Alia Bhatt: ಮಗುವಿನ ಫೋಟೋ ಪೋಸ್ಟ್ ಮಾಡಿದ ಆಲಿಯಾ ಭಟ್

ಬಾಲಿವುಡ್ ನಟಿ ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಕಳೆದ ವರ್ಷ ನವೆಂಬರ್ 6 ರಂದು ಹೆಣ್ಣು ಮಗುವನ್ನು ಸ್ವಾಗತಿಸಿದರು. ಆಗಿನಿಂದ ರಾಹಾ ಮುಖ ನೋಡಲು ಕಾಯುತ್ತಿದ್ದಾರೆ ನೆಟ್ಟಿಗರು.

ಮಗಳಿಗೆ ರಾಹಾ ಕಪೂರ್ ಎಂದು ನಾಮಕರಣ ಮಾಡಿದ್ದಾರೆ. ಆದರೂ ದಂಪತಿಗಳು ಇನ್ನೂ ತಮ್ಮ ಪುಟ್ಟ ರಾಜಕುಮಾರಿಯ ಮುಖವನ್ನು ಹೊರ ಜಗತ್ತಿಗೆ ತೋರಿಸಿಲ್ಲ.

ಈಗ ಸ್ವಂತ ಬೇಬಿವೇರ್ ಬ್ರಾಂಡ್‌ನ ಪ್ರಚಾರದ ಭಾಗವಾಗಿ, 'ಡಾರ್ಲಿಂಗ್ಸ್' ನಟಿ ತನ್ನ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ಪುಟ್ಟ ಮಗುವಿನ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ಇದು ಅವರ ಮಗಳು ರಾಹಾ ಎಂದು ಅಭಿಮಾನಿಗಳು ಊಹಿಸಿದ್ದು ಖುಷಿ ಪಟ್ಟಿದ್ದಾರೆ. ಆದರೆ ಇದು ರಾಹಾ ಫೋಟೋ ಅಲ್ಲ ಎಂದು ಗೊತ್ತಾಗಿದೆ.

ಈ ಹಿಂದೆ ಸುದ್ದಿಗೋಷ್ಠಿ ಮಾಡಿದ ನಟಿ ಹಾಗೂ ರಣಬೀರ್ ಕಪೂರ್ ಅವರು ಮಗಳ ಫೋಟೋವನ್ನು ತೋರಿಸಿದ್ದರು. ಆದರೆ ಆಗ ಕಡ್ಡಾಯವಾಗಿ ಫೋಟೋ ಕ್ಲಿಕ್ಕಿಸದಂತೆ ಸೂಚನೆ ನೀಡಿದ್ದರು.

ಹೀಗಿದ್ದರೂ ಈಗ ಫೋಟೋ ಪೋಸ್ಟ್ ಮಾಡಿರುವುದು ಎಲ್ಲರ ಅಚ್ಚರಿಗೆ ಕಾರಣವಾಗಿದೆ. ಆದರೆ ಇದು ಬ್ರ್ಯಾಂಡ್ ಪ್ರಮೋಷನ್ ಫೋಟೋ ಎನ್ನುವುದು ರಿವೀಲ್ ಆಗಿದೆ.

ನಟಿ ಇತ್ತೀಚೆಗೆ ಕಿಯಾರಾ ಹಾಗೂ ಸಿದ್ಧಾರ್ಥ್ ಮದುವೆ ರಿಸೆಪ್ಶನ್​ಗೆ ಬಂದಿದ್ದರು. ಅಷ್ಟಾಗಿ ನಟಿ ಹೊರಗಡೆ ಕಾಣಿಸಿಕೊಳ್ಳುತ್ತಿಲ್ಲ.