ಈ ಸ್ಟಾರ್ ನಟನನ್ನು ಅಪ್ಪ ಎಂದು ತಪ್ಪು ತಿಳಿದಿದ್ದರಂತೆ ಐಶ್ವರ್ಯ ರೈ ಮಗಳು ಆರಾಧ್ಯ; ಯಾರು ಆ ನಟ?

ಮಾಜಿ ವಿಶ್ವ ಸುಂದರಿ ಐಶ್ವರ್ಯ ರೈ ಹಾಗೂ ನಟ ಅಭಿಷೇಕ್ ಬಚ್ಚನ್ ದಂಪತಿಯ ಪ್ರೀತಿಯ ಮಗಳು ಆರಾಧ್ಯ, ಬಚ್ಚನ್ ಕುಟುಂಬದ ಪ್ರೀತಿಯ ಕುಡಿ. ಎಲ್ಲೇ ಹೋದರೂ ಐಶೂ-ಅಭಿ ಮಗಳ ಕೈ ಹಿಡಿದುಕೊಂಡೇ ಸಾಗುತ್ತಾರೆ.

ತಮ್ಮ ಮಗಳ ಬಗ್ಗೆ ಹೆಚ್ಚಿನ ಕೇರ್ ಹಾಗೂ ಆಸಕ್ತಿ ವಹಿಸುತ್ತಾರೆ ಎಂಬುದನ್ನು ಹೆಚ್ಚಿನವರು ಬಲ್ಲರು. 16 ನವೆಂಬರ್ 2011 ರಂದು ಹುಟ್ಟಿದ ಈ ಮುದ್ದು ಗೊಂಬೆಗೆ ಈಗ 9 ವರ್ಷ ವಯಸ್ಸು. ಅಮ್ಮ ಐಶ್ವರ್ಯ ರೈ ಅವರಂತೆ ಆರಾಧ್ಯ ಕೂಡಾ ಫೇಮಸ್.

ಆರಾಧ್ಯ ಒಮ್ಮೆ ರಣಬೀರ್ ಕಪೂರ್ ಅವರನ್ನು ತನ್ನ ಅಪ್ಪ ಎಂದು ತಪ್ಪು ತಿಳಿದು ಅವರನ್ನು ಅಪ್ಪಿಕೊಂಡಿದ್ದರಂತೆ.

ಈ ವಿಚಾರವನ್ನು ಸ್ವತ: ಐಶ್ವರ್ಯ ರೈ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು.

ಐಶ್ವರ್ಯ ರೈ ಹಾಗೂ ರಣಬೀರ್ ಅವರ ನಡುವೆ ಒಳ್ಳೆಯ ಸ್ನೇಹವಿದೆ. ‘ಏ ದಿಲ್ ಹೇ ಮುಷ್ಕಿಲ್’ ಚಿತ್ರದಲ್ಲಿ ಈ ಜೋಡಿ ಒಟ್ಟಿಗೆ ನಟಿಸಿತ್ತು.

ಇವರಿಬ್ಬರ ಕೆಮಿಸ್ಟ್ರಿ ಕೂಡಾ ಇದರಲ್ಲಿ ಸಖತ್ ವರ್ಕೌಟ್ ಆಗಿತ್ತು. ಈ ಚಿತ್ರವನ್ನು ಕರಣ್ ಜೋಹರ್ ನಿರ್ಮಿಸಿದ್ದರು.

‘ಏ ದಿಲ್ ಹೇ ಮುಷ್ಕಿಲ್’ಸಿನಿಮಾ ಶೂಟಿಂಗ್ ವೇಳೆ ಐಶ್ವರ್ಯ ಅವರು ತಮ್ಮೊಂದಿಗೆ ಮಗಳು ಆರಾಧ್ಯಳನ್ನೂ ಕರೆದೊಯ್ದಿದ್ದರಂತೆ. ಆಗ ಆರಾಧ್ಯಗೆ 5 ವರ್ಷ ವಯಸ್ಸು.

ಶೂಟಿಂಗ್ ಸೆಟ್​ನಲ್ಲಿ ರಣಬೀರ್ ಕಪೂರ್ ಅಭಿಷೇಕ್ ಅವರಂತೆ ಜಾಕೆಟ್, ಟೋಪಿ ಧರಿಸಿದ್ದರಂತೆ. ಆರಾಧ್ಯ ಅವರನ್ನು ನೋಡಿದೊಡನೆ ಹೋಗಿ ಪಪ್ಪಾ ಎಂದು ತಬ್ಬಿಕೊಂಡಿರಂತೆ.

ರಣಬೀರ್ ಕೂಡಾ ಖುಷಿಯಿಂದ ಆರಾಧ್ಯಳನ್ನು ಅಪ್ಪಿಕೊಂಡಿದ್ದಾರೆ. ಆದರೆ ನಂತರ ಅದು ತನ್ನ ಅಪ್ಪ ಅಲ್ಲ ಎಂದು ಆರಾಧ್ಯಗೆ ಅರಿವಾಗಿದೆ.

ಆ ಘಟನೆ ನಡೆದಾಗಿನಿಂದ ಇಂದಿನವರೆಗೂ ಆರಾಧ್ಯ ಎಲ್ಲಾದರೂ ರಣಬೀರ್ ಕಪೂರನ್ನು ನೋಡಿದರೆ ನಾಚಿಕೊಳ್ಳುತ್ತಾರಂತೆ.

ಅಮಿತಾಬ್ ಬಚ್ಚನ್ ಜೊತೆ ಆರಾಧ್ಯ.

ಆರಾಧ್ಯ.

ಐಶ್ವರ್ಯ ರೈ ಹಾಗೂ ನಟ ಅಭಿಷೇಕ್ ಬಚ್ಚನ್ ದಂಪತಿಯ ಪ್ರೀತಿಯ ಮಗಳು ಆರಾಧ್ಯ.

ಐಶ್ವರ್ಯ ರೈ ಹಾಗೂ ನಟ ಅಭಿಷೇಕ್ ಬಚ್ಚನ್ ದಂಪತಿಯ ಪ್ರೀತಿಯ ಮಗಳು ಆರಾಧ್ಯ.