Akshay Kumar: ತಮ್ಮ ಮಕ್ಕಳಿಗೆ ಈ ಸಿನಿಮಾ ತೋರಿಸಲ್ವಂತೆ ಅಕ್ಷಯ್ ಕುಮಾರ್, ಇದೇನಪ್ಪಾ ಹಿಂಗಂದ್ರು?

1991 ತೆರೆಕಂಡ ಸೌಗಂಧ್​ ಸಿನಿಮಾದಿಂದ ಬಾಲಿವುಡ್​ ಎಂಟ್ರಿ ಪಡೆದ ಅಕ್ಷಯ್ ಕುಮಾರ್, ಇಂದು ಅತ್ಯಂತ ಬ್ಯುಸಿ ಇರುವ ನಟ. ಸಾಲು ಸಾಲು ಸಿನಿಮಾಗಳಲ್ಲಿ ಮಾಡಿ, ಯಶಸ್ಸುಗಳಿಸಿರುವ ನಟ ಎನ್ನಬಹುದು.

ಮೊದಲ ಸಿನಿಮಾ ಸುದ್ದಿ ಮಾಡಲಿಲ್ಲ, ನಂತರ ರಿಲೀಸ್ ಆಗ ಕಿಲಾಡಿ ಸೂಪರ್ ಹಿಟ್​ ಆಯಿತು. ನಂತರ ಅಕ್ಷಯ್ ಕುಮಾರ್ ಮತ್ತೆ ಹಿಂದೆ ತಿರುಗಿ ನೋಡಲೇ ಇಲ್ಲ. ಎಲ್ಲಾ ಸಿನಿಮಾಗಳು ಸೂಪರ್ ಹಿಟ್​.

ಈ ವರ್ಷ 2022ರಲ್ಲಿ ಅಕ್ಷಯ್​ ಕುಮಾರ ಅವರ 7 ಸಿನಿಮಾಗಳು ತೆರೆಗೆ ಬರಲಿವೆ ಎಂಬ ಸುದ್ದಿ ಇದೆ. ಈಗಾಗಲೇ ಅವರ ನಟನೆಯ ಪೃಥ್ವಿರಾಜ್​ ಬಂದಿದೆ, ಅದಕ್ಕೂ ಮುನ್ನ ಬಚ್ಚನ್ ಪಾಂಡೆ. ಆದರೆ ಈ ಸಿನಿಮಾಗಳು ನಿರೀಕ್ಷೆ ತಲುಪಲಿಲ್ಲ. ಕನರ ಮನ ಗೆಲ್ಲುವಲ್ಲಿ ಫೇಲ್​ ಆಗಿವೆ.

ಮೂಲಗಳ ಪ್ರಕಾರ ಅವರ ಅಭಿನಯದ ರಕ್ಷಾ ಬಂಧನ್, ಓ ಮೈ ಗಾಡ್​ 2, ರಾಮ್​ ಸೇತು ಶೂಟಿಂಗ್ ಮುಕ್ತಾಯದ ಹಂತದಲ್ಲಿದ್ದು, ಬಿಡುಗಡೆಗೆ ಸಿದ್ದವಾಗಿದೆ.

ವರ್ಷದಲ್ಲಿ ಹಲವಾರು ಸಿನಿಮಾಗಳ ಮಾಡುವ ಈ ನಟ ಒಬ್ಬ ಅದ್ಭುತ ತಂದೆ ಕೂಡ ಹೌದು. ಇವರಿಗೆ ಇಬ್ಬರು ಮಕ್ಕಳಿದ್ದಾರೆ. ಆರವ್ ಮತ್ತು ನಿತಾರಾ ಎನ್ನುವ ಮಕ್ಕಳಿದ್ದಾರೆ. ಮಕ್ಕಳ ವಿಚಾರದಲ್ಲಿ ಅಕ್ಷಯ್​ ಬಹಳ ಎಚ್ಚರ ವಹಿಸುತ್ತಾರೆ.

ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಅಕ್ಷಯ್ ತಾನೂ ತನ್ನ ಅಭಿನಯದ ಗರಂ ಮಸಾಲಾ ಸಿನಿಮಾವನ್ನು ಮಕ್ಕಳಿಗೆ ತೋರಿಸುವುದಿಲ್ಲ ಎಂದಿದ್ದಾರೆ. ಇದಕ್ಕೆ ಅಭಿಮಾನಿಗಳು ಸಹ ಯಾಕೆ ಎಂದು ಪ್ರಶ್ನಿಸಿದ್ದಾರೆ. ಆದರೆ ಅಕ್ಷಯ್ ಈ ಬಗ್ಗೆ ಉತ್ತರಿಸಿಲ್ಲ.

2005ರಲ್ಲಿ ಬಿಡುಗಡೆಯಾದ ಗರಂ ಮಸಾಲಾ ಸಿನಿಮಾ ಸೂಪರ್ ಡೂಪ್ ಹಿಟ್​ ಆಗಿತ್ತು. ಜಾನ್​ ಅಬ್ರಾಹಂ, ರಿಮಿ ಸೇನ್, ನೇಹಾ ಧೂಫಿಯಾ ಸೇರಿದಂತೆ ಹಲವಾರು ಕಲಾವಿದರ ಬಳಗ ಇದರಲ್ಲಿತ್ತು.

ಕಲೆಕ್ಷನ್​ ವಿಚಾರದಲ್ಲೂ ಅದ್ಭುತ ಪ್ರತಿಕ್ರಿಯೆ ಪಡೆದಿದ್ದ ಸಿನಿಮಾವನ್ನು ಅಕ್ಷಯ್ ಯಾಕೆ ತನ್ನ ಮಕ್ಕಳಿಗೆ ತೋರಿಸಲ್ಲ ಎಂಬುದು ಈಗ ಪ್ರಶ್ನೆಯಾಗಿ ಉಳಿದಿದೆ.