Akkineni Akhil: ಯುವ ನಾಯಕಿ ಜೊತೆ ನಾಗ ಚೈತನ್ಯ ಡೇಟಿಂಗ್ ನಿಜನಾ? ಅಖಿಲ್ ಅಕ್ಕಿನೇನಿ ಹೇಳಿದ್ದೇನು?

ಸಮಂತಾ ಜೊತೆಗಿನ ವಿಚ್ಛೇದನವಾಗಿ ವರ್ಷ ಕಳೆದಿದೆ. ನಾಗ ಚೈತನ್ಯ 2ನೇ ಮದುವೆ ಆಗ್ತಾರಾ ಎನ್ನುವ ಪ್ರಶ್ನೆ ಇದೀಗ ಅಭಿಮಾನಿಗಳನ್ನು ಕಾಡ್ತಿದೆ. ನಟಿ ಸೋಭಿತಾ ಧೂಳಿಪಾಲ ಜೊತೆ ಚೈತು ಸೀಕ್ರೆಟ್ ಸಂಬಂಧ ಹೊಂದಿದ್ದಾರೆ ಎನ್ನಲಾಗ್ತಿದೆ. ಈ ಬಗ್ಗೆ ಹಲವು ಸುದ್ದಿಗಳು ಹೊರಬಿದ್ದಿವೆ. ಇದೀಗ ಈ ಸುದ್ದಿ ಬಗ್ಗೆ ಅಖಿಲ್ ಪ್ರತಿಕ್ರಿಯಿಸಿದ್ದಾರೆ.

ನಾಗ ಚೈತನ್ಯ ಯುವ ನಾಯಕಿ ಸೋಭಿತಾ ಧೂಳಿಪಾಲ ಒಟ್ಟಿಗೆ ಕಾಣಿಸಿಕೊಂಡಿದ್ದು, ರೂಮರ್ಸ್ಗೆ ರೆಕ್ಕೆ-ಪುಕ್ಕ ಬಂದಂತಾಗಿದೆ. ಇಬ್ಬರು ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಹಲವು ವರದಿಗಳು ಹರಿದಾಡುತ್ತಿದೆ.

ನಾಗ ಚೈತನ್ಯ ಅವರು ಕೂಡ ಸೋಭಿತಾ ಧೂಳಿಪಳ್ಳ ಅವರೊಂದಿಗೆ ಕ್ಲೋಸ್ ಆಗಿದ್ದಾರೆ. ಅವರಿಬ್ಬರೂ ವೆಕೇಷನ್ ಟ್ರಿಪ್ ಎಂದು ದೇಶ-ವಿದೇಶಗಳಲ್ಲಿ ಸುತ್ತಾಡುತ್ತಿದ್ದಾರೆ. ಇಬ್ಬರ ಇತ್ತೀಚಿನ ಫೋಟೋವೊಂದು ಸಖತ್ ವೈರಲ್ ಆಗಿದೆ. ನಾಗ ಚೈತನ್ಯ-ಸೋಭಿತಾ ಧೂಳಿಪಾಲ ಲಂಡನ್​ನಲ್ಲಿ ಡಿನ್ನರ್ ಡೇಟ್ ಹೋಗಿದ್ದ ಫೋಟೋ ನೆಟ್ಟಿಗರಿಗೆ ಸಿಕ್ಕಿದೆ.

ಏಜೆಂಟ್ ಚಿತ್ರದ ಪ್ರಮೋಷನ್ ನಲ್ಲಿ ಬ್ಯುಸಿ ಆಗಿರುವ ಅಖಿಲ್ ಅಕ್ಕಿನೇನಿಗೆ ಅಣ್ಣನ ಸೀಕ್ರೆಟ್ ಸಂಬಂಧದ ಬಗ್ಗೆ ಪ್ರಶ್ನೆ ಎದುರಾಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ನಿಮ್ಮ ಸಹೋದರ ನಾಗ ಚೈತನ್ಯ ಹೈಲೈಟ್ ಆಗುತ್ತಿದ್ದಾರೆ. ನಟಿ ಜೊತೆ ಡೇಟಿಂಗ್ ವಿಚಾರ ನಿಜನಾ ಎಂದು ಮಾಧ್ಯಮದವರು ಅಖಿಲ್ಗೆ ಪ್ರಶ್ನೆ ಮಾಡಿದ್ದಾರೆ.

ಇದಕ್ಕೆ ನಟ ಅಖಿಲ್ ತುಂಬಾ ತಮಾಷೆಯ ಉತ್ತರ ನೀಡಿದ್ದಾರೆ. ನಗುತ್ತಾ ನನ್ನ ಸಿನಿಮಾ ಬಗ್ಗೆ ಮಾತಾಡಿ ಎಂದಿದ್ದಾರೆ. ಇದು ಎರಡು ವರ್ಷಗಳಿಂದ ನಡೆಯುತ್ತಿದೆ. ನನ್ನ ಸ್ಥಿತಿ ಬೇರೆಯೇ ಇದೆ. ಈ ತಿಂಗಳು 28ರಂದು ಥಿಯೇಟರ್ನಲ್ಲಿ ಮೀಟ್ ಮಾಡೋಣ ಎಂದು ಅಖಿಲ್ ಅಲ್ಲಿಂದ ಕಾಲ್ಕಿತ್ತಿದ್ದಾರೆ.

ಸುರೇಂದರ್ ರೆಡ್ಡಿ ನಿರ್ದೇಶನದಲ್ಲಿ ಏಜೆಂಟ್ ಸಿನಿಮಾ ತಯಾರಾಗುತ್ತಿದೆ. ಹಾಲಿವುಡ್ ಸೂಪರ್ ಹಿಟ್ ಬೌರ್ನ್ ಸೀರೀಸ್ ಆಧಾರಿತ ಈ ಚಿತ್ರಕ್ಕಾಗಿ ಅಖಿಲ್ ತಮ್ಮ ಲುಕ್ ಬದಲಾಯಿಸಿದ್ದಾರೆ. ಸಂಪೂರ್ಣ ಮೇಕ್ ಓವರ್ಗಾಗಿ ಅಖಿಲ್ 6 ತಿಂಗಳು ಫುಲ್ ವರ್ಕೌಟ್ ಮಾಡಿದ್ದಾರೆ.

ಎ.ಕೆ. ಎಂಟರ್ ಟೈನ್ ಮೆಂಟ್ ಬ್ಯಾನರ್ ಅಡಿಯಲ್ಲಿ ಅನಿಲ್ ಸುಂಕರ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಮಾಲಿವುಡ್ ಮೆಗಾಸ್ಟಾರ್ ಮಮ್ಮುಟ್ಟಿ ಈ ಚಿತ್ರದಲ್ಲಿ ವಿಲನ್ ಆಗಿ ನಟಿಸುತ್ತಿರುವುದು ವಿಶೇಷ. ಈ ಚಿತ್ರಕ್ಕೆ ತಮನ್ ಸಂಗೀತ ನೀಡುತ್ತಿದ್ದಾರೆ.

ಈ ಚಿತ್ರದಲ್ಲಿ ಅಖಿಲ್ಗೆ ನಾಯಕಿಯಾಗಿ ಸಾಕ್ಷಿ ವೈದ್ಯ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ನಟಿಸಲು ಅಖಿಲ್ ಯಾವುದೇ ಸಂಭಾವನೆ ತೆಗೆದುಕೊಳ್ಳುತ್ತಿಲ್ಲ. ಚಿತ್ರದ ಗುಣಮಟ್ಟ ಮುಖ್ಯ ಎಂದು ಹೇಳಿದ್ದಾರಂತೆ.