Aishwarya Rai: ಯಾರಿಗೂ ಡೇಟ್ಸ್ ಕೊಡದ ಐಶ್ ಮಣಿರತ್ನಂ ಕರೆದ ಕೂಡಲೇ ಓಡೋಡಿ ಬಂದಿದ್ದೇಕೆ? ಸೌತ್ ನಿರ್ದೇಶಕ ಯಾಕಿಷ್ಟು ಕ್ಲೋಸ್?

ಬಾಲಿವುಡ್​ನ ಖ್ಯಾತ ನಟಿ, ಮಾಜಿ ಮಿಸ್​ ವರ್ಲ್ಡ್​ ಐಶ್ವರ್ಯಾ ರೈ ಬಚ್ಚನ್ ಕೊನೆಯಬಾರಿ ಸಿನಿಮಾ ಮಾಡಿದ್ದು ಬಾಲಿವುಡ್​ನಲ್ಲಿ. 2016ರಲ್ಲಿ ರಿಲೀಸ್ ಆದ ಯೇ ದಿಲ್ ಹೆ ಮುಷ್​ಕಿಲ್ ಸಿನಿಮಾದಲ್ಲಿ ಇವರು ರಣಬೀರ್ ಕಪೂರ್ ಹಾಗೂ ಅನುಷ್ಕಾ ಶರ್ಮಾ ಜೊತೆ ನಟಿಸಿದ್ದರು.

ಆದರೆ ನಂತರ ಐಶ್ವರ್ಯಾ ಸಿನಿಮಾ ಮಾಡಲೇ ಇಲ್ಲ. ಮಗಳು ಆರಾಧ್ಯ ದೊಡ್ಡವಳಾದ ಮೇಲೆ ಕೂಡಾ ಐಶ್ವರ್ಯಾ ಕೆಲಸ ಮಾಡಲಿಲ್ಲ. ಬಾಲಿವುಡ್​ನಿಂದ ತೊಡಗಿ ಸ್ಟಾರ್ ಡೈರೆಕ್ಟರ್​ಗಳೆಲ್ಲ ಐಶ್ ಬೇಬಿಯ ಡೇಟ್ಸ್​ಗಾಗಿ ಕಾದಿದ್ದೇ ಬಂತು.

ಯಾರಿಗೂ ಡೇಟ್ಸ್ ಕೊಡದ, ಸಿನಿಮಾ, ಅಭಿನಯ, ಜಾಹೀರಾತುಗಳಿಂದ ದೂರವೇ ನಿಂತಿದ್ದ ಐಶ್ವರ್ಯಾ ರೈ ತಮಿಳು ಚಿತ್ರರಂಗದ ನಿರ್ದೇಶಕ ಮಣಿರತ್ನಂ ಕರೆದ ಕೂಡಲೇ ಎರಡನೇ ಮಾತಿಲ್ಲದೆ ಓಡೋಡಿ ಬಂದರು. ಬಾಲಿವುಡ್ ಸ್ಟಾರ್ ನಿರ್ದೇಶಕರಿಗೇ ಡೇಟ್ಸ್ ಕೊಡದ ಐಶ್ ಮಣಿರತ್ನಂ ಅವರಿಗೆ ಅಷ್ಟು ಸುಲಭವಾಗಿ ಯಾಕೆ ಡೇಟ್ಸ್ ಕೊಟ್ಟರು? ಇವರ ನಡುವಿನ ಡೀಪ್ ಬಾಂಡಿಂಗ್ ಬಗ್ಗೆ ನಿಮಗೆ ಗೊತ್ತೇ?

ಯಾವುದೇ ನಟಿ ಮಿಸ್ ವರ್ಲ್ಡ್ ಅಥವಾ ಮಿಸ್ ಇಂಡಿಯಾ ಆದಾಗಲೂ ಅವರಿಗೆ ಮೊದಲ ಅವಕಾಶ ಸಿಗುವುದು ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿಯೇ. ಇದು ಐಶ್ವರ್ಯಾ, ಪ್ರಿಯಾಂಕಾ ಚೋಪ್ರಾ ವಿಚಾರದಲ್ಲಿಯೂ ನಿಜವಾಗಿದೆ. 1997ರಲ್ಲಿ ಐಶ್ವರ್ಯಾ ರೈ ಮೊದಲ ಬಾರಿ ನಟನೆಗೆ ಪಾದಾರ್ಪಣೆ ಮಾಡಿದರು. ಅದೂ ಕೂಡಾ ಸೌತ್ ಸಿನಿಮಾ ಮೂಲಕವೇ.

ಸೌತ್ ಸಿನಿಮಾದಲ್ಲಿ ಮಾಂತ್ರಿಕನೆಂದೇ ಕರೆಯಲ್ಪಡುವ ನಿರ್ದೇಶಕ ಮಣಿರತ್ನಂ ಅವರ ಇರುವರ್ ಸಿನಿಮಾದಲ್ಲಿ ಐಶ್ವರ್ಯಾ ರೈಗೆ ನಟಿಸುವ ಅವಕಾಶ ಸಿಕ್ಕಿತು. ಅಲ್ಲಿಂದ ಶುರುವಾಗಿದ್ದು ಐಶ್ ಹಾಗೂ ಮಣಿರತ್ನಂ ಸಂಬಂಧ. ನಂತರ ಈ ಕಾಂಬಿನೇಷನ್​ನಲ್ಲಿ ಬಂದ ಅಷ್ಟೂ ಸಿನಿಮಾ ಸೂಪರ್​​ಹಿಟ್ ಆದವು.

ಐಶ್ವರ್ಯಾ ರೈ ಮಣಿ ರತ್ನಂ ಜೊತೆ ಹಲವಾರು ಸಿನಿಮಾಗಳಲ್ಲಿ ಕೆಲಸ ಮಾಡಿದರು. ಇರುವರ್, ಗುರು, ರಾವಣ್, ಪೊನ್ನಿಯಿನ್ ಸೆಲ್ವನ್ ಸೇರಿದಂತೆ ಈ ಕಾಂಬಿನೇಷನ್​ನಲ್ಲಿ ಬಂದ ಅಷ್ಟೂ ಸಿನಿಮಾಗಳು ಭಾರೀ ಪ್ರಶಂಸೆಗೆ ಪಾತ್ರವಾಯಿತು.

ಹಾಗಾಗಿ ಮಣಿ ರತ್ನಂ ಹಾಗೂ ಐಶ್ವರ್ಯಾ ರೈ ಮಧ್ಯೆ ಈ ಬಾಂಡಿಂಗ್ ಮೊದಲಿನಿಂದಲೂ ಇದೆ. ಮಣಿ ರತ್ನಂ ಅವರು ಐಶ್ವರ್ಯಾ ರೈ ಅವರನ್ನು ಮೊದಲಬಾರಿಗೆ ಹೀರೋಯಿನ್ ಆಗಿ ಪರಿಚಯಿಸಿದರು. ನಂತರ ಬಾಲಿವುಡ್​ನಲ್ಲಿಯೂ ಐಶ್​ಗೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ.

ಮಣಿ ರತ್ನಂ ಪೊನ್ನಿಯಿನ್ ಸೆಲ್ವನ್ ಸಿನಿಮಾ ಮಾಡಲು ಹೊರಟಾಗಲೂ ಅವರು ನಂದಿನಿ ಪಾತ್ರಕ್ಕೆ ಐಶ್ವರ್ಯಾ ರೈ ಅವರನ್ನು ಫಿಕ್ಸ್ ಮಾಡಿದ್ದರು. ಆ ಪಾತ್ರವನ್ನು ಐಶ್ವರ್ಯಾ ಅಲ್ಲದೆ ಬೇರೆ ಯಾರಿಗೂ ನೀಡಲು ಅವರು ಸಿದ್ಧರಿರಲಿಲ್ಲ.

ಸಿನಿಮಾ ಆರಂಭಿಸುವ ಮೊದಲು ತ್ರಿಶಾ ಮನಸಿನಲ್ಲಿ ಒಂದು ಆಸೆ ಇತ್ತು. ನಟಿ ತ್ರಿಶಾ ಅವರು ಪೊನ್ನಿಯಿನ್ ಸೆಲ್ವನ್​ನಲ್ಲಿ ನಂದಿನಿ ಪಾತ್ರ ಮಾಡಲು ಬಯಸಿದ್ದರು. ಇದನ್ನು ನಿರ್ದೇಶಕ ಮಣಿರತ್ನಂ ಅವರಲ್ಲಿ ಹೇಳಿದ್ದರು ಕೂಡಾ.

ಆದರೆ ಮಣಿರತ್ನಂ ಒಂದೇ ಏಟಿಗೆ ನೋ ಎಂದುಬಿಟ್ಟಿದ್ದಾರೆ. ಈ ವಿಚಾರವಾಗಿ ನಟಿ ತ್ರಿಶಾ ಅವರೇ ಸಂದರ್ಶನವೊಂದರಲ್ಲಿ ಹಳೆ ಘಟನೆಯನ್ನು ಶೇರ್ ಮಾಡಿದ್ದಾರೆ. ನಂದಿನಿ ಪಾತ್ರ ಕೇಳಿದಾಗ ಮಣಿರತ್ನಂ ಏನು ಹೇಳಿದರು ಎನ್ನುವುದನ್ನು ಕೂಡಾ ರಿವೀಲ್ ಮಾಡಿದ್ದಾರೆ.

ನನಗೆ ನಂದಿನಿ ಪಾತ್ರ ಇಷ್ಟ. ಹಾಗೆಯೇ ನಂದಿನಿ ಪಾತ್ರವನ್ನು ಮಾಡುವುದಕ್ಕೂ ಇಷ್ಟ. ನಾನು ಮಣಿರತ್ನಂ ಸರ್ ಅವರ ಆಫೀಸ್​ಗೆ ಹೋದಾಗ ಈ ವಿಚಾರ ಹೇಳಿದ್ದೆ. ಆದರೆ ಅವರು ಸಾಧ್ಯವಿಲ್ಲ ಎಂದರು.

ನಾವು ಸೈನ್ ಮಾಡಿರುವ ಮೊದಲ ವಿಚಾರವೇ ಅದು. ಅದು ಮುಗಿದಾಗಿದೆ. ಐಶ್ ಮಾತ್ರ ಅದನ್ನು ಮಾಡಲು ಸಾಧ್ಯ ಎಂದರು. ಖಂಡಿತಾ ನಾನವರ ಮಾತನ್ನು ಸಂಪೂರ್ಣವಾಗಿ ಒಪ್ಪುತ್ತೇನೆ ಎಂದಿದ್ದಾರೆ ತ್ರಿಶಾ.

ನಂದಿನಿ ಈ ಸಿನಿಮಾದ ಪ್ರಮುಖ ವಿಲನ್. ರಾಣಿ ನಂದಿನಿ ಪಾಂಡಿಯ ದೊರೆ ವೀರಪಾಂಡಿಯನ್ ಸಾವಿಗೆ ಪ್ರತೀಕಾರ ತೆಗೆಯಲು ಬಯಸುವುದಲ್ಲದೆ ಚೋಳ ಸಾಮ್ರಾಜ್ಯ ವಶಪಡಿಸಲು ಪ್ರಯತ್ನಿಸುತ್ತಾಳೆ. ಆದರೆ ನಂತರ ಪೆರಿಯ ಪಳುವೆಟ್ಟರಾಯರ್(ಶರತ್ ಕುಮಾರ್) ನಂದಿನಿ ವೀರಪಾಂಡಿಯನ್ ಮಗಳೆಂಬುದನ್ನು ರಿವೀಲ್ ಮಾಡುತ್ತಾರೆ. ಮಧುರಾಂತಕನ್(ರೆಹಮಾನ್) ಆಕೆಯ ಅವಳಿ ಸಹೋದರ ಎನ್ನುವುದನ್ನು ತಿಳಿಸುತ್ತಾರೆ.

ಮಣಿ ರತ್ನಂ ಅವರ ಪೊನ್ನಿಯಿನ್ ಸೆಲ್ವನ್ ಸಿನಿಮಾದ ನಂದಿನಿ ರಾಣಿ ಸ್ಟಾರ್ ನಿರ್ದೇಶಕ ಬಯಸಿದಂತೆಯೇ ತೆರೆಯ ಮೇಲೆ ಮೂಡಿ ಬಂದಿದ್ದಾರೆ. ಐಶ್ವರ್ಯಾ ರೈ ಅಭಿನಯ ಹಾಗೂ ಮಣಿ ರತ್ನಂ ನಿರ್ದೇಶನದ ಮೂಲಕ ನಂದಿನಿ ಪಾತ್ರ ತೆರೆಯ ಮೇಲೆ ಜೀವಂತವಾಗಿದೆ.