Vaishnavi Gowda: ಮತ್ತೆ ಒಂದಾದ ಬಿಗ್ ಬಾಸ್ ಸ್ನೇಹಿತರು, ರಘು ಜೊತೆ ಕಾಣಿಸಿಕೊಂಡ ವೈಷ್ಣವಿ!

ಅಗ್ನಿಸಾಕ್ಷಿ ಧಾರಾವಾಹಿ ಮೂಲಕ ಸನ್ನಿಧಿಯಂತಲೇ ಫೇಮಸ್ ಆಗಿರು ವೈಷ್ಣವಿ ಗೌಡ ಎಲ್ಲರಿಗೂ ಪರಿಚಿತ. ಬಿಗ್ ಬಾಸ್ ಸೀಸನ್ 08ಕ್ಕೆ ಬಂದ ಮೇಲೆ ಇನ್ನಷ್ಟು ಜನರಿಗೆ ಹತ್ತಿರವಾಗಿದ್ದಾರೆ.

ಬಿಗ್ ಬಾಸ್ ಸೀಸನ್ 08ರಲ್ಲಿ ವೈಷ್ಣವಿ ಗೌಡ ಮತ್ತು ರಘು ಗೌಡ ತುಂಬಾ ಆತ್ಮೀಯರಾಗಿದ್ದರು. ಎಲ್ಲರೂ ಇವರ ಫ್ರೆಂಡ್‍ಶಿಪ್ ಇಷ್ಟ ಪಟ್ಟಿದ್ದರು. ಬಿಗ್ ಬಾಸ್ ನಿಂದ ಆಚೆ ಬಂದ ಮೇಲೂ ಅದೇ ಆತ್ಮೀಯತೆಯನ್ನು ಮುಂದುವರೆಸಿದೆ ಈ ಜೋಡಿ.

ವೈಷ್ಣವಿ ಗೌಡ-ರಘು ಗೌಡ ಮತ್ತೆ ಜೊತೆಯಾಗಿದ್ದಾರೆ. ಇಬ್ಬರು ಜೊತೆಗಿರುವ ಫೋಟೋಗಳನ್ನು ವೈಷ್ಣವಿ ಗೌಡ ಅವರು ಶೇರ್ ಮಾಡಿದ್ದಾರೆ. ನನ್ನ ಯೂಟ್ಯೂಬ್ ಚಾನೆಲ್‍ನಲ್ಲಿ ನನ್ನ ಮುಂದಿನ ವಿಡಿಯೋ ಈ ವ್ಯಕ್ತಿಯ ಜೊತೆ ಎಂದು ಪೋಸ್ಟ್ ಹಾಕಿಕೊಂಡಿದ್ದಾರೆ.

ಈ ಜೋಡಿಯನ್ನು ಮತ್ತೆ ಒಟ್ಟಿಗೆ ನೋಡಿ ಅಭಿಮಾನಿಗಳು ಖುಷಿಯಾಗಿದ್ದಾರೆ. ನಿಮ್ಮಿಬ್ಬರನ್ನು ತುಂಬಾ ದಿನವಾದ ಮೇಲೆ ನೋಡಿ ಸಂತೋಷವಾಗಿದೆ. ಇಬ್ಬರೂ ಡೇಟ್ ಮಾಡ್ತಿದ್ದೀರಾ ಎಂದು ಕೆಲವರು ಕೇಳಿದ್ದಾರೆ.

ವೈಷ್ಣವಿ ಗೌಡ ಸೀರಿಯಲ್ ನಟನೆಯಲ್ಲಿ ಬ್ಯುಸಿ ಇದ್ದಾರೆ. ಅದರ ಜೊತೆ ಅವರು ಯೂಟ್ಯೂಬ್ ಚಾನೆಲ್‍ನಲ್ಲೂ ಜನರಿಗೆ ಮಾಹಿತಿಯನ್ನು ತಿಳಿಸುತ್ತಾ ಇರುತ್ತಾರೆ. ಈ ಬಾರಿ ರಘು ಗೌಡ ಮತ್ತು ಅವರ ಸ್ನೇಹದ ಬಗ್ಗೆ ತಿಳಿಸಲಿದ್ದಾರೆ.

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ಅಗ್ನಿಸಾಕ್ಷಿ ಧಾರಾವಾಹಿ ಮೂಲಕ ಅಪಾರ ಅಭಿಮಾನಿಗಳನ್ನು ವೈಷ್ಣವಿ ಅವರು ಗಳಿಸಿದ್ದಾರೆ. ಈಗಲೂ ಸನ್ನಿಧಿ ಪಾತ್ರವನ್ನು ಜನ ಮರೆತಿಲ್ಲ. ಜೀ ಕನ್ನಡದ `ದೇವಿ' ಸೀರಿಯಲ್‍ನಿಂದ ವೈಷ್ಣವಿ ಗೌಡ ಅವರ ಕಿರುತೆರೆ ಪಯಣ ಆರಂಭವಾಯಿತು. ನಂತರ `ಪುನರ್ ವಿವಾಹ'ದಲ್ಲಿ ನಟಿಸಿ ಜನರ ಮನಸ್ಸು ಗೆದ್ದರು.

ಇನ್ನು ಮುಂದೆ ವೈಷ್ಣವಿ ಅವರು ಜೀ ಕನ್ನಡದಲ್ಲಿ ಪ್ರಸಾರವಾಗಲಿರುವ ಸೀತಾರಾಮ ಎನ್ನುವ ಧಾರಾವಾಹಿಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವೈಷ್ಣವಿ ಅವರು ತಾಯಿ ಪಾತ್ರ ನಿರ್ವಹಿಸಲು ಸಜ್ಜಾಗಿದ್ದಾರೆ.ಇದೇ ಮೊದಲ ಬಾರಿಗೆ ವೈಷ್ಣವಿ ಅವರು, ತಾಯಿ ಪಾತ್ರ ಮಾಡ್ತಾ ಇದ್ದಾರೆ. ನಾನು ಕೂಡ ಪಾತ್ರ ನಿಭಾಹಿಸಲು ಸಜ್ಜಾಗಿದ್ದೇನೆ. ಶೀಘ್ರದಲ್ಲೇ ಧಾರಾವಾಹಿ ಪ್ರಸಾರವಾಗಲಿದೆ ಎಂದು ಹೇಳಿದ್ದಾರೆ.

ಸೀತಾರಾಮ ಶೂಟಿಂಗ್ ನಡೆಯುತ್ತಿದೆ. ಆದ್ರೆ ಇನ್ನೂ ಧಾರಾವಾಹಿ ಯಾವಾಗಿನಿಂದ ಶುರುವಾಗಲಿದೆ ಅನ್ನುವ ಮಾಹಿತಿ ಇಲ್ಲ. ವೈಷ್ಣವಿ ಅವರು ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ವಿಡಿಯೋ, ಫೋಟೋ, ರೀಲ್ಸ್ ಗಳನ್ನು ಶೇರ್ ಮಾಡ್ತಾ ಇರ್ತಾರೆ.