Akshay Kumar: ಸ್ಕಾಟ್ಲೆಂಡ್​​ನಲ್ಲಿ ಶೂಟಿಂಗ್ ವೇಳೆ ಅಕ್ಷಯ್​ ಕುಮಾರ್​ಗೆ ಗಾಯ

ಈ ಸಿನಿಮಾದಲ್ಲಿ ಅಕ್ಷಯ್ ಹಾಗೂ ಟೈಗರ್ ಶ್ರಾಫ್ ಜೊತೆಯಾಗಿ ನಟಿಸುತ್ತಿದ್ದಾರೆ. ಅಕ್ಷಯ್ ಅವರಿಗೆ ತಮ್ಮ ಸೀನ್​ಗಳಲ್ಲಿ ಬರುವ ಸ್ಟಂಟ್​​ಗಳನ್ನು ಡ್ಯೂಪ್ ಬಳಸದೆ ಮಾಡುವುದು ಇಷ್ಟ. ಹಾಗಾಗಿ ಅವರು ಬಾಡಿ ಡಬಲ್ ಅವಾಯ್ಡ್ ಮಾಡುತ್ತಾರೆ.

ಹಾಗಾಗಿ ನಟ ತಮ್ಮ ಸಿನಿಮಾಗಳಲ್ಲಿ ಬಹಳಷ್ಟು ಸಲ ಕೆಲವು ಅಪಾಯಕಾರಿ ಸ್ಟಂಟ್​ಗಳನ್ನು ಕೂಡಾ ಮಾಡುತ್ತಾರೆ. ನಟನಿಗೆ ಶೂಟಿಂಗ್ ವೇಳೆ ತೀವ್ರ ಗಾಯವಾಗಿದೆ ಎಂದು ತಿಳಿದುಬಂದಿದ್ದು ಸದ್ಯ ನಟನಿಗೆ ಅಪಾಯವಾಗಿಲ್ಲ.

ನಟ ಗಾಯಗೊಂಡಿದ್ದರೂ ಕೂಡಾ ಶೂಟಿಂಗ್ ಕಂಟಿನ್ಯೂ ಮಾಡಿರುವ ಸುದ್ದಿ ಈಗ ಎಲ್ಲಾ ಕಡೆಗಳಲ್ಲಿ ವೈರಲ್ ಆಗಿದೆ. ನಟನ ಸ್ಥಿತಿಯ ಕುರಿತು ಅವರ ಅಭಿಮಾನಿಗಳು ಕಾಳಜಿ ವ್ಯಕ್ತಪಡಿಸಿದ್ದಾರೆ.

ಅಕ್ಷಯ್ ಕುಮಾರ್ ಅವರು ಟೈಗರ್ ಶ್ರಾಫ್ ಜೊತೆ ಆ್ಯಕ್ಷನ್ ಸೀಕ್ವೆನ್ಸ್ ಶೂಟಿಂಗ್ ಮಾಡುತ್ತಿದ್ದರು. ನಟ ಗಾಯವಾಗಿದ್ದರೂ ಕೂಡಾ ಬೇರೆ ಕೆಲವು ಭಾಗದ ಶೂಟಿಂಗ್ ಮಾಡಿದ್ದಾರೆ. ಈ ಮೂಲಕ ಶೆಡ್ಯೂಲ್ ತಡವಾಗದಂತೆ ಎಚ್ಚರವಹಿಸಿದ್ದಾರೆ ನಟ.

ಅಲಿ ಅಬ್ಬಾಸ್ ಝಫರ್ ನಿರ್ದೇಶನದ ಈ ಸಿನಿಮಾದಲ್ಲಿ ಸೋನಾಕ್ಷಿ ಸಿನ್ಹಾ ಹಾಗೂ ಪೃಥ್ವಿರಾಜ್ ಸುಕುಮಾರನ್ ಕೂಡಾ ನಟಿಸುತ್ತಿದ್ದಾರೆ. ಈ ಸಿನಿಮಾದ ಫಸ್ಟ್ ಶೆಡ್ಯೂಲ್ ಮುಂಬೈನಲ್ಲಿ ಮುಗಿದಿದೆ.

ನಿರ್ದೇಶಕ ಈ ತಿಂಗಳ ಆರಂಭದಲ್ಲಿ ಶೂಟಿಂಗ್ ಬಗ್ಗೆ ಅಪ್ಡೇಟ್ ಕೊಟ್ಟಿದ್ದರು. ರಿಯಲ್ ಲೊಕೇಷನ್​ನಲ್ಲಿ ರಿಯಲ್ ಸ್ಟಂಟ್ ಮಾಡುವುದರಷ್ಟು ತೃಪ್ತಿಕರ ಬೇರೇನಿಲ್ಲ ಎಂದಿದ್ದಾರೆ.