Pawan Kalyan: ಪವನ್ ಕಲ್ಯಾಣ್ ಅಭಿಮಾನಿಗಳಿಗೆ ಗುಡ್ ನ್ಯೂಸ್! ತಂದೆ ಜೊತೆ ಸಿನಿಮಾಗೆ ಎಂಟ್ರಿ ಕೊಡ್ತಾರಾ ಅಕಿರಾ ನಂದನ್?

ಪವನ್ ಕಲ್ಯಾಣ್ ಅಭಿಮಾನಿಗಳಿಗೆ ಇದೊಂದು ಅನಿರೀಕ್ಷಿತ ಅಚ್ಚರಿಯಾಗಿದೆ. ಇದು ಇನ್ನೂ ಅಧಿಕೃತವಾಗಿಲ್ಲ ಆದರೆ ಈ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದೆ. ಅಕಿರಾ ನಂದನ್ ಸಿನಿಮಾ ಎಂಟ್ರಿ ಫಿಕ್ಸ್ ಆಗಿದೆ. ಅದೂ ಪವನ್ ಕಲ್ಯಾಣ್ ಸಿನಿಮಾದ ಮೂಲಕನಾ ಎನ್ನುವ ಸುದ್ದಿ ಅಧಿಕೃತಗೊಂಡಿಲ್ಲ.

ಸದ್ಯ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಸಾಹೋ ನಿರ್ದೇಶಕ ಸುಜೀತ್ ಜೊತೆ ಸಿನಿಮಾ ಮಾಡುತ್ತಿದ್ದಾರೆ. ಸುಜೀತ್ ಈ ಚಿತ್ರದಲ್ಲಿ ಪವನ್ ಕಲ್ಯಾಣ್ ಅವರನ್ನು ಒರಿಜಿನಲ್ ಗ್ಯಾಂಗ್ ಸ್ಟರ್ ಆಗಿ ತೋರಿಸಲಿದ್ದಾರೆ. ಪವನ್ ಕಲ್ಯಾಣ್ ಪುತ್ರ ಅಕಿರಾ ನಂದನ್ ಕೂಡ ಇದರಲ್ಲಿ ನಟಿಸಲಿದ್ದಾರೆ ಎಂಬುದು ಕುತೂಹಲಕ್ಕೆ ಕಾರಣವಾಗಿದೆ.

ಸಾಹೋ ದಂತಹ ಹೈ ಆಕ್ಷನ್ ಎಂಟರ್ಟೈನರ್ ನಂತರ, ಸುಜೀತ್ ಸುಮಾರು 4 ವರ್ಷಗಳ ಗ್ಯಾಪ್ ತೆಗೆದುಕೊಂಡು ಈ ಚಿತ್ರಕ್ಕಾಗಿ ಸ್ಟ್ರಾಂಗ್ ಕಥೆಯನ್ನು ಬರೆದಿದ್ದಾರೆ. ಅನೌನ್ಸ್​ಮೆಂಟ್ ಪೋಸ್ಟರ್ ಈ ಸಿನಿಮಾದ ಮೇಲೆ ನಿರೀಕ್ಷೆ ಹುಟ್ಟಿಸಿದೆ. ಸುಜೀತ್, ಪವನ್ ಕಲ್ಯಾಣ್ ಅವರ ದೊಡ್ಡ ಅಭಿಮಾನಿಯಾಗಿದ್ದು, ಅವ್ರನ್ನು ಮತ್ತಷ್ಟು ವಿಭಿನ್ನವಾಗಿ ತೋರಿಸಲಿದ್ದಾರೆ.

ಡಿವಿವಿ ದಾನಯ್ಯ ನಿರ್ಮಿಸುತ್ತಿರುವ ಈ ಚಿತ್ರದಲ್ಲಿ ಅಕಿರ ನಂದನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಪವನ್ ಕಲ್ಯಾಣ್ ಮೂರು ಲುಕ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಸುಜೀತ್ ಪವನ್ ಅವರ ಕಾಲೇಜು ವಿದ್ಯಾರ್ಥಿ ಪಾತ್ರಕ್ಕಾಗಿ ಅಕಿರಾ ನಂದನ್ ಅವರನ್ನು ಆಯ್ಕೆ ಮಾಡಿಕೊಳ್ಳಲು ಪ್ಲಾನ್ ಮಾಡಿದ್ದಾರಂತೆ.

ಪವನ್ ಕಲ್ಯಾಣ್ ಪುತ್ರ ಅಕಿರಾ ನಂದನ್ ಜೊತೆ 17 ವರ್ಷದ ಹದಿಹರೆಯದ ಹುಡುಗನ ಪಾತ್ರಕ್ಕೆ ಸ್ಕೆಚ್ ಹಾಕಿರುವ ಸುಜೀತ್, ಪವನ್ ಅನುಮತಿಗಾಗಿ ಕಾಯುತ್ತಿದ್ದಾರೆ ಎನ್ನಲಾಗ್ತಿದೆ. ಅಕಿರಾ ಎಂಟ್ರಿಗಾಗಿ ಕಾಯುತ್ತಿರುವ ಅಭಿಮಾನಿಗಳು ಈ ಸುದ್ದಿ ಕೇಳಿ ಉತ್ಸುಕರಾಗಿದ್ದಾರೆ.

ಈ ಚಿತ್ರದಲ್ಲಿ ಪವನ್ ಕಲ್ಯಾಣ್ ಗೆ ಜೋಡಿಯಾಗಿ ಪ್ರಿಯಾಂಕಾ ಅರುಳ್ ಮೋಹನ್ ನಟಿಸುತ್ತಿದ್ದಾರೆ. ಈಗಾಗಲೇ ಮುಂಬೈನಲ್ಲಿ ಮೊದಲ ಶೆಡ್ಯೂಲ್ ಮುಗಿದಿದ್ದು, ಸದ್ಯ ಎರಡನೇ ಶೆಡ್ಯೂಲ್ ನ ಚಿತ್ರೀಕರಣ ಮಹಾಬಲೇಶ್ವರದಲ್ಲಿ ನಡೆಯುತ್ತಿದೆ. ಈ ಸೆಟ್​ಗಳ ಫೋಟೋಗಳು ವೈರಲ್ ಆಗುತ್ತಿವೆ.

ಸುಜೀತ್ ಈ ಚಿತ್ರವನ್ನು 'OG' (ಒರಿಜಿನಲ್ ಗ್ಯಾಂಗ್​ ಸ್ಟಾರ್) ಎಂಬ ವರ್ಕಿಂಗ್ ಶೀರ್ಷಿಕೆಯೊಂದಿಗೆ ನಿರ್ದೇಶಿಸುತ್ತಿದ್ದಾರೆ. ದರೋಡೆಕೋರರ ಹಿನ್ನೆಲೆಯಲ್ಲಿ ಈ ಚಿತ್ರ ನಿರ್ಮಾಣವಾಗಲಿದೆ. ಹಾಡುಗಳಿಲ್ಲದ ಒಂದೂವರೆ ಗಂಟೆ ಈ ಸಿನಿಮಾ ಇರಲಿದೆ ಎನ್ನಲಾಗಿದೆ.

ಈ ಸಿನಿಮಾ ಮಾಡಲು ಪವನ್ ಕಲ್ಯಾಣ್ 75 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಿದ್ದಾರೆ. ಮೇಲಾಗಿ ಈ ಚಿತ್ರದ ಲಾಭದಲ್ಲಿ ಮೂರನೇ ಪಾಲು ತೆಗೆದುಕೊಳ್ಳಲು ಪವನ್ ಒಪ್ಪಂದ ಮಾಡಿಕೊಂಡಿದ್ದಾರೆ. ಚಿತ್ರದ ನಿರ್ಮಾಣ ವೆಚ್ಚಕ್ಕೆ ಪವನ್ ಸಂಭಾವನೆ ಕೂಡಿದರೆ  175 ಕೋಟಿ ರೂ ಆಗಿದೆ.