Bollywood: ಸೈಡ್ ಬ್ಯುಸಿನೆಸ್ ಮಾಡಿ ಕೋಟಿ ಕೋಟಿ ಗಳಿಸಿದ ಬಾಲಿವುಡ್ ಬ್ಯೂಟೀಸ್, ಟಾಪ್ ನಟಿಯರ ಸಕ್ಸಸ್ ಮಂತ್ರ ಏನು?

ಬಾಲಿವುಡ್​ನಲ್ಲಿ ತಮ್ಮದೇ ಆದ ಐಡೆಂಟಿಟಿ ಮೂಡಿಸಿರುವ ಅನೇಕ ನಟಿಯರು ಯಾವುದೇ ಚಿತ್ರ, ಜಾಹೀರಾತು ಮಾಡದಿದ್ದರೂ ಕೋಟಿಗಟ್ಟಲೆ ಸಂಪಾದಿಸಿ ಐಷಾರಾಮಿ ಜೀವನ ನಡೆಸುತ್ತಿದ್ದಾರೆ. ದೀಪಿಕಾ ಪಡುಕೋಣೆ, ಆಲಿಯಾ ಭಟ್​ನಿಂದ ಹಿಡಿದು ಪ್ರಿಯಾಂಕಾ ಚೋಪ್ರಾ, ಕತ್ರಿನಾ ಕೈಫ್, ಶಿಲ್ಪಾ ಶೆಟ್ಟಿ ಮತ್ತು ಅನುಷ್ಕಾ ಚಿತ್ರರಂಗದ ಜೊತೆಗೆ ವ್ಯಾಪಾರ ಲೋಕದಲ್ಲೂ ಸಕ್ಸಸ್ ಕಂಡಿದ್ದಾರೆ.

ಆಲಿಯಾ ಭಟ್ ಎಡ್-ಎ-ಮಮ್ಮಾ ಎಂಬ ಬಟ್ಟೆ ಬ್ರಾಂಡ್ ಕಂಪನಿಯ ಮಾಲೀಕರಾಗಿದ್ದಾರೆ. ಈ ಬ್ರಾಂಡ್ 2 ರಿಂದ 14 ವರ್ಷಗಳವರೆಗೆ ಮಕ್ಕಳಿಗೆ ಬಟ್ಟೆಗಳನ್ನು ತಯಾರಿಸುತ್ತಿದೆ. ವರದಿಗಳ ಪ್ರಕಾರ, ಆಲಿಯಾ ಅವರ ಒಟ್ಟು ನಿವ್ವಳ ಮೌಲ್ಯ 180 ಕೋಟಿ ರೂ. ನಟನೆಯ ಹೊರತಾಗಿ, ಅವಳು ತನ್ನ ಬ್ರಾಂಡ್​ಗಳಿಂದ ಭಾರೀ ಹಣ ಗಳಿಸುತ್ತಾರಂತೆ.

ಅನುಷ್ಕಾ ಶರ್ಮಾ ಬಹಳ ದಿನಗಳಿಂದ ಸಿನಿಮಾಗಳಿಂದ ದೂರವಿದ್ದರೂ ಗಳಿಕೆಯಲ್ಲಿ ಯಾರಿಗೂ ಕಡಿಮೆ ಇಲ್ಲ. ತಮ್ಮ ಪ್ರೊಡಕ್ಷನ್ ಹೌಸ್ ನಿಂದ ಹಲವು ಚಿತ್ರಗಳನ್ನು ಬಿಡುಗಡೆ ಮಾಡಿದ್ದಾರೆ. ಇದರೊಂದಿಗೆ, ಅವರು ಬಟ್ಟೆ ಬ್ರಾಂಡ್ ನುಶ್ನ ಮಾಲೀಕರೂ ಆಗಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ, ಅನುಷ್ಕಾ ಶರ್ಮಾ ಅವರ ಒಟ್ಟು ನಿವ್ವಳ ಮೌಲ್ಯ ಸುಮಾರು 265 ಕೋಟಿ ರೂ. ಸಿನಿಮಾಗಳ ಜೊತೆಗೆ ಅವರು ತಮ್ಮ ವ್ಯಾಪಾರದಿಂದ ಸಾಕಷ್ಟು ಗಳಿಸುತ್ತಿದ್ದಾರೆ.

ದೇಸಿಗರ್ಲ್ ಪ್ರಿಯಾಂಕಾ ಚೋಪ್ರಾ ಹಾಲಿವುಡ್​ನಲ್ಲೂ ಮಿಂಚುತ್ತಿದ್ದಾರೆ. ಜೊತೆಗೆ ಅವರು 'ಪರ್ಪಲ್ ಪೆಬಲ್ ಪಿಕ್ಚರ್ಸ್' ಎಂಬ ನಿರ್ಮಾಣ  ಕಂಪನಿಯನ್ನು ತೆರೆದಿದ್ದಾರೆ. ಈ ನಿರ್ಮಾಣ ಸಂಸ್ಥೆಯಿಂದ ಪ್ರಶಸ್ತಿ ವಿಜೇತ ಮರಾಠಿ ಸಿನಿಮಾ 'ವೆಂಟಿಲೇಟರ್' ಅನ್ನು ಸಹ ನಿರ್ಮಿಸಿದರು. ಪ್ರಿಯಾಂಕಾ ಹೇರ್​ ಕೇರ್​ ಬ್ರಾಂಡ್ 'ಅನೋಮಲಿ' ಮಾಲೀಕರೂ ಆಗಿದ್ದಾರೆ.

ದೀಪಿಕಾ ಪಡುಕೋಣೆ ಕೂಡ ತನ್ನದೇ ಆದ ಬಟ್ಟೆ ಬ್ರಾಂಡ್ ಹೊಂದಿದ್ದು 'ಆಲ್ ಅಬೌಟ್ ಯು' ಎಂದು ಹೆಸರಿಡಲಾಗಿದೆ. ಇತ್ತೀಚೆಗೆ ದೀಪಿಕಾ ತನ್ನ ಸ್ಕಿನ್ಕೇರ್ ಬ್ರ್ಯಾಂಡ್ 82E ಅನ್ನು ರಿಲೀಸ್ ಮಾಡಿದ್ದಾರೆ. ವರದಿಗಳ ಪ್ರಕಾರ, ದೀಪಿಕಾ ಪಡುಕೋಣೆ ಅವರ ನಿವ್ವಳ ಮೌಲ್ಯ ಸುಮಾರು 366 ಕೋಟಿ ರೂ.

ಸೋನಾಕ್ಷಿ ಸಿನ್ಹಾ ಪ್ರತಿಭಾವಂತ ನಟಿ ಮಾತ್ರವಲ್ಲದೆ ಯಶಸ್ವಿ ಉದ್ಯಮಿಯೂ ಆಗಿದ್ದಾರೆ. ಇತ್ತೀಚೆಗೆ ಅವರು ತಮ್ಮ ಪ್ರೆಸ್-ಆನ್ ನೇಲ್ ಬ್ರ್ಯಾಂಡ್ 'SOEZI' ಅನ್ನು ಪ್ರಾರಂಭಿಸಿದರು. ಮಾಧ್ಯಮ ವರದಿಗಳ ಪ್ರಕಾರ ಸೋನಾಕ್ಷಿ ಸಿನ್ಹಾ ಅವರ ಒಟ್ಟು ಆಸ್ತಿ 75 ಕೋಟಿ ರೂ ಇದೆ

ಕತ್ರಿನಾ ಕೈಫ್ ಸೌಂದರ್ಯ ಉತ್ಪನ್ನಗಳ ಬ್ರಾಂಡ್ ಕಂಪನಿಯ ಮಾಲೀಕರೂ ಆಗಿದ್ದಾರೆ. ಕೇ ಬ್ಯೂಟಿ ಹೆಸರಿನಲ್ಲಿ 2019ರಲ್ಲಿ ತಮ್ಮ ಬ್ರ್ಯಾಂಡ್ ಪ್ರಾರಂಭಿಸಿದರು. ವರದಿಗಳ ಪ್ರಕಾರ, ಅವರ ಒಟ್ಟು ನಿವ್ವಳ ಮೌಲ್ಯ ಸುಮಾರು 230 ಕೋಟಿ ಎಂದು ಹೇಳಲಾಗಿದೆ.

ಶಿಲ್ಪಾ ಶೆಟ್ಟಿ ಯಶಸ್ವಿ ಉದ್ಯಮಿಯೂ ಆಗಿದ್ದಾರೆ. ಯಾವಾಗಲೂ ತನ್ನನ್ನು ತಾನು ಫಿಟ್ ಆಗಿಟ್ಟುಕೊಳ್ಳುವ ಶಿಲ್ಪಾ, ತನ್ನದೇ ಆದ ಆರೋಗ್ಯಕರ ಆಹಾರದ ಯೂಟ್ಯೂಬ್ ಚಾನೆಲ್ನಿಂದ ಸಾಕಷ್ಟು ಹಣವನ್ನು ಗಳಿಸುತ್ತಾರೆ. ಇದರೊಂದಿಗೆ, ಅವರು ಮುಂಬೈನಲ್ಲಿ ಬಾಸ್ಟನ್ ಚೈನ್ ರೆಸ್ಟೋರೆಂಟ್ ಹೊಂದಿದ್ದಾರೆ. ಬಾಸ್ಟನ್ ಚೈನ್. ವರದಿಗಳ ಪ್ರಕಾರ ಶಿಲ್ಪಾ 130 ಕೋಟಿ ಒಡೆಯರಾಗಿದ್ದಾರೆ.