Vaishnavi Gowda: ಬಂಟಿ ಜೊತೆ ಸಖತ್ ಕ್ಲೋಸ್ ವೈಷ್ಣವಿ ಗೌಡ, ಯಾರದು ನೋಡಿ!

ಪ್ರೇಕ್ಷಕರಿಗೆ ಸನ್ನಿಧಿಯಂತಲೇ ಪರಿಚಯವಿರುವ ವೈಷ್ಣವಿ ಗೌಡ ಅವರು ಕನ್ನಡ ಕಿರುತೆರೆಲೋಕದ ಜನಪ್ರಿಯ ನಟಿ. ಅಗ್ನಿಸಾಕ್ಷಿ ಮೂಲಕ ಜನರ ಮನಸ್ಸಿನಲ್ಲಿ ನೆಲೆಯೂರಿದ್ದಾರೆ. ವೈಷ್ಣವಿ ಅವರು ಬಂಟಿ ಜೊತೆ ಬಂಟಿ ಜೊತೆ ಭಾರೀ ಕ್ಲೋಸ್ ಅಂತೆ.

ವೈಷ್ಣವಿ ಗೌಡ ಅವರು ಬಂಟಿ ವಿವಿಧ ಪೋಸ್‍ಗಳು ಎಂದು ಹೊಸ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಎಲ್ಲಾ ಫೋಟೋದಲ್ಲೂ ಬಂಟಿ ವಿಭಿನ್ನವಾಗಿ ಪೋಸ್ ಕೊಟ್ಟಿದ್ದಾನೆ.

ಬಂಟಿ ಅಂದ್ರೆ ವೈಷ್ಣವಿ ಅವರು ಸಾಕಿರುವ ಪ್ರೀತಿಯ ಶ್ವಾನ. ವೈಷ್ಣವಿಗೆ ಪ್ರಾಣಿಗಳಂದ್ರೆ ತುಂಬಾ ಇಷ್ಟ ಅಂತೆ. ಅದರಲ್ಲೂ ನಾಯಿಗಳನ್ನು ಸಾಕೋದು ಕ್ರೇಜ್ ಇದೆಯಂತೆ. ಸಾಕು ಪ್ರಾಣಿಗಳ ಪ್ರೀತಿ ಮರೆಯೋಕೆ ಆಗಲ್ಲ ಎಂದಿದ್ದಾರೆ.

ಬಂಟಿ ಜೊತೆ ಇರುವ ಫೋಟೋಗಳನ್ನು ವೈಷ್ಣವಿ ಅವರು ಶೇರ್ ಮಾಡಿದ್ದಾರೆ. ಅದಕ್ಕೆ ಹುಟ್ಟುಹಬ್ಬ ಮಾಡಿದ್ದಾರೆ. ಕೇಕ್ ಮಾಡಿಸಿ ತಿನ್ನಿಸಿದ್ದಾರೆ. ಅದರ ಜೊತೆ ಸದಾ ಕಾಲ ಕಳೆಯುತ್ತಾರೆ.

ವೈಷ್ಣವಿ ಗೌಡ ಅವರು ಶೇರ್ ಮಾಡಿರುವ ಫೋಟೋಗಳಿಗೆ ಹತ್ತೇ ನಿಮಿಷದಲ್ಲಿ 18 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿವೆ. ತಮ್ಮ ಅದ್ಭುತ ನಟನೆ ಮೂಲಕ ಸನ್ನಿಧಿ ಅಸಂಖ್ಯಾತ ಅಭಿಮಾನಿಗಳು ಗಳಿಸಿದ್ದಾರೆ.

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ಅಗ್ನಿಸಾಕ್ಷಿ ಧಾರಾವಾಹಿ ಮೂಲಕ ಅಪಾರ ಅಭಿಮಾನಿಗಳನ್ನು ಗಳಿಸಿದ್ದಾರೆ. ಈಗಲೂ ಸನ್ನಿಧಿ ಪಾತ್ರವನ್ನು ಜನ ಮರೆತಿಲ್ಲ. ಅಷ್ಟು ಅಮೋಘವಾಗಿತ್ತು ಅವರ ಅಭಿನಯ.

ಇನ್ನು ಮುಂದೆ ವೈಷ್ಣವಿ ಅವರು ಜೀ ಕನ್ನಡದಲ್ಲಿ ಪ್ರಸಾರವಾಗಲಿರುವ ಸೀತಾರಾಮ ಎನ್ನುವ ಧಾರಾವಾಹಿಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಮೊದಲ ಬಾರಿ ವೈಷ್ಣವಿ ಅವರು ತಾಯಿ ಪಾತ್ರ ನಿರ್ವಹಿಸಲು ಸಜ್ಜಾಗಿದ್ದಾರೆ. ಆದ್ರೆ ಈ ಸೀರಿಯಲ್ ಅನ್ನು ಯಶಸ್ವಿಯಾಗಿ ಮುನ್ನಡೆಸಲು ಚಾನೆಲ್ ಹೊಸ ನಿರ್ಮಾಪಕರನ್ನು ಹುಡುಕುತ್ತಿದ್ದಾರೆ. ಹಾಗಾಗಿ ಈ ಸೀರಿಯಲ್ ಪ್ರಸಾರ ತಡವಾಗುತ್ತಿದೆ.

ವೈಷ್ಣವಿ ಗೌಡ ಅವರು ಸದಾ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿರುತ್ತಾರೆ. ಆಗಾಗ ಫೋಟೋಗಳನ್ನು ಶೇರ್ ಮಾಡ್ತಾ ಇರ್ತಾರೆ. ಅಲ್ಲದೇ ಯೂಟ್ಯೂಬ್ ಚಾನೆಲ್ ನಲ್ಲಿ ವಿಡಿಯೋಗಳನ್ನು ಶೇರ್ ಮಾಡ್ತಾ ಇರ್ತಾರೆ.