Sanya Iyer: ಪುತ್ತೂರಿನಲ್ಲಿ ಗಲಾಟೆನೇ ನಡೆದಿಲ್ವಾ? ನಾನು ಯಾರ ಕಪಾಳಕ್ಕೂ ಹೊಡೆದಿಲ್ಲ, ನನಗೂ ಯಾರು ಹೊಡೆದಿಲ್ಲ ಎಂದ ಸಾನ್ಯಾ ಅಯ್ಯರ್

ಸಾನ್ಯಾ ಅಯ್ಯರ್ ಕಳೆದೆಡರು ದಿನಗಳಿಂದ ಭಾರೀ ಸುದ್ದಿಯಲ್ಲಿದ್ದಾರೆ. ಪುತ್ತೂರಿನಲ್ಲಿ ಕಂಬಳ ನೋಡಲು ಹೋಗಿದ್ದ ಸಾನ್ಯಾ ಅಲ್ಲಿ ಗಲಾಟೆ ಮಾಡಿಕೊಂಡಿದ್ದಾರೆ ಎಂಬ ವರದಿಗಳು ಸಹ ಹರಿದಾಡುತ್ತಿದ್ವು.

ಕಾರ್ಯಕ್ರಮದ ವೇದಿಕೆಯ ಮೇಲೆ ಸಾನ್ಯಾ ಮತ್ತು ಗೆಳೆತಿಯರು ಆಯೋಜಕರ ಜೊತೆ ಗಲಾಟೆ ಮಾಡುವ ವಿಡಿಯೋ ಕೂಡ ವೈರಲ್ ಆಗಿತ್ತು.

ಗಲಾಟೆ ಬಗ್ಗೆ ಮಾತಾಡಿದ ಸಾನ್ಯಾ ಅಯ್ಯರ್, ನಾನು ಕಂಬಳ ನೋಡಲು ಪುತ್ತೂರಿಗೆ ಹೋಗಿದ್ದೆ ಯಾವ ಗಲಾಟೆ ಕೂಡ ನಡೆದಿಲ್ಲ ಎಂದು ಹೇಳಿದ್ದಾರೆ.

ಮಾಧ್ಯಮಗಳ ಜೊತೆ ಮಾತನಾಡದ ಸಾನ್ಯಾ ಯಾರಿಗೂ ಕಪಾಳ ಮೋಕ್ಷ ಮಾಡಿಲ್ಲ, ಅಂತಹ ಸನ್ನಿವೇಶ ಬಂದಿಲ್ಲ. ಅಂತಹ ತಪ್ಪು ಕೂಡ ಯಾರು ಮಾಡಿಲ್ಲ ಎಂದು ಹೇಳಿದ್ದಾರೆ.

ಪುತ್ತೂರಿನಲ್ಲಿ ನಡೆದ ಕಂಬಳ ಕಾರ್ಯಕ್ರಮಕ್ಕೆ ನಾನು ಅತಿಥಿಯಾಗಿ ಹೋಗಿದ್ದೆ. ಅಂದು ಕಂಬಳವನ್ನು ಸರಿಯಾಗಿ ನೋಡಲು ಆಗದೇ ಇರುವ ಕಾರಣಕ್ಕಾಗಿ ಮತ್ತೆ ಸ್ನೇಹಿತೆಯರ ಜೊತೆ ಹೋದೆ ಎಂದು ಹೇಳಿದ್ದಾರೆ.

ಕಾರ್ಯಕ್ರಮದಲ್ಲಿ ಒಬ್ಬ ಹುಡುಗ ನನ್ನ ಫ್ರೆಂಡ್ಸ್ ಕೈ ಹಿಡಿದು ಎಳೆದ ಆಗ ಸ್ವಲ್ಪ ಭಯ ಆಯಿತು. ಈ ಬಗ್ಗೆ ನಾವು ಆಯೋಜಕರಿಗೆ ತಿಳಿಸಿ ಅವ್ರ ಗಮನಕ್ಕೆ ತಂದೆವು ಅಷ್ಟೇ ಎಂದು ಸಾನ್ಯಾ ಹೇಳಿದ್ದಾರೆ.

ಘಟನೆ ಬಳಿಕ ಕೈ ಹಿಡಿದು ಎಳೆದ ಹುಡುಗ ನಂತರ ಎಲ್ಲಿಗೆ ಹೋದ? ಏನಾದ ಎನ್ನುವ ವಿಚಾರ ಗೊತ್ತಿಲ್ಲ.

ನಾನು ಆತನ ಕಪಾಳಕ್ಕೆ ಹೊಡೆದೆ ಎಂದು ಸುದ್ದಿ ಹರಡಿದೆ. ಆದ್ರೆ ನಾನು ಯಾರಿಗೂ ಹೊಡೆದಿಲ್ಲ, ನನಗೂ ಅವನು ಹೊಡೆಯಲಿಲ್ಲ ಎಂದು ಸಾನ್ಯಾ ಹೇಳಿದ್ದಾರೆ.