Alia Bhatt Birthday: ಆಲಿಯಾ ಭಟ್ ಸಿಕ್ಕಾಪಟ್ಟೆ ಫುಡ್ಡಿ! 6 ವರ್ಷವಿದ್ದಾಗಲೇ ಬಾಲಿವುಡ್​ಗೆ ಎಂಟ್ರಿ ಕೊಟ್ಟ 'ಆಲೂ'

ಆಲಿಯಾ ಭಟ್ 15 ಮಾರ್ಚ್ 1993 ರಂದು ಜನಿಸಿದರು. ಬ್ರಿಟಿಷ್ ಪೌರತ್ವವನ್ನು ಪಡೆದಿದ್ದಾರೆ. ಅವರ ತಂದೆ ಮಹೇಶ್ ಭಟ್ ಮತ್ತು ತಾಯಿ ಸೋನಿ ರಜ್ದಾನ್ ಮುದ್ದಿನ ಮಗಳು ಆಲಿಯಾ ಇದೀಗ ಬಾಲಿವುಡ್​ನಲ್ಲಿ ಮಿಂಚುತ್ತಿದ್ದಾರೆ. ಆಲಿಯಾ 2022 ರಲ್ಲಿ ರಣಬೀರ್ ಕಪೂರ್ ಅವರನ್ನು ವಿವಾಹವಾದರು ಇದೀಗ ಆಲಿಯಾಗೆ 'ರಾಹಾ' ಎಂಬ ಮಗಳಿದ್ದಾಳೆ.

ಕರಣ್ ಜೋಹರ್ ಅವರ 'ಸ್ಟೂಡೆಂಟ್ ಆಫ್ ದಿ ಇಯರ್' ಚಿತ್ರದ ಮೂಲಕ ಆಲಿಯಾ ಭಟ್ ತಮ್ಮ ಸಿನಿ ಜರ್ನಿ ಪ್ರಾರಂಭಿಸಿದರು. ಆದರೆ ಆಲಿಯಾ ಬಾಲ್ಯದಿಂದಲೇ ನಟನೆಯ ಜಗತ್ತಿಗೆ ಕಾಲಿಟ್ಟಿದ್ದರು. ಆಕೆ 6 ವರ್ಷದವಳಿದ್ದಾಗ 'ಸಂಘರ್ಷ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ರು.

ಆಲಿಯಾ ಭಟ್ 1999 ರ 'ಸಂಘರ್ಷ್' ಚಿತ್ರದಲ್ಲಿ ಪ್ರೀತಿ ಜಿಂಟಾ ಮತ್ತು ಅಕ್ಷಯ್ ಕುಮಾರ್ ಜೊತೆ ಕಾಣಿಸಿಕೊಂಡರು. 400 ಯುವತಿಯರ ಪೈಕಿ ಆಲಿಯಾ ಭಟ್ ಸೂಡೆಂಟ್ ಆಫ್ ದಿ ಇಯರ್ ಸಿನಿಮಾಗೆ ಆಯ್ಕೆಯಾಗಿದ್ದರು.

ಆಲಿಯಾ ಭಟ್ ತನ್ನ ತಂದೆ ಮಹೇಶ್ ಭಟ್ ಅವರ ಪ್ರೀತಿಯ ಮಗಳಾಗಿದ್ದಾರೆ. ತಂದೆ ಜೊತೆ ಹೆಚ್ಚಾಗಿ ಸಿನಿಮಾ ಸೆಟ್ಗೆ ಹೋಗುತ್ತಿದ್ದರು. ಆಲಿಯಾಗೆ ಬಾಲ್ಯದಲ್ಲಿ ಆಲೂಗಡ್ಡೆ ಎಂದರೆ ತುಂಬಾ ಇಷ್ಟವಿತ್ತು. ಹಾಗಾಗಿಯೇ ಎಲ್ಲರೂ ಅವಳನ್ನು ‘ಆಲೂ’ ಎಂದು ಕರೆಯುತ್ತಿದ್ದರು. ಮಹೇಶ್ ಅವರನ್ನು ಪ್ರೀತಿಯಿಂದ ‘ಆಲೂ ಕಾಲು’, ‘ಆಲೂ ಭಾಲು’, ‘ಬಟಾಟ ವಾಡ’ ಎಂಬ ಹೆಸರುಗಳಿಂದ ಕರೆಯುತ್ತಾರೆ.

ಇಮ್ತಿಯಾಜ್ ಅಲಿ ನಿರ್ದೇಶನದ ‘ಹೈವೇ’ ಸಿನಿಮಾ ಆಲಿಯಾ ಭಟ್ ಗೆ ವಿಶೇಷವಾಗಿದೆ. ಈ ಚಿತ್ರದ ಮೂಲಕ ಮತ್ತಷ್ಟು ಜನಪ್ರಿಯತೆ ಪಡೆದ್ರು. 2014ರಲ್ಲಿ ತೆರೆಕಂಡ ಈ ಸಿನಿಮಾದ ವೇಳೆ ಆಕೆ ರಣಬೀರ್ ಕಪೂರ್ ಅವರನ್ನು ಭೇಟಿಯಾದರು. ಇದರೊಂದಿಗೆ ಈ ಚಿತ್ರದ ಮೂಲಕ ಗಾಯನ ಲೋಕಕ್ಕೂ ಕಾಲಿಟ್ಟರು.

ಅಲಿಯಾ ಸಿಕ್ಕಾಪಟ್ಟೆ ಫುಡ್ಡಿ ಆಗಿದ್ದಾರೆ. ವಿವಿಧ ಬಗೆಯ ಫುಡ್ ತಿನ್ನಲು ಆಲಿಯಾ ತುಂಬಾ ಇಷ್ಟಪಡುತ್ತಾರೆ. ಆಲಿಯಾಗೆ ಬರ್ಗರ್, ಪಿಜ್ಜಾ ಇಷ್ಟ. ಅಷ್ಟೇ ಅಲ್ಲದೇ ಅವರು ಚಾಕೊಲೇಟ್ಗಳನ್ನು ತಿನ್ನಲು ಹೆಚ್ಚು ಇಷ್ಟಪಡುತ್ತಾರೆ.

ವೋಗ್ಗೆ ನೀಡಿದ ಸಂದರ್ಶನವೊಂದರಲ್ಲಿ ಆಲಿಯಾ ಭಟ್ ಅವರು ಪುರುಷರ ಸುಗಂಧ ದ್ರವ್ಯಗಳನ್ನು ಇಷ್ಟಪಡುತ್ತಾರಂತೆ. ಅರ್ಜುನ್ ಕಪೂರ್ ಅವರ ಪರ್ಫ್ಯೂಮ್ ಆಯ್ಕೆ ಚೆನ್ನಾಗಿದೆ ಎಂದು ಹೇಳಿದ್ದರು. ಈ ಹೇಳಿಕೆ ಅನೇಕರಲ್ಲಿ ಅಶ್ಚರ್ಯ ಉಂಟು ಮಾಡಿತ್ತು.

ಆಲಿಯಾ ತನ್ನ ಪಾತ್ರಗಳಿಗಾಗಿ ಬಹಳಷ್ಟು ತಯಾರಿ ಮಾಡಿಕೊಳ್ಳುತ್ತಾರೆ. ಆಲಿಯಾ ಕಥಕ್ ಕೂಡ ಕಲಿತಿದ್ದಾರೆ. ಕರಣ್ ಜೋಹರ್ ಅವರ 2019ರ ಚಿತ್ರ 'ಕಳಂಕ್' ಗಾಗಿ ಉತ್ತಮ ನೃತ್ಯ ಪ್ರದರ್ಶನ ನೀಡಲು 1 ವರ್ಷ ಕಥಕ್ ಕಲಿತಿದ್ದರು. ಅದೇ ಸಮಯದಲ್ಲಿ, ಅವರು ರಾಜಿ ಸಿನಿಮಾಗಾಗಿ ಶಸ್ತ್ರಾಸ್ತ್ರ ತರಬೇತಿಯನ್ನು ಪಡೆದರು. (ಎಲ್ಲಾ ಚಿತ್ರಗಳು: instagram/aliaabhatt)