Kichcha Sudeep: ವಿಕ್ರಾಂತ್​ ರೋಣ ಡಬ್ಬಿಂಗ್​ ಮುಗಿಸಿ ಹೊಸ ಅಪ್ಡೇಟ್​ ಕೊಟ್ಟ ಕಿಚ್ಚ ಸುದೀಪ್​..!

ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ಕಿಚ್ಚ ಸುದೀಪ್​ ತಮ್ಮ ಸಿನಿಮಾಗಳ ಬಗ್ಗೆ ಹೊಸ ಹೊಸ ಮಾಹಿತಿ ಹಂಚಿಕೊಳ್ಳೋಕೆ ಆರಂಭಿಸಿದ್ದಾರೆ.

ಸುದೀಪ್​ ಅಭಿನಯದ ಸಾಲು ಸಾಲು ಸಿನಿಮಾಗಳು ತೆರೆ ಕಾಣಲು ತುದಿಗಾಲಿನಲ್ಲಿವೆ.

ಸುದೀಪ್​ ಅಭಿನಯಿಸಿರುವ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಕೋಡಿಗೊಬ್ಬ 3 ಹಾಗೂ ವಿಕ್ರಾಂತ್ ರೋಣ ಮುಂದಿದೆ.

ಕಿಚ್ಚ ಸುದೀಪ್​ ಇತ್ತೀಚೆಗಷ್ಟೆ ವಿಕ್ರಾಂತ್​ ರೋಣ ಸಿನಿಮಾದ ಡಬ್ಬಿಂಗ್ ಆರಂಭಿಸಿರುವುದಾಗಿ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದರು.

ಡಬ್ಬಿಂಗ್​ನಲ್ಲಿ ಬಾಗಿಯಾಗಿದ್ದ ಫೋಟೋವನ್ನೂ ಸುದೀಪ್​ ಹಾಗೂ ನಿರ್ದೇಶಕ ಅನೂಪ್ ಭಂಡಾರಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದರು.

ಈಗ ಇದೇ ಸುದೀಪ್​ ಅವರು ಡಬ್ಬಿಂಗ್ ಮುಗಿಸಿದ್ದು, ಸಿನಿಮಾ ಕುರಿತಾದ ಹೊಸ ಅಪ್ಡೇಟ್​ ಒಂದನ್ನೂ ಕೊಟ್ಟಿದ್ದಾರೆ.

ವಿಕ್ರಾಂತ್ ರೋಣ ಸಿನಿಮಾದ ಡಬ್ಬಿಂಗ್ ಮುಗಿಸಿದ್ದು, ಹಾಡಿನ ಚಿತ್ರೀಕರಣಕ್ಕಾಗಿ ಎದುರು ನೋಡುತ್ತಿರುವುದಾಗಿ ಸುದೀಪ್​ ಖುಷಿಯಿಂದ ಟ್ವೀಟ್​ ಮಾಡಿದ್ದಾರೆ.

ವಿಕ್ರಾಂತ್ ರೋಣ ಸಿನಿಮಾದ ಹಾಡಿನ ಚಿತ್ರೀಕರಣ ಬಾಕಿ ಉಳಿದಿದ್ದು, ಅದು ಸದ್ಯದಲ್ಲೇ ಆರಂಭವಾಗಲಿದೆ ಅನ್ನೋ ಸುಳಿವನ್ನು ನೀಡಿದ್ದಾರೆ ಸುದೀಪ್​.

ವಿಕ್ರಾಂತ್​ ರೋಣನ ಪ್ರಪಂಚ ನೋಡಲು ತುಂಬಾ ಥ್ರಿಲ್ ಆಗಿದೆ. 3ಡಿ ವರ್ಷನ್​ನಲ್ಲಿ ಕೆಲವು ದೃಶ್ಯಗಳನ್ನು ವೀಕ್ಷಿಸಿದ್ದು, ಅವು ಸಖತ್ತಾಗಿವೆ ಎಂದಿದ್ದಾರೆ ಸುದೀಪ್​.

ಸಿನಿಮಾದ ಬಗ್ಗೆ ಕಿಚ್ಚ ಸುದೀಪ್​ ಅವರು ಕೊಟ್ಟ ಅಪ್ಡೇಟ್​ ನೋಡಿದ ಮೇಲೆ ಅಭಿಮಾನಿಗಳು ವಿಕ್ರಾಂತ್ ರೋಣನ ಆಗಮನಕ್ಕಾಗಿ ಮತ್ತಷ್ಟು ಕಾತರರಾಗಿದ್ದಾರೆ.