Kiara Advani: ಕಿಯಾರಾ ಮದುವೆಯಾಗುವ ನಟನ ಬಗ್ಗೆ ಸುಳಿವು ಕೊಟ್ಟ ಅಕ್ಷಯ್​ ಕುಮಾರ್​..!

ಕಿಯಾರಾ ಹಾಗೂ ಅಕ್ಷಯ್​ ಕುಮಾರ್ ಅಭಿನಯದ ಸಿನಿಮಾ ಲಕ್ಷ್ಮಿ ಬಾಂಬ್​ ಇನ್ನೇನು ರಿಲೀಸ್ ಆಗಲಿದೆ. ಈ ಸಿನಿಮಾದ ಬುರ್ಜ್​ ಖಲೀಫಾ ಹಾಡಿನಿಂದಾಗಿ ಕಿಯಾರಾ ಸಾಕಷ್ಟು ಸಮಯ ಟ್ವಿಟರ್​ನಲ್ಲಿ ಟ್ರೆಂಡಿಂಗ್​ನಲ್ಲಿದ್ದರು. ಈಗ ಇವರ ಲವ್​ ಲೈಫ್​ ಹಾಗೂ ಮದುವೆಯ ವಿಷಯದಿಂದಾಗಿ ಸದ್ದು ಮಾಡುತ್ತಿದ್ದಾರೆ.

ಹೌದು, ಲಕ್ಷ್ಮಿ ಬಾಂಬ್​ ಸಿನಿಮಾದ ಪ್ರಚಾರಕ್ಕಾಗಿ ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುವ ಕಪಿಲ್​ ಶರ್ಮಾ ಶೋಗೆ ಈ ಚಿತ್ರತಂಡ ಹೋಗಿತ್ತು. ಈ ವೇಳೆ ಅಕ್ಷಯ್​ ಕುಮಾರ್ ಕಿಯಾರಾ ಅವರ ಮದುವೆ ಬಗ್ಗೆ ಮಾತನಾಡಿದ್ದಾರೆ.

ಹೌದು, ಕಿಯಾರಾ ಮದುವೆ ಬಗ್ಗೆ ಅಕ್ಷಯ್​ ಕುಮಾರ್​ ಪುಟ್ಟ ಸುಳಿವು ನೀಡಿದ್ದಾರೆ.

ಕಿಯಾರಾ ಹೆಸರು ಸದ್ಯ ಬಾಲಿವುಡ್​ ನಟನೊಬ್ಬರ ಜೊತೆ ಕೇಳಿ ಬರುತ್ತಿದೆ.

ಅದು ಮತ್ತಾರೂ ಅಲ್ಲ. ಸ್ಟುಡೆಂಟ್​ ಆಫ್​ ದ ಇಯರ್​ ಸಿನಿಮಾದ ಮೂಲಕ ನಾಯಕನಾಗಿ ಎಂಟ್ರಿ ಕೊಟ್ಟ ಸಿದ್ಧಾರ್ಥ್​ ಮಲ್ಹೋತ್ರ.

ಕಿಯಾರಾ ಹಾಗೂ ಸಿದ್ಧಾರ್ಥ್​ ಸದ್ಯ ತಮ್ಮ ಲವ್​ ಲೈಫ್​ ಎಂಜಾಯ್​ ಮಾಡುತ್ತಿದ್ದಾರೆ.

ಅದಕ್ಕಾಗಿಯೇ ಅಕ್ಷಯ್​ ಕಾಮಿಡಿ ಶೋನಲ್ಲಿ ಕಿಯಾರಾ ತುಂಬಾ ಸಿದ್ಧಾಂತಗಳನ್ನು ನಂಬಿರುವ ಹುಡುಗಿ ಎಂದು ಕಾಲೆಳೆದಿದ್ದಾರೆ.

ಸಿದ್ಧಾರ್ಥ್​ ಹಾಗೂ ಕಿಯಾರಾ ಈಗ ಒಂದು ಸಿನಿಮಾದಲ್ಲಿ ಮೊದಲ ಬಾರಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ.

ಈ ಹಿಂದೆ ಕಿಯಾರಾ ಅವರಿಗೆ ಸಿದ್ಧಾರ್ಥ್​ ಬಗ್ಗೆ ಕೇಳಿದಾಗ ಹಾಗೂ ಸಿದ್ಧಾರ್ಥ್​ಗೆ ಕಿಯಾರಾ ಬಗ್ಗೆ ಕೇಳಿದಾಗ ಯಾವುದೇ ಉತ್ತರ ಸಿಕ್ಕಿರಲಿಲ್ಲ. ​

ಆದರೆ ಅಕ್ಷಯ್​ ಕುಮಾರ್​ ಈಗ ಕಿಯಾರಾ ಅವರ ಲವ್​ ಸ್ಟೋರಿ ಬಗ್ಗೆ ಸುಳಿವು ಕೊಟ್ಟಿದ್ದಾರೆ. ಇನ್ನು, ಕಿಯಾರಾ-ಸಿದ್ಧಾರ್ಥ್ ಅವರ ಲವ್​ ಸ್ಟೋರಿ ಕೇವಲ ಗಾಳಿ ಸುದ್ದಿಯಷ್ಟೆ. ಅದರಲ್ಲೂ ಅವರು ಸಹಿ ಮಾಡಿರುವ ಹೊಸ ಸಿನಿಮಾದ ಪ್ರಮೋಷನ್​ಗಾಗಿ ಹೀಗೆ ಹಬ್ಬಿಸಲಾಗುತ್ತಿದೆ ಎಂದೂ ಹೇಳಲಾಗುತ್ತಿದೆ.