Actress Samantha: ಫ್ಲ್ಯಾಶ್ ಲೈಟ್‍ಗೆ ಕಣ್ಣು ಬಿಡಲು ಪರದಾಡಿದ ನಟಿ ಸಮಂತಾ, ಅಭಿಮಾನಿಗಳಲ್ಲಿ ಹೆಚ್ಚಾದ ಆತಂಕ!

ಬಹುಭಾಷಾ ನಟಿ ಸಮಂತಾ ರುತ್ ಪ್ರಭು ಶಾಕುಂತಲಂ ಸಿನಿಮಾ ಮೂಲಕ ತೆರೆಗೆ ಬರಲು ಸಜ್ಜಾಗಿದ್ದಾರೆ. ಅಭಿಮಾನಿಗಳು ಸಮಂತಾ ವರುನ್ನು ಶಾಕುಂತಲೆಯಾಗಿ ನೋಡಲು ಕಾಯ್ತಾ ಇದ್ದಾರೆ.

ಸಮಂತಾ ಅವರು ವೈಟ್ ಅಂಡ್ ವೈಟ್ ಡ್ರೆಸ್ ನಲ್ಲಿ ಮಿಂಚಿದ್ದಾರೆ. ಫ್ರೀ ಹೇರ್ ಬಿಟ್ಟುಕೊಂಡು, ಅದಕ್ಕೆ ಮ್ಯಾಚ್ ಆಗುವಂತೆ ಸರಗಳನ್ನು ಹಾಕಿಕೊಂಡಿದ್ದಾರೆ.

ಗುರುವಾರ ಸಂಜೆ ಮುಂಬೈನಲ್ಲಿ ನಟಿ ಸಮಂತಾ ಶಟರ್‌ಬಗ್‌ಗಳ ಕ್ಯಾಮೆರಾಗಳಿಂದ ಪದೇ ಪದೇ ಫ್ಲ್ಯಾಷ್‍ಗಳಿಂದ ಕಣ್ಣು ತೆರೆಯಲು ಮತ್ತು ಮುಂದೆ ನಡೆಯಲು ಪ್ರಯಾಸಪಟ್ಟರು.

ಸಮಂತಾ ಅವರಿಗೆ ಸರಿಯಾಗಿ ಪೋಸ್ ನೀಡಲು ಸಾಧ್ಯವಾಗದಿದ್ದಕ್ಕಾಗಿ ಕ್ಷಮೆಯಾಚಿಸಿ ಹೋಗಿದ್ದಾರೆ. ನಟಿಯ ತಂಡದಿಂದ ಯಾರೋ ಒಬ್ಬರು ಫ್ಲ್ಯಾಶ್ ನಹೀ ಎಂದು ಪದೇ ಪದೇ ಹೇಳುತ್ತಿದ್ದಾರೆ.

ನಟಿ ಮೈಯೋಸಿಟಿಸ್ ಎಂಬ ಕಾಯಿಲೆಯಿಂದ ಬಳಲುತ್ತಿರುವುದು ಎಲ್ಲರಿಗೂ ಗೊತ್ತಿದೆ. ಅದಕ್ಕೆ ಚಿಕಿತ್ಸೆ ಪಡೆದು, ಸದ್ಯ ಚೇತರಿಸಿಕೊಳ್ಳುತ್ತಿದ್ದಾರೆ. ಆದ್ರೆ ಕಣ್ಣುಗಳಿಗೆ ಫ್ಲ್ಯಾಶ್ ಲೈಟ್ ಬಿದ್ರೆ ಆಗಲ್ವಂತೆ.

ಸಮಂತಾ ಅವರನ್ನು ಆ ಸ್ಥಿತಿಯಲ್ಲಿ ನೋಡಿ ಅಭಿಮಾನಿಗಳು ಕಳವಳ ವ್ಯಕ್ತಪಡಿಸಿದ್ದಾರೆ. ಕ್ಯಾಮೆರಾಮನ್ ಗಳಿಗೆ ಬೈದಿದ್ದಾರೆ. "ಆಕೆಗೆ ಮೈಯೋಸಿಟಿಸ್ ಇದೆ. ಆಟೋಇಮ್ಯೂನ್ ಕಾಯಿಲೆ.ಬೆಳಕು ಅವಳ ಕಣ್ಣುಗಳ ಮೇಲೆ ಪರಿಣಾಮ ಬೀರುತ್ತದೆ ಎಂದು ಕಾಮೆಂಟ್ ಹಾಕಿದ್ದಾರೆ.

"ನಿಜವಾಗಿಯೂ ದುಃಖವಾಗಿದೆ. ಫ್ಲ್ಯಾಶ್‍ಗಳನ್ನು ಆಫ್ ಮಾಡಬೇಕು". ಅವಳು ಅನಾರೋಗ್ಯದಿಂದ ಬಳಲುತ್ತಿದ್ದಾಳೆ ಮತ್ತು ಫ್ಲ್ಯಾಶ್ ಲೈಟ್ ಅನ್ನು ನಿಭಾಯಿಸಲು ಸಾಧ್ಯವಿಲ್ಲ" ಎಂದು ಅಭಿಮಾನಿಗಳು ಹೇಳಿದ್ದಾರೆ.

ಕೆಲ ದಿನಗಳ ಹಿಂದೆ, ಶಾಕುಂತಲಂ ನಟಿ ತನ್ನ ಹೋರಾಟದ ಬಗ್ಗೆ ಮಾತನಾಡುತ್ತಾ, ತನ್ನ ಕಣ್ಣುಗಳು ಬೆಳಕಿಗೆ ಸೂಕ್ಷ್ಮವಾಗಿವೆ ಎಂದು ಬಹಿರಂಗಪಡಿಸಿದ್ದರು.