Aishwarya Rai ನಟಿಸಬೇಕಿದ್ದ ಐದು ಸಿನಿಮಾಗಳನ್ನು ಕೈ ತಪ್ಪುವಂತೆ ಮಾಡಿದ್ದರು ಶಾರುಖ್ ಖಾನ್!

ಪ್ರಾರಂಭದಲ್ಲಿ ಬಾಲಿವುಡ್ ನಟಿ ಐಶ್ವರ್ಯಾ ರೈ ಬಚ್ಚನ್ ಮತ್ತು ಶಾರುಖ್ ಖಾನ್ ಅನೇಕ ಸಿನಿಮಾಗಳಲ್ಲಿ ಜೋಡಿಯಾಗಿ ನಟಿಸಿದ್ದರು. ಅದರಲ್ಲಿ ಜನಪ್ರಿಯತೆ ಗಳಿಸಿದ ದೇವದಾಸ್, ಜೋಶ್ ಮತ್ತು ಮೊಹಬ್ಬತೀನ್ ಸಿನಿಮಾದಲ್ಲಿ ಈ ಜೋಡಿಗಳ ಕೆಮೆಸ್ಟ್ರಿ ಸಖತ್ತಾಗಿ ವರ್ಕ್ ಆಗಿತ್ತಲ್ಲದೆ. ಅಭಿಮಾನಿಗಳ ಮನಗೆದ್ದಿದ್ದರು. ಆದರೆ ಆ ಬಳಿಕ ಶಾರುಖ್ ಮತ್ತು ಐಶ್ವರ್ಯಾ ರೈ ಅವರು ಒಟ್ಟಾಗಿ ನಟಿಸಿದ್ದು ಕಡಿಮೆ. ಅದರಲ್ಲೂ ಶಾರುಖ್ ನಟನೆಯ ಕೆಲ ಸಿನಿಮಾಗಳಿಗೆ ನಾಯಕಿಯಾಗಿ ಆಯ್ಕೆಯಾದ ಐಶ್ವರ್ಯ ಅವರನ್ನು ಬದಲಾಯಿಸಿದ್ದರಂತೆ. ಈ ವಿಚಾರವಾಗಿ ಐಶ್ವರ್ಯಾ ಹೇಳಿಕೊಂಡಿದ್ದರು.

ಐಶ್ವರ್ಯಾ ರೈ ‘‘ಚಲ್ತೆ ಚಲ್ತೆ ’’ಸಿನಿಮಾಗೆ ಮೊದಲು ಆಯ್ಕೆಯಾಗಿದ್ರು. ಆದರೆ ಇವರ ಬದಲಿಗೆ ರಾಣಿ ಮುಖರ್ಜಿ ಅವರನ್ನು ಹಾಕಿಕೊಳ್ಳಲಾಯಿತು. ಮಾಹಿತಿ ಪ್ರಕಾರ ಸಲ್ಮಾನ್ ಖಾನ್ ವಿಚಾರವಾಗಿ ಶಾರುಖ್ ಖಾನ್​ ಐಶ್ವರ್ಯಾ ಅವರ ಬದಲಿಗೆ ರಾಣಿ ಮುಖರ್ಜಿ ಅವರನ್ನು ನೇಮಿಸಿಕೊಂಡರು ಎಂದು ಹೇಳಲಾಗುತ್ತಿದೆ.

ಶಾರುಖ್ ಖಾನ್​ ಕೇವಲ ಒಂದು ಸಿನಿಮಾವಲ್ಲ ಒಟ್ಟು ಐದು ಸಿನಿಮಾಗಳಿಂದ ಐಶ್ವರ್ಯಾ ಅವರನ್ನು ದೂರ ಉಳಿಸಿಕೊಂಡಿದ್ದರು. ಅದರಲ್ಲಿ ಒಂದು ವೀರ-ಜಾರಾ ಸಿನಿಮಾವಾಗಿದೆ. ಇದರಲ್ಲಿ ಪ್ರೀತಿ ಜಿಂಟಾ ಹೆಜ್ಜೆ ಹಾಕಿದ್ದಾರೆ.

ಐಶ್ವರ್ಯಾ ಈ ವಿಚಾರವನ್ನು ಚಾಟ್ ಶೋ ಒಂದರಲ್ಲಿ ಹಂಚಿಕೊಂಡಿದ್ದರು. ನಾನು ಶಾರುಖ್ ಖಾನ್ ಒಟ್ಟಾಗಿ ನಟಿಸಬೇಕಾಗಿದ್ದ ಸಿನಿಮಾಗಳು ಕೈ ತಪ್ಪಿ ಹೋದವು ಆದರೆ ಈ ರೀತಿ ಯಾಕಾಯಿತು? ಎಂದು ನನಗೆ ತಿಳಿದಿಲ್ಲ ಎಂದು ಹೇಳಿದ್ದರು.

ಕೆಲವು ಸಿನಿಮಾಗಳಿಂದ ನನನ್ನು ಹೊರಹಾಕಲಾಯಿತು. ಆದರೆ ಈವಾಗಲು ತಿಳಿದಿಲ್ಲ ನನಗೆ ಯಾಕೆ ಹೀಗಾಯಿತು ಎಂದು. ಈ ವಿಚಾರವಾಗಿ ನಾನು ಯಾರನ್ನು ಕೇಳಲು ಹೋಗುವುದಿಲ್ಲ ಎಂದು ಐಶ್ವರ್ಯಾ ಹೇಳಿದ್ದರು.

ಆದರೆ 2009ರಲ್ಲಿ ಕರಣ್ ಜೋಹರ್ ಹುಟ್ಟಹಬ್ಬದ ಪಾರ್ಟಿ ಸಮಯದಲ್ಲಿ ಶಾರುಖ್ ಖಾನ್ ಈ ವಿಚಾರವಾಗಿ ಐಶ್ವರ್ಯಾ ಅವರೊಂದಿಗೆ ಕ್ಷಮೆ ಕೇಳುತ್ತಾರೆ. ಐಶ್ವರ್ಯಾ ಕೂಡ ಕ್ಷಮಿಸಿ ಬಿಡುತ್ತಾರೆ. ನಂತರ ಶಾರುಖ್ ಮತ್ತು ಗೌರಿ ಖಾನ್ ಅವರು ಐಶ್ವರ್ಯಾ ಮತ್ತು ಅಭಿಷೇಕ್ ಬಚ್ಚನ್ ಅವರನ್ನು ತಮ್ಮ ಮನೆಗೆ ಕರೆಸಿಕೊಳ್ಳುತ್ತಾರೆ. ಮಾತ್ರವಲ್ಲದೆ ಸಣ್ಣದಾಗಿ ಪಾರ್ಟಿ ಮಾಡುತ್ತಾರೆ .