Alia Bhatt-Ranbir Kapoor: ಅಮ್ಮನ ಹಾಗೇ ಇದ್ದಾಳೆ ಆಲಿಯಾ ಭಟ್ ಮುದ್ದು ಮಗಳು! ರಾಹಾ ಜೊತೆ ಹೊರ ಬಂದ್ರು ಸ್ಟಾರ್ ಕಪಲ್ಸ್!

ಆಲಿಯಾ ಭಟ್, ರಣಬೀರ ಕಪೂರ್ ಮಗಳು ರಾಹಾ ಜೊತೆ ಮನೆಯಿಂದ ಹೊರಗೆ ಬಂದಿದ್ದು, ಪಾಪರಾಜಿಗಳ ಕಣ್ಣಿಗೆ ಬಿದ್ದಿದ್ದಾರೆ.

ನಟಿ ಅನುಷ್ಕಾರಂತೆ ಆಲಿಯಾ ಭಟ್ ಕೂಡ ಮಗಳ ಮುಖವನ್ನು ಕ್ಯಾಮೆರಾ ಕಣ್ಣಿಗೆ ಬೀಳದಂತೆ ನೋಡಿಕೊಂಡಿದ್ದಾರೆ. ಇಂದು ಮಗು ಜೊತೆ ನಟಿ ಹೊರ ಬರ್ತಿದ್ದಂತೆ ಪಾಪರಾಜಿಗಳು ಫೋಟೋ ಕ್ಲಿಕ್ ಮಾಡಿದ್ದಾರೆ.

ಆದ್ರೆ ನಟಿ ಆಲಿಯಾ ಭಟ್ ಪಾಪರಾಜಿಗಳಿಗೆ ಮಗಳ ಫೋಟೋ ತೆಗೆಯದಂತೆ ಹೇಳಿದ್ದಾರೆ. ಮಗಳು ಸ್ವಲ್ಪ ದೊಡ್ಡವಳಾಗುವವರೆಗೂ ಮಗಳ ಫೋಟೋ ತೆಗೆಯಬೇಡಿ ಎಂದು ಆಲಿಯಾ ಹೇಳಿದ್ದಾರೆ.

ಹೀಗಾಗಿ ಪಾಪರಾಜಿಗಳು ಆಲಿಯಾ ಮನವಿಯಂತೆ ಆಕೆಯ ಮಗಳ ಫೋಟೋಗೆ ಇಮೋಜಿ ಹಾಕಿ ಫೋಟೋಗಳನ್ನು ವೈರಲ್ ಮಾಡಿದ್ದಾರೆ.

ಇ-ಟೈಮ್ಸ್ ವರದಿ ಪ್ರಕಾರ ಈ ಬಾಲಿವುಡ್ ಜೋಡಿಯ ಮುದ್ದಾದ ಮಗಳು ಸೇಮ್ ಅಮ್ಮ ರೀತಿ ಇದ್ದಾಳಂತೆ, ಆಲಿಯಾ ಭಟ್ ಮುಖದ ಹೋಲಿಕೆಯನ್ನೇ ನಟಿ ಹೊಂದಿದ್ದಾಳಂತೆ.

ಆಲಿಯಾ ಭಟ್ ಹಾಗೂ ರಣಬೀರ್ ಕಪೂರ್ ತನ್ನ ಮಗುವಿಗೆ ರಾಹಾ ಎಂದು ಹೆಸರಿಟ್ಟಿದ್ದಾರೆ. ಆಲಿಯಾ ಸಿನಿಮಾ ಕೆಲಸಕ್ಕೆ ಬ್ರೇಕ್ ಕೊಟ್ಟಿದ್ದು, ತಾಯ್ತನದ ಪ್ರತಿ ಕ್ಷಣವನ್ನು ಅನುಭವಿಸುತ್ತಿದ್ದಾರೆ. ಇತ್ತೀಚೆಗೆ ಆಲಿಯಾ ತನ್ನ ಮಗಳಿಗೆ ಹಾಲುಣಿಸುವ ಚಿತ್ರವೊಂದು ವೈರಲ್ ಆಗಿತ್ತು. ಕೆಂಪು ಸೀರೆಯುಟ್ಟು ಮಗುವಿಗೆ ಹಾಲುಣಿಸೋ ವೇಳೆ ನಟಿ ನಗುತ್ತಿದ್ದ ಫೋಟೋದಲ್ಲಿ ಆಕೆಯ ತಾಯ್ತನದ ಆನಂದ ಎದ್ದು ಕಾಣುತ್ತಿತ್ತು.

ತಾಯ್ತನವು ಮಹಿಳೆಯನ್ನು ದೈಹಿಕವಾಗಿ ಮಾತ್ರವಲ್ಲದೆ ಭಾವನಾತ್ಮಕವಾಗಿಯೂ ಹೇಗೆಲ್ಲಾ ಬದಲಾಯಿಸುತ್ತದೆ ಎಂಬ ಬಗ್ಗೆ ನಟಿ ಮಾತಾಡಿದ್ದಾರೆ. ಪೋಸ್ಟ್ನಲ್ಲಿ ತಾಯ್ತನ ತನ್ನನ್ನು ಹೇಗೆಲ್ಲಾ ಬದಲಾಯಿಸಿತು. ಇದು ನನ್ನ ದೇಹ, ನನ್ನ ಕೂದಲು, ನನ್ನ ಸ್ತನ, ನನ್ನ ಚರ್ಮ, ನನ್ನ ಆದ್ಯತೆಗಳು ಮತ್ತು ನನ್ನ ಭಯವನ್ನು ಬದಲಾಯಿಸಿತು. ಜೊತೆಗೆ ನನ್ನ ಹೃದಯವನ್ನು ಸಹ ಬಹಳ ವಿಸ್ತಾರಗೊಳಿಸಿದೆ ಎಂದು ನಟಿ ಬರೆದುಕೊಂಡಿದ್ದಾರೆ.

2022 ಏಪ್ರಿಲ್ 14ರಂದು ಆಲಿಯಾ ಭಟ್, ರಣಬೀರ್ ಕಪೂರ್ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಮದುವೆ ಮಧುರ ಕ್ಷಣಗಳ ಫೋಟೋಗಳನ್ನು ಆಲಿಯಾ ಭಟ್ ಹಂಚಿಕೊಂಡಿದ್ದರು