Rashmika Mandanna: ಪ್ರಪೋಸ್ ಮಾಡೋ ಟ್ರಿಕ್ ರಶ್ಮಿಕಾ ಹೇಳ್ಕೊಡ್ತಾರೆ! ಐಡಿಯಾ ಸೂಪರ್

ಪ್ರೇಮಿಗಳ ದಿನ ಸಮೀಪಿಸುತ್ತಿದ್ದಂತೆ ಎಲ್ಲರೂ ಪ್ರಪೋಸ್ ಮಾಡೋದು ಹೇಗಪ್ಪಾ ಎನ್ನುವ ತಲೆಬಿಸಿಯಲ್ಲಿದ್ದಾರೆ. ಈ ಸಂದರ್ಭ ನೆಟ್ಟಿಗರೆಲ್ಲ ಪ್ರಪೋಸ್ ಮಾಡೋದನ್ನು ರಶ್ಮಿಕಾ ಅವರಿಂದ ಕಲಿತುಕೊಳ್ಳಿ ಅಂತ ಟಿಪ್ಸ್ ಕೊಡ್ತಿದ್ದಾರೆ.

ರಶ್ಮಿಕಾ ಮಂದಣ್ಣ ಅವರು ಪ್ರಪೋಸ್ ಮಾಡೋದು ಹೇಗೆ ಗೊತ್ತಾ? ಅವರ ಹಳೆಯದೊಂದು ವಿಡಿಯೋ ಸಖತ್ ವೈರಲ್ ಆಗಿದೆ. ಇದರಲ್ಲಿ ನಟಿ ಹೇಗೆ ಪ್ರಪೋಸ್ ಮಾಡಿದ್ದಾರೆ ಅನ್ನೋದು ಇಲ್ಲಿದೆ.

ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಲೆಂದು ಬಂದ ಬಹುಭಾಷಾ ನಟಿ ರಶ್ಮಿಕಾ ಅವರನ್ನು ಅಭಿಮಾನಿಯೊಬ್ಬರು ಮಾತನಾಡಿಸಿದ್ದಾರೆ. ಮೇಡಂ, ತೆಲುಗಿನಲ್ಲಿ ಪ್ರೇಮ ನಿವೇದನೆ ಮಾಡುವುದು ಅಥವಾ ಪ್ರೊಪೋಸ್ ಮಾಡುವುದು ಹೇಗೆ ಹೇಳಿಕೊಡಿ' ಎಂದು ಕೇಳಿದ್ದಾರೆ.

ಇದಕ್ಕೆ ಉತ್ತರಿಸಿದ ನಟಿ ನೀನು ತುಂಬಾ ಚೆನ್ನಾಗಿ ಕಾಣುತ್ತಿದ್ದೀಯ ಎಂದು ತೆಲುಗಿನಲ್ಲಿ ಹೇಳಿದ್ದಾರೆ. ರಶ್ಮಿಕಾ ತೆಲುಗಿನಲ್ಲಿ ಈ ಮಾತು ಹೇಳ್ತಿದ್ದಂತೆ ಅಭಿಮಾನಿ 'ಸೇಮ್ ಟು ಯು' ಎಂದಿದ್ದಾನೆ.

ಅಭಿಮಾನಿಯ ಚಾಲಾಕಿ ಉತ್ತರದಿಂದ ರಶ್ಮಿಕಾ ಒಮ್ಮೆ ಕಕ್ಕಾಬಿಕ್ಕಿಯಾದರೂ ನಂತರ ನಾಚಿದ್ದಾರೆ. ಎಂದಿನಂತೆ ಕ್ಯೂಟ್ ಸ್ಮೈಲ್ ಕೊಟ್ಟು ಹೋಗಿದ್ದಾರೆ.

ಲವ್ ಹೇಳೋದು ಹೇಗೆ ಅಂತ ಐಡಿಯಾ ಹುಡುಕುತ್ತಿರುವರು ಈ ಟ್ರಿಕ್ ಯೂಸ್ ಮಾಡಬಹುದೇನೋ? ಪ್ರೇಮಿಯ ಬಾಯಲ್ಲೇ ಐ ಲವ್​ ಯೂ ಅಂತ ಹೇಳಿಸಿಬಿಡಬಹುದು.

ರಶ್ಮಿಕಾ ಹಾಗೂ ವಿಜಯ್ ದೇವರಕೊಂಡು ಡೇಟಿಂಗ್ ಮಾಡುತ್ತಿರುವ ವಿಚಾರ ಈಗ ಗುಟ್ಟಾಗಿ ಉಳಿದಿಲ್ಲ. ಈ ವಿಷಯ ಎಲ್ಲರಿಗೂ ಗೊತ್ತು. ಈ ಬಾರಿ ಪ್ರೇಮಿಗಳ ದಿನವನ್ನು ಇವರು ಆಚರಿಸುತ್ತಾರಾ ಎನ್ನುವ ಕುತೂಹಲ ಎಲ್ಲರಲ್ಲಿದೆ.