Actress: ಕಾರ್ ಅಪಘಾತದಲ್ಲಿ ಖ್ಯಾತ ಕಿರುತೆರೆ ನಟಿ ಸಾವು

ಇಂದು ಬೆಳಗ್ಗೆ ಮುಂಬೈನಲ್ಲಿ ವೈಭವಿ ಉಪಾಧ್ಯಾಯ ಅವರ ಅಂತ್ಯಕ್ರಿಯೆ ನಡೆಯಲಿದೆ ಎಂದು ವರದಿಯಾಗಿದೆ.

ಮಂಗಳವಾರ ಗೆಳೆಯನ ಜೊತೆಯಲ್ಲಿ ವೈಭವಿ ಉಪಾಧ್ಯಯ ಪ್ರಯಾಣಿಸುತ್ತಿದ್ದ ಕಾರ್ ಅಪಘಾತಕ್ಕೆ ಒಳಗಾಗಿತ್ತು. ಮಧ್ಯಾಹ್ನ ಕಾರ್ ಅಪಘಾತ ಸಂಭವಿಸಿದೆ.

ಕಾರ್ ಅಪಘಾತಕ್ಕೆ ನಿಖರ ಕಾರಣ ತಿಳಿದು ಬಂದಿಲ್ಲ. ಇತ್ತ ವಿಷಯ ತಿಳಿಯುತ್ತಿದ್ದಂತೆ ನಟಿ ಕುಟುಂಬದಲ್ಲಿ ಸೂತಕದ ಛಾಯೆ ಆವರಿಸಿದೆ.

ಖ್ಯಾತ ಸಾರಾಭಾಯಿ ವರ್ಸಸ್ ಸಾರಾಭಾಯಿ ಧಾರಾವಾಹಿಯಲ್ಲಿ ವೈಭವಿ ನಟಿಸಿದ್ದರು. ಈ ಧಾರಾವಾಹಿಯಲ್ಲಿ ಜಾಸ್ಮೀನ್ ಪಾತ್ರ ನಟಿಗೆ ಹೆಸರು ತಂದು ಕೊಟ್ಟಿತ್ತು.

ದೀಪಿಕಾ ಪಡುಕೋಣೆಯ ಛಾಪಕ್ ಸಿನಿಮಾದಲ್ಲಿಯೂ ವೈಭವಿ ನಟಿಸಿದ್ದರು.  ಈ ಚಿತ್ರದ ಮೂಲಕ ಬಾಲಿವುಡ್ ಅಂಗಳದಲ್ಲಿ ಗುರುತಿಸಿಕೊಂಡಿದ್ದರು.

ಇನ್ನು ವೈಭವಿ ಅವರ ಜೊತೆಯಲ್ಲಿದ್ದ ಗೆಳೆಯನ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ. ನಟಿಯ ನಿಧನಕ್ಕೆ ಚಿತ್ರರಂಗದ ಗಣ್ಯರು ಕಂಬನಿ ಮಿಡಿದಿದ್ದಾರೆ.

ಈ ಜೀವನ ಅನ್ನೋದು ತುಂಬಾ ಅನಿರೀಕ್ಷಿತ. ಸಾರಾಭಾಯಿ ವರ್ಸಸ್ ಸಾರಾಭಾಯಿ ಧಾರಾವಾಹಿಯ ಜಾಸ್ಮೀನ್ ಪಾತ್ರಧಾರಿಯ ನಟಿ ನಮ್ಮೊಂದಿಗೆ ಇಲ್ಲ. ಉತ್ತರ ಭಾರತದಲ್ಲಿ ನಡೆದ ಅಪಘಾತದಲ್ಲಿ ವೈಭವಿ ಉಪಾಧ್ಯಯ ನಿಧನರಾಗಿದ್ದಾರೆ ಎಂದು ನಿರ್ಮಾಪಕ ಜೆಡಿ ಮಜೆಥಿಯಾ ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.