Bollywood Stars: ಸಲ್ಮಾನ್​ ಖಾನ್​ಗೂ ಎಂಗೇಜ್ಮೆಂಟ್ ಆಗಿತ್ತು! ಈ ನಟರ ನಿಶ್ಚಿತಾರ್ಥದ ಆದ್ರೂ ಮದ್ವೆ ಆಗಲಿಲ್ಲ

ಬಾಲಿವುಡ್ ಸ್ಟಾರ್​ಗಳು ತಮ್ಮ ವೃತ್ತಿಪರ ಜೀವನ ಮತ್ತು ವೈಯಕ್ತಿಕ ಜೀವನದಿಂದಾಗಿ ಸುದ್ದಿಯಲ್ಲಿದ್ದಾರೆ. ಅಭಿಮಾನಿಗಳು ಅವರ ಬಗ್ಗೆ ಎಲ್ಲವನ್ನೂ ತಿಳಿದುಕೊಳ್ಳಲು ಬಯಸುತ್ತಾರೆ. ಅವರು ಯಾರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ, ಯಾರೊಂದಿಗೆ ಬ್ರೇಕಪ್ ಆಯ್ತು, ಅವರು ಮದುವೆಯಾಗುತ್ತಾರೋ ಇಲ್ಲವೋ ಎಂದು ಅಭಿಮಾನಿಗಳು ತಿಳಿದುಕೊಳ್ಳಲು ಬಯಸುತ್ತಾರೆ. ಬಹಳಷ್ಟು ಸ್ಟಾರ್​ಗಳ ಮದುವೆ ನಿಶ್ಚಿತಾರ್ಥ ಆದ ಮೇಲೆ ಮರಿದುಬಿತ್ತು.

ಅಭಿಷೇಕ್ ಬಚ್ಚನ್ ಮತ್ತು ಕರಿಷ್ಮಾ ಕಪೂರ್ ಇಬ್ಬರೂ ಬಾಲಿವುಡ್‌ನ ದೊಡ್ಡ ಕುಟುಂಬಗಳಿಗೆ ಸೇರಿದವರು. ಎರಡೂ ಕುಟುಂಬಗಳ ಒಪ್ಪಿಗೆ ಮೇರೆಗೆ ಕರಿಷ್ಮಾ ಅಭಿಷೇಕ್ ಬಚ್ಚನ್ ಜೊತೆ ವಿವಾಹವಾಗಲಿದ್ದರು. 2002 ರಲ್ಲಿ ಇಬ್ಬರೂ ನಿಶ್ಚಿತಾರ್ಥ ಮಾಡಿಕೊಂಡರು. ಆದರೆ ನಂತರ ಏನೋ ಸಂಭವಿಸಿತು, ನಂತರ ನಿಶ್ಚಿತಾರ್ಥವನ್ನು ಕ್ಯಾನ್ಸಲ್ ಮಾಡಲಾಯಿತು.

ಬಾಲಿವುಡ್‌ನ ಭಾಯಿಜಾನ್ ಇಲ್ಲಿಯವರೆಗೆ ಮದುವೆಯಾಗಿಲ್ಲ. ಆದರೆ ಅವರು ಮದುವೆಯಾಗಲು ಸಿದ್ಧರಾಗಿರುವ ಸಮಯವಿತ್ತು. ಮದುವೆ ಕಾರ್ಡ್‌ಗಳನ್ನು ಕೂಡಾ ಪ್ರಿಂಟ್ ಮಾಡಲಾಗಿತ್ತು. ಸಲ್ಮಾನ್ ಖಾನ್ ತನ್ನ ಮಾಜಿ ಗೆಳತಿ ಸಂಗೀತಾ ಬಿಜಲಾನಿ ಅವರನ್ನು ಮದುವೆಯಾಗಲು ಹೊರಟಿದ್ದರು. ಆದರೆ ಈ ಮದುವೆ ಆಗಲಿಲ್ಲ. ಕರಣ್ ಅವರ ಕಾರ್ಯಕ್ರಮದಲ್ಲಿ ಸ್ವತಃ ಸಲ್ಮಾನ್ ಖಾನ್ ಈ ಬಗ್ಗೆ ಪ್ರಸ್ತಾಪಿಸಿದ್ದರು. ನಮ್ಮಿಬ್ಬರ ಮದುವೆ ಕಾರ್ಡ್ ಕೂಡ ಪ್ರಿಂಟ್ ಆಗಿದ್ದು, ಕೊನೆ ಕ್ಷಣದಲ್ಲಿ ಮದುವೆ ಮುರಿದು ಬಿದ್ದಿದೆ ಎಂದು ಹೇಳಿದ್ದರು.

ಸಾಜಿದ್ ಖಾನ್ ಒಮ್ಮೆ ನಟಿ ಗೌಹರ್ ಖಾನ್ ಜೊತೆ ಡೇಟಿಂಗ್ ಮಾಡಿದ್ದರು. ಇಬ್ಬರೂ ಮದುವೆಗೆ ಸಿದ್ಧರಾಗಿದ್ದು, ನಿಶ್ಚಿತಾರ್ಥವನ್ನೂ ಮಾಡಿಕೊಂಡಿದ್ದರು. ಹಳೆಯ ಸಂದರ್ಶನವೊಂದರಲ್ಲಿ, ಸಾಜಿದ್ ಅವರು ಗೌಹರ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡರು. ಇಬ್ಬರೂ ಒಂದು ವರ್ಷ ಒಟ್ಟಿಗೆ ಇದ್ದರು ಎಂದು ಹೇಳಿದ್ದರು. ಆದರೆ ನಂತರ ಅವರ ಸಂಬಂಧವು ಮುರಿದುಬಿತ್ತು.

ವಿವೇಕ್ ಒಬೆರಾಯ್ ಅವರ ಲವ್​ಸ್ಟೋರಿ ಕೂಡ ಬಿಟೌನ್‌ನಲ್ಲಿ ದೊಡ್ಡಮಟ್ಟದಲ್ಲಿ ಸುದ್ದಿಯಾಗಿದೆ. ಮಾಧ್ಯಮ ವರದಿಗಳ ಪ್ರಕಾರ, ಅವರು ಗುರುಪ್ರೀತ್ ಗಿಲ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಆದರೆ ನಂತರ ಇಬ್ಬರ ನಡುವಿನ ಬಿರುಕು ಸಂಬಂಧವನ್ನು ಮುರಿದುಹೋಯಿತು. ನಿಶ್ಚಿತಾರ್ಥದ ಬ್ರೇಕ್ ನಂತರ, ಇಬ್ಬರೂ ಸಾಕಷ್ಟು ಸುದ್ದಿಯಲ್ಲಿದ್ದರು.

ಅಕ್ಷಯ್ ಕುಮಾರ್ ಮತ್ತು ರವೀನಾ ಟಂಡನ್ 'ಮೈನ್ ಕಿಲಾಡಿ ತೂ ಅನಾರಿ', 'ಮೊಹ್ರಾ' ಮತ್ತು 'ಖಿಲಾಡಿಯೋಂ ಕಾ ಕಿಲಾಡಿ' ಚಿತ್ರಗಳ ಚಿತ್ರೀಕರಣದ ಸಮಯದಲ್ಲಿ ಪರಸ್ಪರ ಹತ್ತಿರವಾಗಿದ್ದರು. ಇಬ್ಬರೂ ರಹಸ್ಯವಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಸ್ವಲ್ಪ ಸಮಯದ ನಂತರ ಇಬ್ಬರೂ ಬ್ರೇಕಪ್ ಆದರು. ಮಾಧ್ಯಮಗಳ ವರದಿಗಳ ಪ್ರಕಾರ, ಅಕ್ಷಯ್ ಮತ್ತು ರವೀನಾ ಬ್ರೇಕಪ್‌ಗೆ ನಟನೇ ಕಾರಣ ಎಂದು ಹೇಳಲಾಗುತ್ತದೆ.

ಕರಿಷ್ಮಾ ತನ್ನಾ ಮತ್ತು ಉಪೇನ್ ಪಟೇಲ್ ಸಂಬಂಧದ ಬಗ್ಗೆ ಸಾಕಷ್ಟು ಚರ್ಚೆ ನಡೆದಿತ್ತು. ಇಬ್ಬರೂ 'ನಾಚ್ ಬಲಿಯೇ' ಸೆಟ್‌ನಲ್ಲಿ ನಿಶ್ಚಿತಾರ್ಥ ಮಾಡಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಶುಭ ಸುದ್ದಿ ನೀಡಿದ್ದರು. ಆದರೆ ಕಾರ್ಯಕ್ರಮದ ನಂತರ ಇಬ್ಬರೂ ಬೇರ್ಪಟ್ಟರು.

ತಮ್ಮ ವೈಯಕ್ತಿಕ ಜೀವನದ ಸುದ್ದಿಯಲ್ಲಿರುವ 'ಡ್ರಾಮಾ ಕ್ವೀನ್' ರಾಖಿ ಸಾವಂತ್ ಕೂಡ ತಮ್ಮ ನಿಶ್ಚಿತಾರ್ಥವನ್ನು ಕ್ಯಾನ್ಸಲ್ ಮಾಡಿದ್ದಾರೆ. 'ರಾಖಿ ಕಾ ಸ್ವಯಂವರ್' ಗೆದ್ದ ಇಲೇಶ್ ಪರುಜನ್ವಾಲಾ ಅವರೊಂದಿಗೆ ಅವರು ನಿಶ್ಚಿತಾರ್ಥ ಮಾಡಿಕೊಂಡರು. ಆದರೆ ಕಾರ್ಯಕ್ರಮ ಮುಗಿದ ನಂತರ ಇಬ್ಬರೂ ಬೇರೆಯಾದರು.