Actress Rekha: ಸುಂದರಿ ರೇಖಾ ಕೂಡಾ ಬಾಡಿ ಶೇಮಿಂಗ್ ಎದುರಿಸಿದ್ರು!

ರೇಖಾ ಅವರಿಗೆ 66 ವರ್ಷ ವಯಸ್ಸಾಗಿದೆ. ಆದರೆ ಅವರ ಸೌಂದರ್ಯಕ್ಕೆ ಹೋಲಿಸಿದರೆ ಇಂದಿನ ಬಾಲಿವುಡ್ ನಟಿಯರೂ ಸಹ ಸಪ್ಪೆಯಾಗುತ್ತಾರೆ. ರೇಖಾ ಇಂದು ಕೂಡಾ ಅಷ್ಟು ಸುಂದರಿಯಾಗಿದ್ದಾರೆ.

ವಯಸ್ಸಾದವರಂತೆ ಕಾಣುವ ಈ ವಯಸ್ಸಿನಲ್ಲಿ ರೇಖಾ ಅವರನ್ನು ನೋಡಿದರೆ ದೇವರು ಅವರಿಗೆ ದಯೆ ತೋರಿ ವಯಸ್ಸು ಹೆಚ್ಚಾಗುವ ಬದಲು ಕಡಿಮೆ ಮಾಡುತ್ತಿದ್ದಾನೇನೋ ಎನ್ನಬೇಕು. ಆದರೆ ನಿಮಗೆ ಗೊತ್ತಾ, ರೇಖಾ ಒಮ್ಮೆ ಬಾಡಿ ಶೇಮಿಂಗ್ ಎದುರಿಸಬೇಕಾಯಿತು.

ರೇಖಾ ತೂಕ ಹೆಚ್ಚಾಗಿದ್ದಕ್ಕೆ ಮಾತ್ರವಲ್ಲ, ಕಪ್ಪು ಮೈಬಣ್ಣದ ಕಾರಣಕ್ಕೂ ಗೇಲಿ ಮಾಡಲ್ಪಟ್ಟರು. ಇಂದು ತುಂಬಾ ಸುಂದರವಾಗಿ ಕಾಣುವ ರೇಖಾ ರಾತ್ರೋರಾತ್ರಿ ಸುಂದರಿಯಾಗಲಿಲ್ಲ. ಅದರ ಹಿಂದೆ ಸಾಕಷ್ಟು ನೋವು ಕೂಡಾ ಅನುಭವಿಸಬೇಕಾಯಿತು.

ಹಾಗಾಗಿ ಈ ಲುಕ್ ಪಡೆಯಲು ಅವರು ಸಾಕಷ್ಟು ಪ್ರಯತ್ನಗಳನ್ನು ಮಾಡಬೇಕಾಯಿತು. ಅದನ್ನು ಅವರೇ ಬಹಿರಂಗಪಡಿಸಿದರು. ತಾವು ಎದುರಿಸಿದ ಬಾಡಿ ಶೇಮಿಂಗ್ ಬಗ್ಗೆಯೂ ಮಾತನಾಡಿದ್ದಾರೆ.

ಕೆಲವೊಮ್ಮೆ ಪಾಪ್ ಕಾರ್ನ್ ತಿನ್ನುತ್ತಿದ್ದೆ. ಚಾಕೊಲೇಟ್ ಮುಕ್ತವಾಗಲು ಎರಡೂವರೆ ವರ್ಷ ಬೇಕಾಯಿತು ಎಂದೂ ಅವರು ಹೇಳಿದ್ದಾರೆ. ಅಂತೂ ತೂಕ ಇಳಿಸಿ ಫಿಟ್ ಆಗಲು ನಟಿ ಸಾಕಷ್ಟು ಕಷ್ಟಪಟ್ಟಿದ್ದರು.

1998ರಲ್ಲಿ ತೆರೆಕಂಡ ‘ಘರ್’ ಸಿನಿಮಾ ರಾತ್ರೋರಾತ್ರಿ ನಡೆದಿದೆ ಎಂದು ಜನ ಅಂದುಕೊಂಡಿದ್ದರು. ಆದರೆ ಅದು ರಾತ್ರೋರಾತ್ರಿ ಆಗಲಿಲ್ಲ, ಎರಡೂವರೆ ವರ್ಷ ಬೇಕಾಯಿತು ಎಂದಿದ್ದಾರೆ.

ರೇಖಾ 1970 ರಲ್ಲಿ 'ಸಾವನ್ ಭಾಡೋನ್' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ರೇಖಾ ತಮ್ಮ ವೃತ್ತಿಜೀವನದಲ್ಲಿ ಸುಮಾರು 200 ಚಿತ್ರಗಳಲ್ಲಿ ನಟಿಸಿದ್ದಾರೆ.

ರೇಖಾ ಅವರು ಈಗ ಸಿನಿಮಾಗಳಲ್ಲಿ ನಟಿಸುತ್ತಿಲ್ಲ. ಆದರೆ ಅವರು ಯಾವುದೇ ಬಾಲಿವುಡ್ ಇವೆಂಟ್ ಕೂಡಾ ಮಿಸ್ ಮಾಡುವುದಿಲ್ಲ. ಎಲ್ಲರೊಂದಿಗೆ ಬೆರೆತು ಕಾರ್ಯಕ್ರಮಗಳಲ್ಲಿ ಭಾಗಿಯಾಗುತ್ತಾರೆ.

ರೇಖಾ ಅವರು ಅವರ ಕಾಲದಲ್ಲಿ ಅತ್ಯಂತ ಬೇಡಿಕೆಯ ನಟಿಯಾಗಿದ್ದರು. ಬಾಲಿವುಡ್​ನಲ್ಲಿ ಟಾಪ್ ಸ್ಟಾರ್​ಗಳ ಜೊತೆ ತೆರೆ ಹಂಚಿಕೊಂಡು ಸೈ ಎನಿಸಿಕೊಂಡಿದ್ದರು.

ರೇಖಾ ಹಾಗೂ ಅಮಿತಾಭ್ ಬಚ್ಚನ್ ಅವರ ಲವ್​ಸ್ಟೋರಿ ಎಲ್ಲಾ ಕಡೆಗಳಲ್ಲಿ ಫೇಮಸ್. ಈ ಜೋಡಿ ಮದುವೆಯಾಗುವವರಿದ್ದರು. ಆದರೆ ಇವರ ಮದುವೆ ನಡೆಯಲಿಲ್ಲ.

ರೇಖಾ ಹಾಗೂ ಅಮಿತಾಭ್ ಬಚ್ಚನ್ ಮಧ್ಯೆ ಜಯಾ ಬಚ್ಚನ್ ಬಂದರು. ನಂತರ ಜಯಾ ಹಾಗೂ ಅಮಿತಾಭ್ ಬಚ್ಚನ್ ಮದುವೆಯಾದರು. ರೇಖಾ ಮದುವೆಯಾದರೂ ಅವರು ಸುಖ ಸಂಸಾರ ನಡೆಸಲು ಸಾಧ್ಯವಾಗಲಿಲ್ಲ.

ರೇಖಾ ಅವರ ಸಿನಿಮಾಗಳಷ್ಟೇ ಅವರ ಡ್ಯಾನ್ಸ್ ಕೂಡಾ ಫೇಮಸ್ ಆಗಿದೆ. ಅವರ ಸಿನಿಮಾದ ಹಾಡುಗಳು ಬಹಳಷ್ಟು ಎವರ್​ಗ್ರೀನ್ ಲಿಸ್ಟ್ ಸೇರಿಕೊಂಡು ದಾಖಲೆ ಬರೆದಿವೆ.

ರೇಖಾ ಅವರು ಇತ್ತೀಚೆಗೆ ನೀತಾ ಮುಕೇಶ್ ಅಂಬಾನಿ ಕಲ್ಚರಲ್ ಸೆಂಟರ್​ನ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಅಲ್ಲಿ ಅಮಿತಾಭ್ ಅವರ ಸೊಸೆ ಐಶ್ವರ್ಯಾ ರೈ ಬಚ್ಚನ್ ಹಾಗೂ ಆರಾಧ್ಯ ಜೊತೆ ಪೋಸ್ ಕೊಟ್ಟಿದ್ದರು.