ವಿಚ್ಛೇದನದ ನಂತರ ಫೋಟೋಶೂಟ್​ಗೆ ಪೋಸ್​ ಕೊಟ್ಟ Samantha: ಇದರಲ್ಲಿ ಮಿಸ್​ ಆಗಿದ್ದೇನು ಗಮನಿಸಿ..?

ಸಮಂತಾ ಅವರು ತಮ್ಮ ವಿಚ್ಛೇದನದ ವಿಷಯದ ಕುರಿತಾಗಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ ನಂತರ ಇದೇ ಮೊದಲು ಫೋಟೋಶೂಟ್​ ಒಂದಕ್ಕೆ ಪೋಸ್​ ಕೊಟ್ಟಿದ್ದಾರೆ. ಅವರ ಈ ಲೆಟೆಸ್ಟ್ ಫೋಟೋಶೂಟ್​ನ ಚಿತ್ರಗಳು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.

ಫೋಟೋಶೂಟ್​ಗಳಲ್ಲಿ ಸದಾ ನಗು ಮುಖದಿಂದ ಪೋಸ್​ ಕೊಡುತ್ತಿದ್ದ ಸಮಂತಾ ಅವರು, ಈ ಸಲ ತುಂಬಾ ಬೇರಸದಲ್ಲಿರುವಂತೆ ಕಾಣುತ್ತಿದೆ. ಅವರ ಮುಖದಲ್ಲಿ ಸಂತೋಷಕ್ಕಿಂತ ನೋವು ಕಾಣಿಸುತ್ತಿದೆ.

ನಟಿಯ ಮುಖದಲ್ಲಿರುತ್ತಿದ್ದ ನಗು ಈಗ ಮಾಯವಾಗಿದೆ. ಅಲ್ಲದೆ ಇತ್ತೀಚೆಗೆ ಹೈದರಾಬಾದಿನ ಕಾಲೇಜೊಂದರಲ್ಲಿ ನಡೆಯುತ್ತಿದ್ದ ಜಾಹೀರಾತಿನ ಚಿತ್ರೀಕರಣದಲ್ಲಿ ಸಮಂತಾ ಇದ್ದಕ್ಕಿದ್ದಂತೆ ಕಣ್ಣೀರಿಟ್ಟಿದ್ದಾರೆ.

ಈ ವಿಷಯವನ್ನು ಅವರ ಜತೆ ಶೂಟಿಂಗ್​ ಸೆಟ್​ನಲ್ಲಿದ್ದವರೇ ಬಹಿರಂಗಪಡಿಸಿದ್ದರು. ಅಲ್ಲದೆ ಸಮಂತಾ ಅವರನ್ನು ಪತಿಯಿಂದ ದೂರಾಗಿರುವ ನೋವು ಕಾಡುತ್ತಿದೆ. ವಿಚ್ಛೇದನ ಅನ್ನೋದು ಒಂದು ನೋವಿನಿಂದ ಕೂಡಿದ ಪ್ರಕ್ರಿಯೆ ಅಂತ ಸಮಂತಾ ಹೇಳಿಕೊಂಡಿದ್ದಾರೆ. 

ಸಮಂತಾ ಅವರಿಗೆ ಅಫೇರ್ಸ್​ ಇವೆ, ಅವರಿಗೆ ಮಕ್ಕಳು ಮಾಡಿಕೊಳ್ಳುವ ಮನಸ್ಸಿರಲಿಲ್ಲ, ಅಲ್ಲದೆ ಅಬಾರ್ಷನ್​ ಮಾಡಿಸಿಕೊಂಡಿದ್ದಾರೆ ಅನ್ನೋ ವದಂತಿಗಳೂ ಸದ್ಯ ಹರಿದಾಡುತ್ತಿವೆ. ಇದರಿಂದಲೂ ಸಮಂತಾ ಮಾನಸಿಕವಾಗಿ ಕುಗ್ಗಿ ಹೋಗಿದ್ದಾರೆ.

ಇನ್ನು ತಮ್ಮ ಬಗ್ಗೆ ಸುಳ್ಳು ಸುದ್ದಿ ಹಬ್ಬಿಸುತ್ತಿರುವವರ ವಿರುದ್ಧ ಸಮಂತಾ ಅವರು ಎಚ್ಚರಿಕೆ ಸಹ ಕೊಟ್ಟಿದ್ದಾರೆ. ಹುರಳಿಲ್ಲದ ವದಂತಿಗಳನ್ನು ಹಬ್ಬಿಸಿ, ನನ್ನನ್ನು ನೀವು ಒಳಗಿನಿಂದ ಮುರಿಯುವ ಪ್ರಯತ್ನ ಮಾಡಬಹುದು. ಆದರೆ ಅದು ನಿಮ್ಮಿಂದ ಸಾಧ್ಯವಿಲ್ಲ ಎಂದಿದ್ದಾರೆ.