Alia Bhatt: ಸಡಕ್ 2 ಚಿತ್ರ ನೆಲ ಕಚ್ಚಿದರೂ ಆಲಿಯಾ ಭಟ್​ ಕೈಯಲ್ಲಿವೆ ಸಾಲು ಸಾಲು ಸಿನಿಮಾಗಳು

ಸಾಮಾಜಿ ಜಾಲತಾಣದಲ್ಲಿ ಸಕ್ರಿಯವಾಗಿರುವ ನಟಿ ಆಲಿಯಾ ಭಟ್​ ತಮ್ಮ ಲೆಟೆಸ್ಟ್​ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ನೆಟ್ಟಿಗೆರಿಗೆ ಟ್ರೀಟ್​ ಕೊಡುತ್ತಲೇ ಇರುತ್ತಾರೆ. ಈಗಲೂ ಸಹ ಆಲಿಯಾ ಭಟ್​ ಲೇಕ್​ ಸೈಡ್​ ತೆಗೆದ ಕೆಲವು ಸ್ಟಿಲ್ಸ್​ಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಶೇರ್​ ಮಾಡಿದ್ದಾರೆ.

ಪೀಚ್​ ಕಲರ್​ ಆಫ್​ ಶೋಲ್ಡರ್​ ಕ್ರಾಪ್​ ಟಾಪ್​ ತೊಟ್ಟು ಸೂರ್ಯನ ಬಿಸಿಲಿಗೆ ಮೈಯೊಡ್ಡಿ ನಿಂತಿದ್ದಾರೆ ಆಲಿಯಾ ಭಟ್​. ಈ ಸ್ಟಿಲ್​ಗಳು ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ನೆಟ್ಟಿಗರ ಮೆಚ್ಚುಗೆಗೆ ಪಾತ್ರವಾಗಿವೆ.

ಆಲಿಯಾ ಭಟ್​ ಕಡೆಯದಾಗಿ ನಟಿಸಿದ ಸಿನಿಮಾ ಸಡಕ್ 2. ಅಪ್ಪ ಮಹೇಶ್ ಭಟ್​ ನಿರ್ದೇಶನ ಈ ಸಿನಿಮಾದಲ್ಲಿ ಆದಿತ್ಯ ರಾಯ್​ ಕಪೂರ್ ಹಾಗೂ ಸಂಜಯ್​ ದತ್​ ನಟಿಸಿದ್ದಾರೆ.

ಕೊರೋನಾ ಕಾರಣದಿಂದಾಗಿ ಸಡಕ್ 2 ಒಟಿಟಿ ಮೂಲಕ ರಿಲೀಸ್ ಆಗಿತ್ತು. ರಿಲೀಸ್​ ಆಗುವ ಮುನ್ನ ಇದ್ದ ನಿರೀಕ್ಷೆ ಹಾಗೂ ಕುತೂಲವನ್ನು ಈ ಚಿತ್ರ ನಂತರ ಹಿಡಿದಿಟ್ಟುಕೊಳ್ಳಲಿಲ್ಲ. ಅಷ್ಟ ಮಟ್ಟಿಗೆ ಈ ಚಿತ್ರ ನೆಲಕಚ್ಚಿತ್ತು.

ಈ ಸಿನಿಮಾದ ಟ್ರೇಲರ್​ ಮೋಸ್ಟ್​ ಡಿಸ್​ ಲೈಕ್ಡ್​ ವಿಡಿಯೋ ಆಗಿ ಯುಟ್ಯೂಬ್​ನಲ್ಲಿ ದಾಖಲೆ ಮಾಡಿತ್ತು. ಈ ಚಿತ್ರಕ್ಕೆ ಐಎಂಬಿಡಿಯಲ್ಲಿ ತೀರಾ ಕಡಿಮೆ ರೇಟಿಂಗ್ ಸಿಕ್ಕಿತ್ತು.

ಈ ಸಿನಿಮಾ ಇಷ್ಟು ಫ್ಲಾಪ್​ ಆದರೂ ಸಹ ಆಲಿಯಾ ಅವರಿಗೆ ಸಾಲು ಸಾಲು ಸಿನಿಮಾಗಳಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ರಣಬೀರ್ ಕಪೂರ್ ಜತೆ ಬ್ರಹ್ಮಾಸ್ತ್ರ ಸಿನಿಮಾದಲ್ಲಿ ಆಲಿಯಾ ನಾಯಕಿಯಾಗಿದ್ದಾರೆ.

ಅಯಾನ್​ ಮುಖರ್ಜಿ ನಿರ್ದೇಶನದ ಬ್ರಹ್ಮಾಸ್ತ್ರ ಸಿನಿಮಾ ಒಂದು ಕಡೆಯಾದರೆ, ರಣವೀರ್ ಸಿಂಗ್​ ಜತೆ ಆಲಿಯಾ ಭಟ್​ ರಾಕಿ ಔರ್ ರಾಣಿ ಕಿ ಪ್ರೇಮ್​ ಕಹಾನಿ ಸಿನಿಮಾದಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಜತೆಗೆ ಸಂಜಯ್ ಲೀಲಾ ಬನ್ಸಾಲಿ ಅವರ ಗಂಗೂಬಾಯಿ ಕಾಠಿಯಾವಾಡಿ ಚಿತ್ರದಲ್ಲೂ ಆಲಿಯಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.