ವಿಟರ್

ಅಲ್ಲು ಅರ್ಜುನ್ ಹುಟ್ಟುಹಬ್ಬದ ಸಂದರ್ಭದಲ್ಲಿ ಚಿತ್ರತಂಡ ಏಪ್ರಿಲ್  8 ರಂದು ಚಿತ್ರದ ಫಸ್ಟ್ ಲುಕ್ ಬಿಡುಗಡೆ ಮಾಡಿದೆ. "ವೇರ್ ಈಸ್ ಪುಷ್ಪಾ" ವಿಡಿಯೋ ಗ್ಲಿಂಪ್ಸ್​ಗೆ ಭಾರಿ ಪ್ರತಿಕ್ರಿಯೆ ಸಿಕ್ಕಿದೆ. ವೈಜಾಗ್​ನಲ್ಲಿ ನಡೆಯುತ್ತಿದ್ದ ಈ ಸಿನಿಮಾದ ಶೂಟಿಂಗ್ ಇತ್ತೀಚೆಗಷ್ಟೇ ಹೈದರಾಬಾದ್​ಗೆ ಶಿಫ್ಟ್ ಆಗಿದೆ. ಸದ್ಯ ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಚಿತ್ರತಂಡ ಫೈಟಿಂಗ್ ಸೀನ್ ಚಿತ್ರೀಕರಣ ನಡೆಸುತ್ತಿದೆ. ಫೋಟೋ : ಟ್ವಿಟರ್

ಪುಷ್ಪ 2 ಬಗ್ಗೆ ಅನೇಕ ಸುದ್ದಿಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಪುಷ್ಪ ದಿ ರೂಲ್ ಚಿತ್ರದ ಎಲ್ಲಾ ರೈಟ್ಸ್​​ಗೆ ಬೃಹತ್ ಕಂಪನಿಯಿಂದ 900 ಕೋಟಿ ರೂಪಾಯಿಗಳ ಆಫರ್ ಬಂದಿದೆ ಎಂಬ ಸುದ್ದಿ ಹರಿದಾಡುತ್ತಿದೆ. ಪುಷ್ಪ ದಿ ರೂಲ್ ಚಿತ್ರ 350 ಕೋಟಿಯಲ್ಲಿ ತಯಾರಾಗಲಿದೆಯಂತೆ. ಫೋಟೋ : ಟ್ವಿಟರ್

ಬ್ಯಾಂಕಾಕ್​ನ ಬೃಹತ್ ಸೆಟ್ ನಲ್ಲಿ ಪುಷ್ಪ ಶೂಟಿಂಗ್ ನಡೆಯಲಿದೆ. ಸುಮಾರು 30 ದಿನಗಳ ಕಾಲ ಶೂಟಿಂಗ್ ನಡೆಯಲಿದೆ ಎನ್ನಲಾಗಿದೆ. ಈ 30 ದಿನಗಳಲ್ಲಿ ಶೇ.40ರಷ್ಟು ಚಿತ್ರೀಕರಣ ಪೂರ್ಣಗೊಳ್ಳಲಿದೆ.. ಬ್ಯಾಂಕಾಕ್ ನ ದಟ್ಟ ಅರಣ್ಯದಲ್ಲಿ ಚಿತ್ರೀಕರಣಕ್ಕೆ ಚಿತ್ರತಂಡ ಪ್ಲಾನ್ ಮಾಡಿದೆ. ಫೋಟೋ: ಟ್ವಿಟರ್

'ಪುಷ್ಪ 2' ನಲ್ಲಿ ರೋಚಕ ಫೈಟ್ ಸೀನ್​ಗಳು ಇರಲಿದೆ. ಇಂಟರ್ವಲ್ ಬ್ಲಾಕ್ ಸೀಕ್ವೆನ್ಸ್​ನಲ್ಲಿ, ಅಲ್ಲು ಅರ್ಜುನ್ ತನ್ನ ಸ್ನೇಹಿತನನ್ನು ಉಳಿಸಲು ಸಿಂಹದೊಂದಿಗೆ ಹೋರಾಡಲಿದ್ದಾರಂತೆ. ಈ ಸಿಂಹದ ಕಾದಾಟದ ದೃಶ್ಯವನ್ನು ಸುಕುಮಾರ್ ಒಂದು ರೇಂಜ್ ನಲ್ಲಿ ಡಿಸೈನ್ ಮಾಡಿದ್ದಾರೆ. ಮತ್ತೊಂದು ಸೀನ್ ಚಿತ್ರೀಕರಣಕ್ಕಾಗಿ ಚಿತ್ರತಂಡ ಥಾಯ್ಲೆಂಡ್​ಗೆ ತೆರಳಲಿದೆಯಂತೆ. ಫೋಟೋ: ಟ್ವಿಟರ್

ಈ ಸಿನಿಮಾದ ಮೊದಲ ಭಾಗದಲ್ಲಿ ಅಲ್ಲು ಅರ್ಜುನ್ ರೆಡ್ ಸ್ಯಾಂಡಲ್​ವುಡ್ ಸ್ಮಗ್ಲರ್ ಆಗಿ ಮಾಸ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದು ಗೊತ್ತೇ ಇದೆ. ಆದರೆ ಅದೇ ಲುಕ್ ಅನ್ನು ಕೆಲವು ಬದಲಾವಣೆಗಳೊಂದಿಗೆ ಸೀಕ್ವೆಲ್​ನಲ್ಲಿ ಮುಂದುವರಿಸಲಾಗುತ್ತದೆ. ಈ ಚಿತ್ರಕ್ಕಾಗಿ ಅಲ್ಲು ಅರ್ಜುನ್ 125 ಕೋಟಿ ಸಂಭಾವನೆ ಪಡೆದಿದ್ದಾರಂತೆ. ಫೋಟೋ: ಟ್ವಿಟರ್

ಈ ಚಿತ್ರದಲ್ಲಿ ಸಾಯಿ ಪಲ್ಲವಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. 10 ನಿಮಿಷದ ಪಾತ್ರದಲ್ಲಿ ಮಿಂಚಲಿದ್ದಾರೆ. ಕಥೆಗೆ ತಿರುವು ನೀಡುವ ಪಾತ್ರದಲ್ಲಿ ಸಾಯಿ ಪಲ್ಲವಿ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೂ ದೇವ ಶ್ರೀ ಪ್ರಸಾದ್ ಸಂಗೀತ ನೀಡಿದ್ದಾರೆ. ಫೋಟೋ : ಟ್ವಿಟರ್