Ramya: ಪ್ರಣೀತಾ ವಿವಾಹವಾದ ಬೆನ್ನಲ್ಲೇ ಮತ್ತೆ ಚರ್ಚೆಯಾಗುತ್ತಿದೆ ಮೋಹಕ ತಾರೆ ರಮ್ಯಾ ಮದುವೆ ಸುದ್ದಿ..!

ಉದ್ಯಮಿ ನಿತಿನ್​ ರಾಜು ಅವರನ್ನು ವರಿಸಿರುವ ಪ್ರಣೀತಾ ಸುಭಾಷ್​ ಅವರ ಜೀವನ ಸುಖಕರವಾಗಿರಲೆಂದು ಅಭಿಮಾನಿಗಳು ಹಾಗೂ ಸೆಲೆಬ್ರಿಟಿಗಳು ಹಾರೈಸುತ್ತಿದ್ದಾರೆ.

ಹೀಗಿರುವಾಗಲೇ ಮೋಹಕ ತಾರೆ ರಮ್ಯಾ ಅವರ ಮದುವೆ ಸುದ್ದಿ ಈಗ ಸಾಮಾಜಿಕ ಜಾಲತಾಣದಲ್ಲಿ ಮತ್ತೆ ಚರ್ಚೆಗೆ ಬಂದಿದೆ. ಅಷ್ಟಕ್ಕೂ ಪ್ರಣೀತಾ ಮದುವೆಗೂ ರಮ್ಯಾ ಅವರ ವಿವಾಹದ ಸುದ್ದಿಗೂ ಏನು ಸಂಬಂಧ ಅಂತೀರಾ..? ಮುಂದೆ ಓದಿ ತಿಳಿಯುತ್ತೆ.

ರಮ್ಯಾ ಅವರು ಪ್ರಣೀತಾ ಸುಭಾಷ್​ ಅವರ ಮದುವೆ ಸುದ್ದಿ ತಿಳಿಯುತ್ತಿದ್ದಂತೆ ನವ ಜೋಡಿಗೆ ಶುಭ ಕೋರಿದ್ದಾರೆ.

ಪ್ರಣೀತಾ ಸುಭಾಷ್​ ತಮ್ಮ ಮದುವೆ ಕುರಿತಾಗಿ ಪೋಸ್ಟ್​ ಮಾಡುತ್ತಿದ್ದಂತೆಯೇ ಸೆಲೆಬ್ರಿಟಿಗಳು ನಟಿಗೆ ವಿಶ್​ ಮಾಡಲಾರಂಭಿಸಿದ್ದಾರೆ.

ಪ್ರಣೀತಾರ ಆ ಪೋಸ್ಟ್​ಗೆ ರಮ್ಯಾ ಸಹ ಕಮೆಂಟ್​ ಂಆಡಿದ್ದಾರೆ. ರಮ್ಯಾ ಅವರು ಶುಭ ಕೋರುತ್ತಿದ್ದಂತೆಯೇ ನೆಟ್ಟಿಗರು ನಿಮ್ಮ ಮದುವೆ ಯಾವಾಗ ಅಂತ ಪ್ರಶ್ನೆ ಮಾಡಲಾರಂಭಿಸಿದ್ದಾರೆ.

ಇನ್ನು ರಮ್ಯಾ ಮದುವೆ ಯಾವಾಗ ಎನ್ನುತ್ತಿರುವ ನೆಟ್ಟಿಗರಿಗೆ ನಟಿಯ ಅಭಿಮಾನಿಗಳು ಸರಿಯಾದ ಉತ್ತರ ನೀಡಿದ್ದಾರೆ.

ಅವರ ಜೀವನ ಅವರ ಇಷ್ಟ ಎಂದು ಅಭಿಮಾನಿಗಳು ರಮ್ಯಾ ಅವರ ಪರ ನಿಂತಿದ್ದಾರೆ.

ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ರಮ್ಯಾ ಮದುವೆ ವಿಷಯ ಚರ್ಚೆಗೆ ಬರುತ್ತಲೇ ಇರುತ್ತದೆ.

ಆದರೆ ರಮ್ಯಾ ಮಾತ್ರ ಈ ಕುರಿತಾಗಿ ತಮ್ಮ ಮೌನ ಮುರಿದಿಲ್ಲ.

ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ರಮ್ಯಾ ಸಹ ಕಲಾವಿದರ ಖುಷಿಯಲ್ಲಿ ಭಾಗಿಯಾಗುತ್ತಾ ಅವರಿಗೆ ಒಳ್ಳೆಯದನ್ನೇ ಬಯಸುತ್ತಿರುತ್ತಾರೆ.