Alia Bhatt: ಹೊಸ ಮನೆ ಖರೀದಿಸಿದ ಆಲಿಯಾ! ಅಕ್ಕನಿಗೂ ಅಪಾರ್ಟ್​ಮೆಂಟ್ ಗಿಫ್ಟ್

ಬಾಲಿವುಡ್​ನ ನಟಿ ಆಲಿಯಾ ಭಟ್ ಅವರು ಹೊಸ ಮನೆಯನ್ನು ಖರೀದಿಸಿದ್ದಾರೆ. ಇತ್ತೀಚೆಗಷ್ಟೆ ಫಸ್ಟ್ ವೆಡ್ಡಿಂಗ್ ಆ್ಯನಿವರ್ಸರಿ ಆಚರಿಸಿದ ನಟಿ ಹೊಸ ಪ್ರಾಪರ್ಟಿ ಖರೀಸಿದ್ದಾರೆ. ನಟಿಯ ನಿರ್ಮಾಣ ಸಂಸ್ಥೆಯಾಗಿರುವ ಎಟರ್ನಲ್ ಸನ್​ಶೈನ್ ಪ್ರೈವೇಟ್ ಲಿಮಿಟೆಡ್ ಪಶ್ಚಿಮ ಬಾಂದ್ರಾದಲ್ಲಿ ಹೊಸ ಮನೆಯನ್ನು ಖರೀದಿಸಿದೆ.

ಪಾಲಿ ಹಿಲ್​ನಲ್ಲಿ 37.80 ಕೋಟಿ ಬೆಲೆಯ ಮನೆಯನ್ನು ಖರೀಸಿದ್ದಾರೆ ನಟಿ. ಇನ್ನೆರಡು ಮನೆಯನ್ನು ಖರೀದಿಸಿ ತಂಗಿಗೆ ಗಿಫ್ಟ್ ಮಾಡಿದ್ದಾರೆ ಎನ್ನಲಾಗಿದೆ. ಇಂಡೆಕ್ಸ್​.ಕಾಮ್ ಪ್ರಕಾರ ಅಪಾರ್ಟ್​ಮೆಂಟ್ 2497 ಸ್ಕ್ವೇರ್ ಫೀಟ್ ಇದೆ. ಈ ಪ್ರಾಪರ್ಟಿಯ ಸ್ಟಾಂಪ್ ಡ್ಯೂಟಿ ಸುಮಾರು 2.26 ಕೋಟಿ ಪಾವತಿಸಲಾಗಿದೆ ಎನ್ನಲಾಗಿದೆ.

ಆಲಿಯಾ ಭಟ್ ಅವರು ಎರಡು ಮನೆಗಳನ್ನು ತಂಗಿ ಶಹೀನ್ ಭಟ್​ಗೆ ಪ್ರೈಜ್ ಸರ್ಟಿಫಿಕೇಟ್ ಮೂಲಕ ನೀಡಿದ್ದಾರೆ ಎನ್ನಲಾಗಿದೆ. ಅಂದರೆ ಇದು ಉಡುಗೊರೆ ಮಾದರಿಯಲ್ಲಿ ನೀಡಲಾಗಿದೆ.

ಈ ಅಪಾರ್ಟ್​ಮೆಂಟ್ 7.68 ಕೋಟಿ ಬೆಲೆಬಾಳುತ್ತದೆ. ಇದು ಮುಂಬೈನ ಎಬಿ ನಾಯರ್ ಜುಹು ರೋಡ್​ನಲ್ಲಿ ಗಿಗಿ ಅಪಾರ್ಟ್​ಮೆಂಟ್ಸ್​ನಲ್ಲಿದೆ. ಇದರಲ್ಲಿ ಮೊದಲ ಮನೆ 1194 ಸ್ಕ್ವೇರ್ ಫೀಟ್ ಇದೆ ಎನ್ನಲಾಗಿದ್ದು ಎರಡನೇ ಮನೆ 889.75 ಸ್ಕ್ವೇರ್​ಫಿಟ್ ಇದೆ ಎನ್ನಲಾಗಿದೆ.

ಇದಕ್ಕೆ 30.75 ಲಕ್ಷದ ಸ್ಟ್ಯಾಂಪ್ ಡ್ಯೂಟಿ ನೀಡಲಾಗಿದೆ. ಇದರಲ್ಲಿ ಒಂದು ಕಾರ್ ಪಾರ್ಕಿಂಗ್ ಕೂಡಾ ಇದೆ. ಅಂತೂ ಆಲಿಯಾ ಭಟ್ ತಮಗೆ ಮನೆ ಖರೀದಿಸುವ ಜೊತೆಗೆ ತಂಗಿಗೂ ಮನೆ ಕೊಡಿಸಿದ್ದಾರೆ.

ಆಲಿಯಾ ಭಟ್ ಹಾಗೂ ರಣಬೀರ್ ಕಪೂರ್ ಅವರು ರಣಬೀರ್ ಅವರ ವಾಸ್ತು ಮನೆಯಲ್ಲಿ ವಾಸಿಸುತ್ತಿದ್ದಾರೆ. ಅವರ ಮದುವೆಗೂ ಮುನ್ನವಷ್ಟೇ ಆ ಮನೆಯನ್ನು ಮಾಡಿಫಿಕೇಷನ್ ಮಾಡಲಾಗಿತ್ತು.

ಸದ್ಯ ಆಲಿಯಾ ಭಟ್ ಅವರು ಮಗಳು ರಾಹಾಳ ಆರೈಕೆಯಲ್ಲಿ ಬ್ಯುಸಿಯಾಗಿದ್ದಾರೆ. ಮಗಳೊಂದಿಗೆ ಸಮಯ ಕಳೆಯುತ್ತಿದ್ದಾರೆ.