Ajith Vs Vijay: 12ನೇ ಬಾರಿ ಥಿಯೇಟರ್​ನಲ್ಲಿ ವಿಜಯ್-ಅಜಿತ್ ಮುಖಾಮುಖಿ

ತುನಿವು Vs ವಾರಿಸು: ಅಜಿತ್ ಕುಮಾರ್ ಮತ್ತು ವಿಜಯ್ ತಮಿಳು ಚಿತ್ರರಂಗದಲ್ಲಿ ಟಾಪ್ ನಟರು. ಇಬ್ಬರೂ ಬಾಕ್ಸ್ ಆಫೀಸ್​ನಲ್ಲಿ ಹಲವು ಬಾರಿ ಒಟ್ಟಿಗೆ ಫೈಟ್ ಕೊಟ್ಟಿದ್ದಾರೆ. ಇದೀಗ ಮತ್ತೊಮ್ಮೆ ಸಂಕ್ರಾಂತಿ ಕಣದಲ್ಲಿ ಇಬ್ಬರು ಒಟ್ಟಿಗೆ ಕಣಕ್ಕಿಳಿದ್ದಿದ್ದಾರೆ.

ಅಜಿತ್ ಅಭಿನಯದ 'ತುನಿವು' ಮತ್ತು ವಿಜಯ್ ಅಭಿನಯದ 'ವಾರಿಸು ಸಿನಿಮಾ ತಮಿಳುನಾಡಿನಲ್ಲಿ ಒಂದೇ ದಿನ ಬಿಡುಗಡೆಯಾಗುತ್ತಿದೆ. ಈ ಎರಡು ಚಿತ್ರಗಳ ಮೇಲೆ ತಮಿಳುನಾಡಿನಲ್ಲಿ ಭಾರೀ ನಿರೀಕ್ಷೆಗಳಿವೆ. ಈ ಎರಡು ಚಿತ್ರಗಳಲ್ಲಿ ಯಾವುದು ಬಾಕ್ಸ್ ಆಫೀಸ್ ವಿನ್ನರ್ ಆಗಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ತಮಿಳುನಾಡಿನ ಟಾಪ್ ಹೀರೋಗಳಾಗಿ ತಮ್ಮ ಶಕ್ತಿ ಪ್ರದರ್ಶನ ಮಾಡುತ್ತಿರುವ ಇವರಿಬ್ಬರು ಏಕಕಾಲದಲ್ಲಿ ಬಾಕ್ಸ್ ಆಫೀಸ್ ರಿಂಗ್ ಪ್ರವೇಶಿಸಿದ್ದಾರೆ. ಅಜಿತ್ ಮತ್ತು ವಿಜಯ್ ಈಗಾಗಲೇ 12ನೇ ಬಾರಿ ಬಾಕ್ಸ್ ಆಫೀಸ್ ನಲ್ಲಿ ಪೈಪೋಟಿ ನಡೆಸಿದ್ದಾರೆ. ಇದೀಗ ತುನಿವು ವರ್ಸಸ್ ವಾರಿಸು ಸಿನಿಮಾಗಳ ಮೂಲಕ ಮತ್ತೊಮ್ಮೆ ಅದೇ ದಿನ ಬಾಕ್ಸ್ ಆಫೀಸ್ ವಾರ್ ಗೆ ರೆಡಿಯಾಗಿದ್ದಾರೆ.

1996ರಲ್ಲಿ ಮೊಟ್ಟಮೊದಲ ಬಾರಿಗೆ ಸಂಕ್ರಾಂತಿ ಬಾರಿಗೆ ಒಂದಾದರು. ಅಜಿತ್ ಅಭಿನಯದ 'ವನ್ಮತಿ' ಜನವರಿ 12 ರಂದು ಬಿಡುಗಡೆಯಾಗಿತ್ತು. ವಿಜಯ್ ಅಭಿನಯದ 'ಕೊಯಂಬತ್ತೂರು ಮಾಪಿಳ್ಳೈ' ಚಿತ್ರ ಜನವರಿ 15 ರಂದು ಬಿಡುಗಡೆಯಾಗಿತ್ತು. ಈ ಬಾಕ್ಸ್ ಆಫೀಸ್ ರಿಂಗ್‌ನಲ್ಲಿ ಇಬ್ಬರು ನಾಯಕರು ವಿಜೇತರಾಗಿ ಹೊರಹೊಮ್ಮಿದರು.

ವಿಜಯ್ ಅಭಿನಯದ 'ಪೂವೆ ಉನಕ್ಕಾಗ' ಚಿತ್ರ ಬಿಡುಗಡೆಯಾಗಿದೆ. ಮತ್ತು ಅಜಿತ್ ಮತ್ತು ಪ್ರಶಾಂತ್ ಅಭಿನಯದ 'ಕಲ್ಲೂರಿ ವಾಸಲ್' ಅದೇ ವರ್ಷ ಫೆಬ್ರವರಿ 18 ರಂದು ತೆರೆಕಂಡಿತು.

1997 ರ ಪೊಂಗಲ್ ವಾರದಲ್ಲಿ ಅಜಿತ್ ಮತ್ತು ವಿಜಯ್ ಎರಡು ರೋಮ್ಯಾಂಟಿಕ್ ಲವ್ ಸ್ಟೋರಿಗಳೊಂದಿಗೆ ಪ್ರೇಕ್ಷಕರ ಮುಂದೆ ಬಂದರು. ವಿಜಯ್ 'ಕಾಲಮೆಲ್ಲಂ ಕಾಥಿರುಪ್ಪೆನ್' ಅಜಿತ್ 'ನೇಸಂ' ರಿಲೀಸ್ ಆಯಿತು. ಈ ಎರಡೂ ಚಿತ್ರಗಳು ಜನವರಿ 15 ರಂದು ಬಿಡುಗಡೆಯಾಗಿದ್ದವು. ಇದರಲ್ಲಿ ವಿಜಯ್ ವಿರುದ್ಧ ಅಜಿತ್ ಗೆಲುವು ಸಾಧಿಸಿದ್ದಾರೆ.

ಮೂರು ವರ್ಷಗಳ ಅಂತರದ ನಂತರ ವಿಜಯ್ ಅಭಿನಯದ ಖುಷಿ ಮೂವಿ 2000 ಮೇ 19 ರಂದು ಬಿಡುಗಡೆಯಾಗಿದೆ. ಅದೇ ದಿನ ಅಜಿತ್ ಅಭಿನಯದ 'ಉನ್ನೈ ಕೊಡು ಎನ್ಪೈ ತರುವೆನ್' ಚಿತ್ರವೂ ಬಿಡುಗಡೆಯಾಗಿದೆ. ಈ ಎರಡೂ ಚಿತ್ರಗಳು ಯಶಸ್ವಿಯಾದವು.

2001ರಲ್ಲಿ ಅಜಿತ್ ನಾಯಕನಾಗಿ ನಟಿಸಿದ್ದ ‘ಧೀನ’ ಸಿನಿಮಾ ವಿಜಯ್ ನಾಯಕನಾಗಿ ನಟಿಸಿರುವ ‘ಫ್ರೆಂಡ್ಸ್’ ಚಿತ್ರ ಜನವರಿ 14ರಂದು ತೆರೆಕಂಡಿತು. ಈ ಎರಡೂ ಚಿತ್ರಗಳು ಬಾಕ್ಸ್ ಆಫೀಸ್ ನಲ್ಲಿ ಬ್ಲಾಕ್ ಬಸ್ಟರ್ ಆದವು. ಈ ಸಿನಿಮಾದಿಂದ ಅಭಿಮಾನಿಗಳು ಅಜಿತ್‌ನನ್ನು ‘ತಲಾ’ ಎಂದು ಕರೆಯಲಾರಂಭಿಸಿದರು.

2002 ರಲ್ಲಿ, ಅಜಿತ್ ಮತ್ತು ವಿಜಯ್ ಎರಡು ಆಕ್ಷನ್ ಸಿನಿಮಾಗಳ ಮೂಲಕ ಬಂದರು. ನವೆಂಬರ್ 4, 2002 ರಂದು ವಿಜಯ್ 'ಭಗವತಿ' ಅಜಿತ್ 'ವಿಲನ್' ಚಿತ್ರದ ಮೂಲಕ ಬಂದರು. ಇದರಲ್ಲಿ ಅಜಿತ್ ಬಾಕ್ಸ್ ಆಫೀಸ್ ನಲ್ಲಿ ವಿನ್ನರ್ ಆಗಿದೆ.

ನಾಲ್ಕು ವರ್ಷಗಳ ನಂತರ ಅಜಿತ್ ನಾಯಕನಾಗಿ ನಟಿಸಿರುವ ಪರಮ ಶಿವನ್ ಚಿತ್ರ ಜನವರಿ 14 ರಂದು ಬಿಡುಗಡೆಯಾಯಿತು. ಆಗ ವಿಜಯ್ ಅಭಿನಯದ ಆಕ್ಷನ್ ಥ್ರಿಲ್ಲರ್ ಸಿನಿಮಾ ‘ಆದಿ’ ತೆರೆಕಂಡಿತ್ತು.ಈ ಎರಡೂ ಚಿತ್ರಗಳು ಉತ್ತಮ ಯಶಸ್ಸನ್ನು ಕಂಡಿವೆ.

ಆ ನಂತರ 2007 ರ ಸಂಕ್ರಾಂತಿಯನ್ನು ವಿಜಯ್ ಅವರು ‘ಪೊಕ್ಕಿರಿ’ ಚಿತ್ರದ ಮೂಲಕ ಬಂದರೆ, ಅಜಿತ್ ಅಭಿನಯದ ‘ಆಳ್ವಾರ್’ಸಿನಿಮಾ ಕೂಡಾ ಒಟ್ಟಿಗೆ ರಿಲೀಸ್ ಆಯಿತು. ಅಜಿತ್ ಸಿನಿಮಾ ಪ್ರೇಕ್ಷಕರನ್ನು ಮೆಚ್ಚಿಸಲು ವಿಫಲವಾಗಿತ್ತು.

2014 ರ ಸಂಕ್ರಾಂತಿಯನ್ನು ವಿಜಯ್ ಮತ್ತು ಮೋಹನ್ ಲಾಲ್ ಅಭಿನಯದ 'ಜಿಲ್ಲಾ' ಸಿನಿಮಾ ರಿಲೀಸ್ ಆಯಿತು. ಅಜಿತ್ ನಾಯಕನಾಗಿರುವ ‘ವೀರಂ’ ಚಿತ್ರ ಜನವರಿ 10 ರಂದು ಬಿಡುಗಡೆಯಾಗಿ ಬ್ಲಾಕ್ ಬಸ್ಟರ್ ಆಯಿತು.

ಸುಮಾರು 8 ವರ್ಷಗಳ ಸುದೀರ್ಘ ಗ್ಯಾಪ್ ನಂತರ ಈ ಇಬ್ಬರು ತಮಿಳು ನಟರಯ ಬಾಕ್ಸ್ ಆಫೀಸ್ ನಲ್ಲಿ ಒಂದೇ ದಿನ ಪೈಪೋಟಿ ನಡೆಸುತ್ತಿದ್ದಾರೆ. ಅಜಿತ್ 'ತುನಿವು' ಚಿತ್ರದ ಮೂಲಕ ಪೈಪೋಟಿ ನೀಡುತ್ತಿದ್ದರೆ, ವಿಜಯ್ ವಾರಿಸು' ಮೂಲಕ ಬಂದಿದ್ದಾರೆ.

'ವಾರಿಸು' ಸಿನಿಮಾವನ್ನು ತೆಲುಗು ನಿರ್ಮಾಪಕ ದಿಲ್ ರಾಜು ನಿರ್ಮಿಸಿದ್ದಾರೆ. ವಂಶಿ ಪೈಡಿಪಲ್ಲಿ ನಿರ್ದೇಶಿಸಿದ್ದಾರೆ. ಇದರಲ್ಲಿ ವಿಜಯ್ ಗೆ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಜೋಡಿಯಾಗಿ ನಟಿಸಿದ್ದಾರೆ. ಅಜಿತ್ ಅಭಿನಯದ 'ತುನಿವು' ಆಕ್ಷನ್ ಡ್ರಾಮಾ. ಈ ಬಾರಿಯ ಸಂಕ್ರಾಂತಿಗೆ ಕಣಕ್ಕಿಳಿದಿರುವ ಈ ಇಬ್ಬರು ಹೀರೋಗಳಲ್ಲಿ ಯಾರ ಮೇಲುಗೈ ಸಾಧಿಸಲಿದ್ದಾರೆ ಎಂದು ಕಾದು ನೋಡಬೇಕಿದೆ.