Actress Tanisha: ಬ್ಲೂ ಫಿಲ್ಮ್‌ನಲ್ಲಿ ನಟಿಸ್ತೀರಾ ಎಂದವನಿಗೆ ಚಪ್ಪಲಿಯಲ್ಲಿ ಹೊಡೆಯುತ್ತಿದ್ದೆ ಎಂದ ನಟಿ! ಬೋಲ್ಡ್ ಆಗಿ ನಟಿಸೋದೇ ತಪ್ಪಾ ಅಂತ ಕಣ್ಣೀರಿಟ್ಟ ತನಿಶಾ

ಇತ್ತೀಚಿಗಷ್ಟೇ ತನಿಶಾ ಬೋಲ್ಡ್ ಆಗಿ ಕಾಣಿಸಿಕೊಂಡಿರುವ ಹಾಡೊಂದು ಬಿಡುಗಡೆ ಆಗಿತ್ತು. ನಟಿ ಬೋಲ್ಡ್ ಅವತಾರ ಕಂಡು ಅನೇಕರು ನೆಗೆಟಿವ್ ಕಮೆಂಟ್ಸ್ ಮಾಡಿದ್ದಾರೆ. ಯೂಟ್ಯೂಬರ್ ಒಬ್ಬರನ್ನು ತರಾಟೆಗೆ ತೆಗೆದುಕೊಂಡ ನಟಿ ತನಿಶಾ ಕುಡಂಪ್ಪ, ಸುದ್ದಿಗೋಷ್ಠಿ ನಡೆಸಿ  ಬೋಲ್ಡ್ ಆಗಿ ಕಾಣಿಸಿಕೊಂಡ್ರೆ ತಪ್ಪೇನು ಎಂದು ಪ್ರಶ್ನೆ ಮಾಡಿದ್ದಾರೆ.

ಸಿನಿಮಾ ಪ್ರಚಾರಕ್ಕಾಗಿ ಯೂಟ್ಯೂಬರ್ ಕಾರ್ಯಕ್ರಮಕ್ಕೆ ತೆರಳಿದ್ದ ನಟಿ ತನಿಶಾಗೆ ನಿರೂಪಕ ನೀವೂ ಬ್ಲೂ ಫಿಲ್ಮ್​​ನಲ್ಲಿ ನಟಿಸ್ತೀರಾ ಎಂದು ಪ್ರಶ್ನೆ ಮಾಡಿದ್ದಾರೆ. ಈ ಪ್ರಶ್ನೆ ಕೇಳಿದ ಸಿಟ್ಟಾದ ನಟಿ ತನಿಶಾ ಆತನನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಇದೀಗ ಸುದ್ದಿಗೋಷ್ಠಿಯಲ್ಲಿ ಪೆಂಟಗನ್ ನಟಿ ತನಿಶಾ ಭಾವುಕರಾದ್ರು. ತಾನು ಸೋಶಿಯಲ್ ಮೀಡಿಯಾದಲ್ಲಿ ಫೇಮಸ್ ಆಗಲು ಇಂತಹ ಪ್ರಶ್ನೆಗಳನ್ನು ಕೇಳಿದ್ದಾನೆ ಎಂದು ಯೂಟ್ಯೂಬರ್ ವಿರುದ್ಧ ನಟಿ ಕಿಡಿಕಾರಿದ್ರು.

ಆತನ ಜೀವನ ಹಾಳಾಗುತ್ತೆ ಅನ್ನೋ ಕಾರಣಕ್ಕೆ ಪೊಲೀಸರಿಗೆ ದೂರು ಕೊಡದೆ ವಾರ್ನ್ ಮಾಡಿ ಬಿಡಿಸಿದ್ದೀವಿ. ಆತನ ಮೇಲೆ ಎಫ್ಐಆರ್ ದಾಖಲಿಸಬಹುದಿತ್ತು. ಆದ್ರೆ ನಾವೇ ಬೇಡ ಎಂದು ಸುಮ್ನೆ ಆಗಿದ್ವಿನಿ. ಆದ್ರೆ ಇದೀಗ ಮತ್ತೆ ಬಾಲ ಬಿಚ್ಚಿದ್ದಾನೆ ಎಂದು ನಟಿ ಆರೋಪಿಸಿದ್ದಾರೆ.

ನಾನು ತುಂಬಾ ಕಷ್ಟ ಪಟ್ಟು ಕೆಲಸ ಮಾಡಿಕೊಂಡು ಬಂದಿದ್ದೇನೆ. ನಾನು ಈ ಸಿನಿಮಾದಲ್ಲಿ ನಟಿಸಲು ಯಾರ ಜೊತೆಯೂ ಯಾವ ರೀತಿಯೂ ಕಾಂಪ್ರಮೈಸ್ ಆಗಿಲ್ಲ ಎಂದು ನಟಿ ತನಿಶಾ ಕಣ್ಣೀರು ಹಾಕಿದ್ದಾರೆ.

ಆ ಯೂಟ್ಯೂಬರ್ ಬ್ಲೂ ಫಿಲ್ಮ್ಂ ಮಾಡ್ತೀರಾ ಎಂದು ಪ್ರಶ್ನೆ ಮಾಡಿದಾಗ ಆತನಿಗೆ ಚಪ್ಪಲಿಯಲ್ಲಿ ಹೊಡೆಯಬೇಕು ಅಂದುಕೊಂಡೆ. ಆದ್ರೆ ನಮ್ಮ ಮನೆಯವರ ಬಗ್ಗೆ ಯೋಚನೆ ಮಾಡಿ ಸುಮ್ಮನೆ ಆಗಿದ್ದೇನೆ ಎಂದು ನಟಿ ಹೇಳಿದ್ರು.

ಅಮ್ಮನ ಅರೋಗ್ಯ ಸರಿ ಇಲ್ಲ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ರೆ ಸಮಸ್ಯೆ ಅಂತ ಸುಮ್ಮನಾದೆ. ಅಮ್ಮನ ಅರೋಗ್ಯ ಸರಿ ಇದ್ದಿದ್ರೆ ಖಂಡಿತಾ ನಾನು ಆತನಿಗೆ ಬಾರಿಸ್ತಿದ್ದೆ. ನಾನು ಪಬ್ಲಿಸಿಟಿಗಾಗಿ ಅಥವಾ ಹಣ ಮಾಡುವ ಉದ್ದೇಶದಿಂದ ಈ ಹಾಡಿನಲ್ಲಿ ನಟಿಸಿಲ್ಲ ಎಂದ್ರು.

ಹೆಣ್ಣು ಮಕ್ಕಳಿಗೆ ಹಣ ಸಂಪಾದನೆ ಮಾಡಲು ಹಲವು ದಾರಿಗಳಿವೆ. ನಾನು ಹಣ ಮಾಡಲೇಬೇಕು ಎಂದು ಅಂದುಕೊಂಡಿದ್ರೆ ಸಾಕಷ್ಟು ಆ್ಯಪ್ ಗಳಿವೆ. ನಾನು ಆ ಆ್ಯಪ್ ಗಳಲ್ಲಿ ಬಟ್ಟೆ ಬಿಚ್ಚಿ ನಿಂತುಕೊಳ್ಳಬಹುದಿತ್ತು. ನನಗೆ ಹಣ ಮಾಡುವ ಆಸೆ ಇಲ್ಲ ಎಂದು ನಟಿ ತನಿಶಾ ಹೇಳಿದ್ದಾರೆ.